1 कुरिन्थि 8:4 - गढवली नयो नियम

⁴ त फिर, मि तैं मूर्तियों का संमणी चढ़यूं बलि का खांणु का बारा मा पुछयां सवालों कु जवाब दींण चयणु च; हम जंणदा छा कि भस एक ही ज्यूँदो पिता परमेश्वर च अर ईं दुनिया मा मूर्तियां बेजान छिनी।

Garhwali

⁴ अर मूरतों का समणि बलि करीं चीजों तैं खाण का बारा मा हम जणदा ही छां कि ईं दुनियां मा मूरत कुछ भि नि छिन। अर वे एक परमेस्वर तैं छोड़ि के और कुई परमेस्वर छैई नि च।

1 कुरिन्थि 8:4 Referans Kwoze

1 तीमुथियुस 2:5

किलैकि भस एक ही पिता परमेश्वर च अर वेका अर मनिख्युं का बीच मा भि भस एक ही जुड़ण वलो च, यानि मसीह यीशु जु कि मनिख का रूप मा पैदा हवे।

इफिसुस 4:6

अर एक ही पिता परमेश्वर च जु सभि लुखुं कु बुबा च, उ हम सब पर राज्य करद, उ हम सभियूं का द्वारा काम करद, अर उ हम सभियूं मा रांदो।

मरकुस 12:29

यीशु ल वे तैं जवाब दे सभि आज्ञाओं मा बट्टी या आज्ञा मुख्य च “हे इस्राएल का लुखुं सूंण प्रभु हमारो परमेश्वर जैकी हम भक्ति करदयां उ एक ही प्रभु च”

1 कुरिन्थि 8:10

तुम जंणदा छा, कि यु मूर्तियां हक्कीकत मा परमेश्वर नि छिनी इलै तुम मूर्तियों का मन्दिर मा बलि कु खांणु भि खै सकदियां। पर जु कुई विश्वास मा कमजोर च उ तुम तैं जु उख खांणु खांण देखु त मूर्तियों तैं चढ़यूं मांस खांण कु प्रोत्साहित हूंद, जबकि उ सुचद कि इन कन गलत च।

1 कुरिन्थि 8:1

तुम्हरी चिठ्ठी मा तुम ल मूर्तियों का संमणी चढ़यूं बलि कु खांणु का बारा मा पूछि छों, कि हम सभि यु बारा मा जंणदा छा; पर ज्ञान बड़ा मोन तैं पैदा करद, पर अगनैं बढ़ण मा हम एक-दुसरा की मदद प्रेम का दगड़ी करदां।

खास चेलों 19:26

तुम देखदां अर सुणदा छा की भस इफिसुस शहर ही मा न, पर एशिया प्रान्त का सभि गौ मा यु बोलि-बोलि के यु पौलुस ल भौत लुखुं तैं समझै अर भरमै भि च की जु हथों की कारीगरी छिन उ ईश्वर नि छिनी।

खास चेलों 14:15

“हे लुखुं, तुम क्य कना छा? हम भि त तुम जन दुख-सुख भुगण वला आदिम छा, अर तुम तैं शुभ सन्देश प्रचार सुनांणा छा, कि तुम यूं बेकार की चीजों बट्टी दूर हवे के ज्यून्दा पिता परमेश्वर की तरपां आ। वेल ही आसमान अर धरती अर जु कुछ वां मा च सभि कुछ बणये।

1 तीमुथियुस 1:17

अब उ राजा जु हमेशा कु राज्य करद, यानि जु हमेशा कु ज्यूँदो च, जै तैं कुई देखि नि सकद एकमात्र परमेश्वर कु आदर अर महिमा जुग-जुग तक हूंणी रौ। आमीन।

खास चेलों 15:20

पर हम ऊं तैं एक चिठ्ठी लिखीं कै भेजा, कि उ वे मांस तैं नि खये जै तैं लुखुं ल मूर्तियों तैं चढ़ायूं च अर व्यभिचार अर गौलो घोंटी कै मर्यां जानवरों कु मांस नि खयां अर जानवरों को ल्वे नि खयां।

1 कुरिन्थि 8:11

इन कै तेरु ज्ञान का कारण जु विश्वासी भैय विश्वास मा कमजोर च उ मसीह मा विश्वास कन बन्द कैरी दयालो, जैकु यीशु मसीह ल अपड़ा आप तैं बलिदान कैरी।

गलातियों 4:8

जब तुम पिता परमेश्वर तैं नि जंणदा छा, तुम वे बगत ऊं देबतों का दास छा, जु असली मा परमेश्वर छैं ही नि छिनी।