1 यूहन्ना 4:16 - गढवली नयो नियम

¹⁶ अर हम अच्छा ढंग ल जांणि ग्यां अर हम विश्वास भि करदां कि पिता परमेश्वर हम बट्टी प्रेम करदो। पिता परमेश्वर प्रेम च अर जु कुई प्रेम मा रौंदो उ पिता परमेश्वर मा रौंदो अर पिता परमेश्वर वेमा रौंद।

Garhwali

¹⁶ इलै अब हम परमेस्वर का प्यार तैं जाणि ग्यां अर वे पर बिस्वास करद्‍यां, किलैकि परमेस्वर प्यार च। अर जु कुई वेका प्यार मा बणयूं रौन्दु, त उ परमेस्वर का दगड़ा मा अर परमेस्वर वेका दगड़ा मा बणयूं रौन्दु।

1 यूहन्ना 4:16 Referans Kwoze

1 यूहन्ना 3:24

अर जु पिता परमेश्वर की आज्ञाओं तैं मणदो, उ पिता परमेश्वर मा अर परमेश्वर वेमा रौंदो; अर यां बट्टी ही पवित्र आत्मा ल जु वेल हम तैं दियुं च, हम जंणदा छा, कि पिता परमेश्वर हम मा रौंदो।

1 यूहन्ना 3:1

सोचा त सै कि, पिता परमेश्वर ल हम बट्टी भौत प्रेम कैरी, कि हम पिता परमेश्वर की संतान कहलौंदियां, हकीकत मा हम वेकी सन्तान छैं भि छा। ईं दुनिया का लोग यु नि जणदींनि कि हम पिता परमेश्वर की संतान छा, किलैकि दुनिया का लोग पिता परमेश्वर तैं नि जणदींनि।

1 यूहन्ना 3:16

हम ल प्रेम यां बट्टी जांणि, कि यीशु मसीह ल हम कु अपड़ो प्राण द्ये दींनि; इलै हम तैं भि विश्वासी भयों का खातिर अपड़ा प्राण दींण चयणु च।

1 कुरिन्थि 2:9

पर जन परमेश्वर का वचन मा लिख्युं च, “जु कैल कभी नि देखि, अर कभी कैल नि सूंणि, अर न कभी कै मनिख ल यूं अद्भुत चीजों का बार मा समझी, जु पिता परमेश्वर ल अपड़ा प्रेम रखण वलो कु तैयार कैरी।”

यूहन्ना 6:69

अर हम ल विश्वास कैरी अर जांणि भि ग्यां कि तु एक पवित्र जन छै जै तैं पिता परमेश्वर ल भेजि।

यूहन्ना 9:3

यीशु ल जवाब दींनि, न येल पाप कैरी छो अर न वेका ब्वे-बुबा ल, पर यु इलै अंधों पैदा हवे कि परमेश्वर का काम वे पर प्रगट हूंनु।

1 यूहन्ना 4:7

हे प्रियों, हम आपस मा प्रेम रखा; किलैकि प्रेम पिता परमेश्वर की तरपां बट्टी च अर जु कुई दूसरों बट्टी प्रेम करदो, उ पिता परमेश्वर की सन्तान च अर पिता परमेश्वर तैं जंणदु च।