1 कुरिन्थि 7:30 - गढवली नयो नियम

³⁰ जु लोग रूंदा छिनी या जु लोग खुश छिनी या जु लोग अफ कु चीजों तैं खरीद दींनि ऊं तैं यूं सभि चीजों का बारा मा जादा चिंता नि कन चयणी च (किलैकि यु सभि बातों बट्टी तुम प्रभु की सेवा कनु कु भूली जैला)

Garhwali

³⁰ अर जु लोग दुखी छिन ऊंको पूरु ध्यान अपणा दुख की तरफा नि हो, बल्किन मा परमेस्वर की सेवा की तरफा हो। अर जु लोग खुशी मनौणा रौनदिन ऊंको पूरु ध्यान खुशी मनौण की तरफा ना, बल्किन मा परमेस्वर की सेवा की तरफा हो। अर जु व्यापारी छिन ऊंको ध्यान अपणा व्यापार की तरफा ना, बल्किन मा परमेस्वर की सेवा की तरफा होण चयेणु।

1 कुरिन्थि 7:30 Referans Kwoze

यूहन्ना 16:22

इन ही रीति बट्टी, तुम तैं भि अब त शोक च, पर मि तुम तैं फिर मिललो तुम आनन्दित हवेला अर तुमारो आनन्द कुई तुम बट्टी छिन नि सकदो।

लूका 6:25

पर हाय तुम पर जौं मा उ सब कुछ च जु तुम चांदा छा किलैकि भुखी रैल्या हाय तुम पर जु अभि हैंसणा छा किलैकि दुखी करिल्या अर रुवैल्या।

लूका 6:21

“धन्य छा तुम जु अब भूखा छा किलैकि तृप्त किये जाला धन्य छा तुम जु अभि रूंदा छा किलैकि हैंसिल्या।”

दिब्य दरस 18:7

तू वीं तैं निश्चय ही जादा पिड़ा अर दुःख दिलैली जु वीं का भोगविलास भुरयां जीवन अर वीं का अपड़ा आप का प्रति घमण्ड का बराबर च। वीं ल अपड़ा आप बट्टी बोलि, “मि एक राणी का जन छो अर मि लुखुं पर राज्य करुलु। मि एक विधवा नि छो अर मि दुःख को अनुभव नि करुलु।”

दिब्य दरस 7:17

किलैकि चिनखो जु सिंहासन का बीच मा च, उ ऊंकी देखभाल करलो, उन ही जन एक चरवाहा अपड़ा ढिबरो की देखभाल करद; अर उ, ऊं तैं ताजा पांणी पींणु कु लिजालो जु लुखुं तैं जीवन दान दींद, अर पिता परमेश्वर ऊंकी आँखों बट्टी सभि आँसूओं तैं फूंजी दयालो।”

लूका 16:25

पर अब्राहम ल बोलि “हे बेटा याद कैर तिल अपड़ा जीवन मा भलि चीज लींनि अर लाजर तैं सभि बुरी चीज मिली पर उ अब इख शान्ति पांणु च अर तु पिड़ा मा छै।”

1 कुरिन्थि 7:29

हे विश्वासी भयों, मि बुल्दो कि, ईं दुनिया मा हम मा जादा बगत नि च, यु कारण की तुम्हरी जनन च या नि च, यांका बारा मा जादा परेशान नि व; पर प्रभु की सेवा कना का बारा मा सुचणां रा।

1 कुरिन्थि 7:31

अर ईं दुनिया मा जु कुछ भि हम म च, हम तैं वे तैं जादा कीमती नि समझण चयणु च, किलैकि उ सब ईं दुनिया मा जादा लम्बा बगत नि चललो।