1 कुरिन्थि 4:21 - गढवली नयो नियम

²¹ तुम क्य चांणा छा कि मि ऐ के तुम दगड़ी कि कैरू? जु तुम ल अभि भि अपड़ा बुरा कामों तैं नि छोड़ी, त मि तुम तैं सख्त हवे के फटकारी दयुलु। जु तुम ल अपड़ा बुरा कामों तैं कन छोड़ेले, त मि तुम्हरा प्रति नम्र बरतौ अर प्यार से काम करुलु।

Garhwali

²¹ अब मितैं इन बता कि तुम क्या चन्द्‍यां? क्या मि तुमरा पास जांठु लेके औंऽऽ? या फिर प्यार अर नमर सभौ रखी के?

1 कुरिन्थि 4:21 Referans Kwoze

1 थिस्सलुनीकी 2:7

पर जन ब्वे अपड़ा नौंनो कु पालन-पोषण करदी, उन ही हम ल भि तुमारा बीच मा रै के मसीह की दया भाव को बरतौ दिखै

2 कुरिन्थि 13:10

इलै मि तुम तैं य बात लिखणु छों यां से पैली कि मि तुम मा ओ कि तुम तैं दण्ड दे के मि तैं अपड़ो अधिकार कु इस्तेमाल नि कन पोडो जु प्रभु ल मि तैं द्ये; किलैकि मि अपड़ा अधिकार कु इस्तेमाल तुम्हरा विश्वास तैं मजबूत कनु कु कन चांणु च न कि नाश कनु कु।

2 कुरिन्थि 2:3

अर मिल यु ही बात तुम तैं इलै लिखीं, कि कखी इन नि हो, कि मेरा आंण पर जौं मा मि तैं खुशी मिलण चयणी च, मि वेमा दुखी नि हवे जौं; किलैकि मि तैं तुम सभियूं पर ईं बात कु विश्वास च कि जु मेरी खुशी च, व ही तुम सभियूं की भि खुशी च।

2 कुरिन्थि 1:23

पिता परमेश्वर मेरी ईं सचै कु गवाह च कि मि दुबारा कुरिन्थुस शहर इलै नि अयुं कि मेरा कारण तुम तैं कष्ट नि हो।

याकूब 3:17

पर जु ज्ञान पिता परमेश्वर बट्टी मिल्द उ पैली त पवित्र हूंदों फिर मिलणसार, मयलदु, अच्छा विचार वलो, दया अर अच्छा कामों बट्टी भूरियूं अर बगैर भेदभाव अर बगैर कपट का हूंदों।

2 कुरिन्थि 10:6

अर तैयार रौंदो कि जब तुम पूरा ढंग से मसीह का बुल्युं मनणवला हवे जा, त हर एक ढंग से बुल्युं नि मनणवला वे आदिम तैं दण्ड द्या।

2 कुरिन्थि 2:1

मिल अपड़ा मन मा यु ही ठांणी छो कि फिर तुम मा उख ऐ के तुम तैं दुःख नि दयुलु।

2 कुरिन्थि 10:8

किलैकि जु मि वे अधिकार का बारा मा और भि घमण्ड दिखौ, जु प्रभु ल तुम्हरा विश्वास तैं नाश कनु कु न पर तुम्हरा विश्वास तैं बढौंण मा मदद कनु कु हम तैं द्ये, त यु काम कनु कु लज्जित नि हुलु।

2 कुरिन्थि 3:10

अर व महिमा की चमक ज्वा मूसा की व्यवस्था का द्वारा छै, वेकी अब कुई चमक नि रै, किलैकि नई प्रतिज्ञा का अनुसार व जादा तेजोमय नि च।

1 कुरिन्थि 5:5

उ आदिम जु पाप मा जीवन जींणु च, वे तैं अपड़ी मण्डलि बट्टी निकाली द्या, अर वे तैं शैतान की तागत मा वापिस दे द्या कि यु आस किये जा साक कि जु उ पापों बट्टी पश्चाताप कैरो, तब उ हक्कीकत मा जब प्रभु न्याय करलो वे दिन उ बचै जालो।

1 कुरिन्थि 4:18

तुम्हरा बीच मा कुछ लोग सुचदींनि कि मिल तुम बट्टी मिलणु कु नि आंण, अर इलै उ बड़ो मोन का हवे गैनी।

2 कुरिन्थि 12:18

मिल तीतुस अर दुसरा भैय तैं समझै के भेजि, त क्य तीतुस ल धोखा दे के तुम बट्टी कुछ लये? क्य हम एक ही उद्देश्य का चलाए नि चल्यां? क्य एक ही जन काम नि कैरी?

गलातियों 6:1

हे विश्वासी भयों, जु कुई मनिख कै पाप मा पकड़े जौं त तुम जु पवित्र आत्मा मा आत्मिक छा, त तुम मयळदु हवे के वे तैं धर्म का रस्ता मा वापिस लांण मा वेकी मदद कैरा अर अफ भि सचेत रावा कखि तुम भि अजमैश मा नि पोड़ी जावा।