1 यूहन्ना 3:6 - गढवली नयो नियम

⁶ जु कुई वेमा बणयुं रौंदो, उ सदनी पाप नि करदु; जु कुई पाप करदो, वेल न त वे तैं समझी कि मसीह को च, अर न वे तैं जंणदु।

Garhwali

⁶ अर जु कुई मसीह का दगड़ा मा बणयूं रौन्दु उ मनखि लगातार पाप नि करदु, पर जु मनखि पाप करण मा लग्यूं रौन्दु, वेन नऽ त यीशु मसीह तैं देखि अर ना ही वेतैं जणदु।

1 यूहन्ना 3:6 Referans Kwoze

3 यूहन्ना 1:11

हे प्रिय, ऊं लुखुं कि नकल नि कैरा जु बुरा काम करदींनि, बल्कि ऊं लुखुं को आज्ञा कु पालन कैरा जु कुई अच्छो कर्म करदो, त यु बतांद कि उ परमेश्वर कि सन्तान च। पर जब कुई बुरा काम करदु, त उ दर्शादों कि उ परमेश्वर तैं नि जंणदो।

1 यूहन्ना 3:9

जु कुई पिता परमेश्वर की संतान च उ सदनी पाप मा बणयूँ नि रौंद; किलैकि अफ भि पिता परमेश्वर को स्वभाव वेमा च; अर उ पाप कैरी ही नि सकदो, किलैकि उ पिता परमेश्वर की संतान च।

1 यूहन्ना 2:4

जु कुई यु बुल्दो, “मि पिता परमेश्वर तैं जांणि ग्यूं” पर वेकी आज्ञाओं तैं नि मणदो, त उ झूठो च; किलैकि उ पिता परमेश्वर का सचै का अनुसार नि ज्यून्दो।

1 यूहन्ना 4:8

जु दूसरों बट्टी प्रेम नि करदो उ पिता परमेश्वर तैं नि जंणदु, किलैकि पिता परमेश्वर प्रेम च।

1 यूहन्ना 3:2

हे प्रियों, अब हम पिता परमेश्वर कि संतान छा, अर अब तक उ प्रगट नि हवे, कि भविष्य मा हम क्य कुछ बंणि जौला! इथग जंणदा, कि जब यीशु मसीह प्रगट होलो त हम भि वे जन होला, किलैकि हम वे तैं उन ही दिखला जन उ छै च।

1 यूहन्ना 5:18

हम जंणदा छा, कि जु कुई पिता परमेश्वर की सन्तान च, उ पाप मा नि बणयूँ रौंद; किलैकि जु कुई पिता परमेश्वर की सन्तान च, वे तैं उ बचै के रखद; अर उ दुष्ट शैतान वे तैं छू भि नि सकद।

2 कुरिन्थि 4:6

इलै कि पिता परमेश्वर ल बोलि, “अंधेरा मा बट्टी उज्यलो चमकी” अर पिता परमेश्वर ल उज्यला का जन हमारा मनों मा समझ द्ये, कि हम पिता परमेश्वर की महिमा तैं देख सका जु यीशु मसीह मा प्रगट हूंदी।

1 यूहन्ना 2:28

इलै हे नौंनो, मसीह का दगड़ी एकता मा हमेशा बणयां रावा, कि जब उ फिर से प्रगट होलो, त हम तैं हिम्मत हो, अर हम वेका आंण पर वेका संमणी लज्जित नि हो।

2 कुरिन्थि 3:18

हम सब एक शीशा जन पिता परमेश्वर का महिमा का तेज तैं इन मुकूं बट्टी दर्शादा जै पर पर्दा नि पुड़यूँ, त पिता परमेश्वर हम तैं लगातार बढ़यां तेज मा जादा से जादा अफ जन बनांणु च। यु तेज प्रभु बट्टी ही मिल्दा, जु पवित्र आत्मा च।

1 यूहन्ना 2:3

जु हम पिता परमेश्वर की आज्ञाओं तैं मांणा, त वे बट्टी हम तैं पता लगलो कि हम वे तैं जंणदां छा।