1 कुरिन्थि 6:5 - गढवली नयो नियम

⁵ मि तुम तैं शर्मिंदा कनु कु इन बुल्णु छौं। क्य तुम मा बट्टी एक भि बुद्धिमान नि मिल्दो, जु अपड़ा विश्वासी भैय कु जांच कु फैसला कैरी सैकु?

Garhwali

⁵ अर या बात मि तुम खुणि इलै बोन्‍नु छौं, ताकि तुमतै खुद पर सरम अऽ। अर एक बात बता, क्या सच्‍चि मा तुमरा इख एक भि समझदार नि च, जु कि तुम बिस्वासी लोगु का वाद-विवाद तैं सुळझै सैको।

1 कुरिन्थि 6:5 Referans Kwoze

1 कुरिन्थि 15:34

तुम तैं अपड़ी सुध-बुध मा ठिक ढंग से सुचण चयणु च, अर पाप कन बंद कैरी दींण चयणु च; किलैकि तुम मा बट्टी कुछ कु पिता परमेश्वर का दगड़ी सै रिश्ता नि च, मि तुम तैं शर्मिन्दा कनु कु यूं बुल्णु छो।

1 कुरिन्थि 4:14

मि तुम्हरी बेज्जती कनु कु यूं बातों तैं नि लिखणु छों, पर मेरू उद्देश्य च, कि तुम तैं शिक्षा दयूंनु, किलैकि तुम मेरा बच्चों का समान छा, जु मि बट्टी प्रेम रखदींनि मि तुम तैं चितांणु छो।

याकूब 1:5

पर जु तुम मा बट्टी कै तैं बुद्धि की कमी-घटि हो, त पिता परमेश्वर बट्टी मांगो, जु बगैर गलती खुज्ज्यां सभियूं तैं भरपूरी बट्टी दींद उ पिता परमेश्वर तुम तैं भि दयालो।

1 कुरिन्थि 11:14

क्य स्वभाविक रीति ल भि तुम नि जणदां, कि जु आदिम लम्बा बाल रखदो, त वेको यु अपमान च।

1 कुरिन्थि 4:10

लोग हम तैं मूर्ख मणदींनि किलैकि हम मसीह का बारा मा उपदेश दींदयां, पर तुम गलत सुचदा कि तुम इथग बुद्धिमान मसीह छा, भौत लोग मणदींनि कि हम मा कुई अधिकार नि च। पर तुम गर्व से बुल्दा कि तुम मा पिता परमेश्वर की शक्ति च। लोग हमारो आदर नि करदींनि पर उ तुम्हरो सम्मान करदींनि।

1 कुरिन्थि 3:18

जु तुम मा बट्टी कुई इन सोच कि तुम दुनिया का लुखुं मा भौत ज्ञानी छा, त तुम तैं ईं दुनिया का लुखुं मा मूर्ख बंणि जांण चयणु च, कि तुम पिता परमेश्वर की नजर मा अपड़ा आप तैं ज्ञानी बणै सका।

खास चेलों 1:15

ऊं दिनों मा पतरस सभि विश्वासी भयों का बीच मा जु लगभग एक सौ बीस मनिख छा खड़ो हवे के बुल्ण लगि गै

खास चेलों 9:13

पर हनन्याह ल बोलि, “प्रभु, मिल भौत लुखुं बट्टी यु आदिम का बारा मा सूंणि, कि येल यरूशलेम शहर मा तुम्हरा विश्वासी लुखुं तैं दुःख द्ये;

1 कुरिन्थि 6:1

जु तुम मा बट्टी कै एक कु कै हैंका विश्वासी दगड़ी झगड़ा हवे जांद, त तुम तैं जांच कु कै अधर्मी न्यायाधीश मा नि जांण चयणु च। तुम तैं अपड़ी मण्डलि मा हैंका विश्वासियों बट्टी अपड़ा मामलों कु फैसला कनु कु बुल्ण चयणु च कि तुम मा बट्टी कु जी ठिक च।

1 कुरिन्थि 6:4

जु इन मामला समणी औंदींनि, त तुम तैं ऊं मामलों तैं ऊं लुखुं का द्वारा जांच कैरी के नि निपटांण चयणु च जु मण्डलि मा लुखुं का द्वारा सम्मान का लैक नि समझै जयदींनि।