1 कुरिन्थि 5:6 - गढवली नयो नियम

⁶ तुम्हरो बड़ो मोन कन ठिक नि च मण्डलि पूरा ढंग पर अनैतिकता तैं लै के दुःखी अर वे बट्टी दूर हूंणा का बजाय वे पर बड़ो मोन कनी च; जन जरा सी खमीर पूरा गूंदयां आटा तैं खमीर कैरी दींद उन ही, जु एक आदिम तैं पाप कने की मंजूरी मिलो, त जल्द ही सभि लोग भि उन ही कनु कु प्रभावित होला।

Garhwali

⁶ अर तुमतै क्या लगदु, कि बड़ु मोन कन ठिक बात च? अर क्या तुम नि जणद्‍यां कि, “अगर थुडु सा खमीर तैं आटा मा मिल्ये जौ, त उ पूरा गुन्द्‍यां आटा तैं खमीर बणै देन्दु।”

1 कुरिन्थि 5:6 Referans Kwoze

याकूब 4:16

जु तुम अपड़ी बणईं योजना पर घमण्ड करद्यां, इन्दरो सैरो घमंड बुरो हूंद।

गलातियों 5:9

झूठी शिक्षा इन फैलणी च, जन की य कहावत बुल्दी, “जरा सी खमीर सब गुन्द्या आटा तैं खमीर कैरी दींद।”

1 कुरिन्थि 15:33

जु लोग इन बात करदींनि, ऊंका द्वारा मूर्ख नि बणा, “बुरी संगति अच्छा चरित्र तैं भि बिगाड़ी दींदी।”

1 कुरिन्थि 5:2

तुम तैं बल्कि दुःख बट्टी भुरे जांण चयणु च अर वे आदिम तैं जैल इन काम कैरी, वे तैं मण्डलि बट्टी भैर निकाली दींण चयणु च पर यांका बजाय तुम और भि जादा बड़ा मोन का हवे ग्यां।

मत्ती 13:33

यीशु ल एक और मिसाल ऊं तैं सुंणै कि स्वर्ग कु राज्य खमीर का जन च जै तैं एक जनन ल ले के तीन पथा आटा मा मिलै दींनि अर होंद-होंद उ सब खमीर हवे गै।

2 तीमुथियुस 2:17

अर इन कै यु बात सड़यां घाव का जन फैली जालो, अर अंत मा ऊं लुखुं का विश्वास तैं नाश कैरी दयाला जु ऊं तैं सुणदींनि। ऊंमा बट्टी दुई हुमिनयुस अर फिलेतुस ऊं मदि छिनी

1 कुरिन्थि 3:21

इलै एक अगुवा कु बुल्युं मनणु का बारा मा बड़ो मोन कन बंद कैरा, किलैकि पिता परमेश्वर ल तुम तैं सब कुछ तुम्हरी ही भलै कु दयूं च।

लूका 13:21

स्वर्ग कु राज्य खमीर का जन च जै तैं एक जनन ल ले के तीन पथा आटा मा मिलै दींनि अर होंद-होंद उ सब खमीर हवे गै।

रोमियों 6:16

तुम जंणदा छा कि जब तुम अपड़ा आप तैं कैका गुलाम हूंणु कु दे दींदयां त उ मनिख तुमारो स्वामी हवे जांद, अर तुम तैं इन ही कन चयणु च जु उ बुल्द; तुम पाप का दास हवे सकदा छा जु मृत्यु का तरपां लीजांद, या फिर तुम परमेश्वर की आज्ञा कु पालन कनु कु चुनाव कैरी सकदां, जु धर्मी जीवन कि तरपां लीजांद।