1 कुरिन्थि 5:11 - गढवली नयो नियम

¹¹ पर मेरू बुल्ण इन च, कि जु कुई अपड़ा आप तैं विश्वासी बुल्ण वलो हो अर व्यभिचारी, य लोभि, य मूर्तियों तैं पुजण वलो, य गल्ली दींण वलो, य पियक्कड़, य धोखा दींण वलो हो त वेको दगड़ो नि करयां बल्कि इन मनिख का दगड़ा मा खांणु भि नि खैयां।

Garhwali

¹¹ अर यू सब बतौणु खुणि ही मि तुम खुणि इन लिखणु छौं, कि तुमतै इन्द्रया लोगु का दगड़ा मा मेल-जोल नि रखण चयेणु, जु खुद तैं मसीह का लोग बतौन्दिन, मगर दुसरो का दगड़ा मा गळत सम्बन्ध रखदिन, या लालची छिन, अर मूरत पूजा या गळी देण वळा छिन, या फिर दरोळया, दुसरो तैं धोखा देण वळा छिन। अरे, मि तुमतै बतै देन्दु कि इन्द्रया लोगु का दगड़ा मा खाणुक खाण भि छोड़ि द्‍या।

1 कुरिन्थि 5:11 Referans Kwoze

रोमियों 16:17

अब हे विश्वासी भयों, मि तुम बट्टी बिनती कनु छौं, कि जु लोग वीं शिक्षा का विपरीत बट्टी जु तुम ल पै, फूट डलण अर ठोकर खिलांण कु कारण हूंदींनि, ऊं बट्टी बचि के रावा; अर ऊं बट्टी दूर रावा।

2 थिस्सलुनीकी 3:14

जु कुई हमारी ईं चिट्ठी का संदेश तैं नि मांणो, त वे तैं पहचनणै की कोशिश कैरा; सचेत रावा अर वेको दगड़ो नि कैरा, ज्यां ल उ शर्मिंदा हो।

2 थिस्सलुनीकी 3:6

हे विश्वासी भयों, हम तुम तैं वे अधिकार ल जु प्रभु यीशु मसीह ल हम तैं द्ये; कि तुम हरेक इन्दारया भैय से अलग रावा जु ठिक से जीवन बसर नि करदो हो, जु ऊं आदेशों कु पालन नि करद जु हम ल तुम तैं सिखै छो।

मत्ती 18:17

जु उ ऊंकी भि नि मांणु त मण्डलि मा जै कै बोलि दे पर जु उ मण्डलि कि भि नि मांणु त वेका दगड़ी वे जन ही बरतौ किये जौं तुम कै अन्यजाति या चुंगी लींण वलो का दगड़ी किये जौ।

1 कुरिन्थि 5:13

पर जु लोग विश्वासी नि छिनी ऊंको न्याय पिता परमेश्वर करदो। पर जन परमेश्वर का वचन मा लिख्युं च, वे अनैतिक आदिम तैं अपड़ी मण्डलि का दगड़ी नि जुड़ण द्या।

2 यूहन्ना 1:10

जु कुई तुम मा औ, अर मसीह शिक्षा नि द्ये वे तैं न त घौर औंण द्या अर न वे तैं प्रणाम कैरी के बढ़ावा द्या।

दिब्य दरस 22:15

पर उ जु बुरा काम करदींनि, टूणा, व्यभिचारी, हत्यारा, मूर्ति पुजण वला, हर एक झूठ तैं चांण वला अर उ जु झूठ बुल्दींनि, उ कभी भि शहर मा प्रवेश नि कैर सकदींनि।

दिब्य दरस 21:8

पर जु मि पर विश्वास नि रखदींनि, ऊं तैं जोर जबरदस्ती ल गन्धक ल जलांण वली वीं झील मा शामिल किये जालो, जु कि दुसरी मौत च अर यु ही परिणाम ऊंको भि होलो, जु लुखुं का संमणी मि तैं स्वीकार कन से डरदींनि, बुरा काम करदींनि, जु हत्यारा छिनी, यौन रूप बट्टी अनैतिक छिनी, जादु-टूणा करदींनि अर मूर्तियों की पूजा करदींनि अर झूठ बुल्दींनि।”

1 तीमुथियुस 3:3

उ एक शराबी आदिम नि हो जु हमेशा लड़ै कनु रौ; झगड़ा कन वलो आदिम नि हो, उ दयालु, धीरज रखण वलो अर शांत स्वभाव कु हो, अर धन कु लोभि नि हो।

मत्ती 23:25

“हे कपटि, मूसा की व्यवस्था तैं सिखांण वलो अर फरीसियों हाय च तुम पर तुम इन भांडा छा जु भैर बट्टी त साफ पर भितर बट्टी भि गंदा अर उ इन छा की अफ तैं अच्छा लुखुं का जन दिखोंदा छिन धर्मी पर इलै तुमारा दिलों मा तुम लोभ अर स्वार्थ च।”

दिब्य दरस 2:20

पर मि तैं तेरा बारा मा कुछ शिकैत च, कि तुम वीं जनन इजेबेल तैं झूठी शिक्षा फैलांण दींदयां। उ अपड़ा आप तैं पिता परमेश्वर का तरपां बट्टी बुल्ण वली बुल्द, पर अपड़ी शिक्षाओं बट्टी व मेरा लुखुं तैं व्यभिचार का पापों मा शामिल हूंण कु अर मूर्तियों तैं चढ़ै जांणवला बलिदान का खांणु कु भरमांदी।

इफिसुस 5:5

किलैकि तुम अच्छा से जंणदा छा, कि कै व्यभिचारी, य अशुद्ध मनिख (जै मा दुष्टात्मा हो) य लोभि मनिख, एक मूर्तिपूजा कन वला का बराबर हूंद, जु ईं दुनिया का चीजों कि आराधना करदां, अर कभि भि मसीह अर पिता परमेश्वर का राज्य हिस्सा नि बंणला।

लूका 21:34

इलै सचेत रावा इन नि हो कि तुमारा मन खुमारि अर मतवला पन अर यु जीवन कि चिन्ता फिकर सुस्त हवे जौनु अर उ दिन तुम पर फंदा कि तरौं अचाणचक ऐ जौं।

1 कुरिन्थि 6:10

न चोर, न लोभि, न पियक्कड़, न गल्ली दींणवला, न अंधेर कन वला पिता परमेश्वर का राज्य का वारिस होला।

कुलुसी 3:5

इलै तुम ऊं बुरा कामों तैं छोड़ी द्या जु तुम्हरा पापी स्वभाव बट्टी जुड़यूं च, यानि व्यभिचार, अशुद्धता, वासना, बुरी लालसा, अर लोभि नि बणा यु मूर्तिपूजा का बराबर च।

1 कुरिन्थि 8:11

इन कै तेरु ज्ञान का कारण जु विश्वासी भैय विश्वास मा कमजोर च उ मसीह मा विश्वास कन बन्द कैरी दयालो, जैकु यीशु मसीह ल अपड़ा आप तैं बलिदान कैरी।

1 कुरिन्थि 6:6

तुम मा एक विश्वासी भैय कु हैंका विश्वासी भैय का दगड़ी ही जांच कु मुकदमा हूंदो अर उ भि अन्यजातियों का संमणी।

रोमियों 13:13

आवा हम अपड़ा चाल-चलन तैं ठिक कन शुरू कैरी द्यां, ऊं लुखुं का जन जु उज्यला मा रौंदींनि अर अंधेरा मा न; न की लीला-क्रीडा, अर न पियक्कड़पन, न व्यभिचार, अर लुचापन मा, अर न झगड़ा, अर न जलन मा।

दिब्य दरस 2:14

पर मि तैं तेरु बारा मा कुछ शिकैत च, किलैकि तू ऊं लुखुं कु विरोध नि करदी जु झूठी शिक्षा दींदिनि, जन के पिता परमेश्वर का तरपां बट्टी बुल्ण वला बिलाम ल पिछला बगत मा द्ये छै। बिलाम ल राजा बालाक तैं सिखै कि इस्राएल का लुखुं का पाप कनु कु उकसांणु कु क्य कन चयणु च। वेल ऊं तैं मूर्तियों की बलि चढ़यां खांणु, खांण अर अनैतिक रूप से जीवन जींण सिखै।

1 तीमुथियुस 6:5

अर ऊं लुखुं कु दिमाग शक की दुष्टता ल भुर्युं च, अर उ लगातार दूसरों दगड़ी झगड़ा करदींनि, अर उन ही जणदींनि की सचै क्य च अर जु इन समझदींनि उ सुचदींनि कि पिता परमेश्वर की सेवा कन अमीर बनणौ को एक ढंग च।

इफिसुस 5:18

अर दाखमधु तैं पी कै धूत नि बंणयां रावा, किलैकि यु लुखुं कु रुखा, बेकाबू ढंग बट्टी बरतौ कनु कु कारण बणद, बल्कि पवित्र आत्मा तैं तुम तैं काबू मा कन द्यां।

गलातियों 2:12

इलै कि उ पैली अन्यजातियों का दगड़ी खांणु खांदु छों; पर जब याकूब का द्वारा भेजि गै कुछ विश्वासी यरूशलेम शहर बट्टी ऐनी, त वेल यहूदी लुखुं का डौर का कारण जु को खतना हुयुं छो ऊं दगड़ी मेल-जोल रखण अर खांणु खांण बंद कैरी दींनि अर किनारा कन लगि गै।

1 कुरिन्थि 11:21

किलैकि मि तैं पता चलि, कि तुम मा बट्टी कुछ दूसरों का दगड़ी खांणु तैं बगैर बटयां अपड़ो खांणु खांणै की जल्दी करद्यां। इलै ही, कुछ भूखा चलि जंदींनि अर कुछ लोग नशा मा हवे जंदींनि।

1 कुरिन्थि 10:14

इलै तुम, हे मेरा प्रिय भयों मूर्तियों की आराधना कन बट्टी बचयां रावा।

1 कुरिन्थि 7:15

पर जु आदिम विश्वास नि करद, अर जु उ तलाक दे के अलग हूंण चौ, त वे तैं अलग हूंण द्या, जब इन हूंद त, विश्वासी वे ब्यो का सम्बंध बट्टी छुट्टी जांद, तब उ बंधन मा नि छिनी; पर पिता परमेश्वर ल त हम तैं मेल-मिलाप कु बुलै।

1 कुरिन्थि 7:12

पर अब या प्रभु की आज्ञा नि च, पर मि वेका विश्वास कन वला लुखुं तैं बुल्ण चांणु छो, जौको ब्यो विश्वास नि कन वला लुखुं दगड़ी हवे गै; जु कै मसीह भैय की जनन मसीह पर विश्वास नि करदी अर वे दगड़ी रौंण चांदी, त उ आदिम वीं जनन तैं तलाक नि द्यो।

खास चेलों 9:17

तब हनन्याह उठि के वेका घौर का भितर गै जख शाऊल छो, अर वे पर हथ रखि के बोलि, “हे भैय शाऊल, प्रभु यीशु जैल त्वे तैं रस्ता मा दर्शन दींनि, वेल मि तैं भेजि, कि तू दुबरा दिखण लगि जा अर पवित्र आत्मा बट्टी भरपूर हवे जा।”

लूका 18:11

फरीसी खड़ो हवे के अपड़ा मन मा इन कै परमेश्वर बट्टी प्रार्थना कन लगि गै हे परमेश्वर मि तेरु धन्यवाद करदु कि मि दुसरा लुखुं कि तरौं अंधेर कन वलो अन्यायी अर व्यभिचारी नि छौं अर न ही चुंगि लींण वला कि तरौं छौं।

खास चेलों 1:15

ऊं दिनों मा पतरस सभि विश्वासी भयों का बीच मा जु लगभग एक सौ बीस मनिख छा खड़ो हवे के बुल्ण लगि गै

1 कुरिन्थि 6:9

तुम त मालूम च, कि अन्य्यों कन वला लोग पिता परमेश्वर का राज्य मा वारिस नि होला; कुई भि तुम तैं धोखा द्ये के यु सुचण पर मजबूर नि कैरी द्यो, कि तुम बुरा कामों तैं भि करीला तौ भि पिता परमेश्वर का लुखुं मा एक बणयां रैल्या, न वेश्यागामी, न मूर्ति पुजण वला, न परस्त्रीगामी, न लुच्चा, न पुरुषगामी।