1 कुरिन्थि 4:10 - गढवली नयो नियम

¹⁰ लोग हम तैं मूर्ख मणदींनि किलैकि हम मसीह का बारा मा उपदेश दींदयां, पर तुम गलत सुचदा कि तुम इथग बुद्धिमान मसीह छा, भौत लोग मणदींनि कि हम मा कुई अधिकार नि च। पर तुम गर्व से बुल्दा कि तुम मा पिता परमेश्वर की शक्ति च। लोग हमारो आदर नि करदींनि पर उ तुम्हरो सम्मान करदींनि।

Garhwali

¹⁰ अर यीशु मसीह को परचार करण की वजै से हम लोगु की नजर मा मूरख मणै जणद्‍यां, मगर तुम यीशु मसीह का दगड़ा मा एक ह्‍वे ग्यां, त ईं वजै से तुम खुद तैं भौत अकलमन्द समझणा छाँ। तुम खुद तैं ताकतबर समझद्‍यां अर हमतै कमजोर, इलै हमरु कुई आदर-सम्मान नि च मगर तुम त खुद दुसरो से आदर-सम्मान पौणा छाँ।

1 कुरिन्थि 4:10 Referans Kwoze

1 कुरिन्थि 2:3

अर मि कमजोरी अर डैर का दगड़ी, अर भौत थरथरै के तुमारा दगड़ा मा रयूं।

खास चेलों 26:24

जब पौलुस ईं रीति से जवाब दींणु छो तब फेस्तुस ल चिल्लै के बोलि, “पौलुस तु पागल छै, जादा विद्या ल त्वे तैं पागल कैरेले।”

खास चेलों 17:18

तब उ शिक्षक जु इपिकूरि या स्तोईकी कैरी कै जंणै जांदा छा ऊंमा बट्टी कुछ वे दगड़ी बात कन लगि गैनी, अर कुछ ल बोलि, “यु बकवास कन वलो क्य बुल्ण चांणु च?” पर दूसरों ल बोलि, “उ विदेशी देबता को प्रचारक लगणु च” किलैकि उ यीशु को ज्यून्दा हूंणो को शुभ सन्देश प्रचार सुनांणु छो।

1 पतरस 4:14

फिर जु मसीह का नौं कु तुम्हरी निंदा किये जांद, त तुम धन्य छा; पिता परमेश्वर को महिमामय आत्मा तुम्हरा भितर रौंद।

2 कुरिन्थि 13:9

जब हम कमजोर छा, अर तुम विश्वास मा तागतबर छा, त हम खुश हूंदियां, अर य प्रार्थना भि करदा, कि तुम विश्वास मा सिद्ध हवे जावा।

1 कुरिन्थि 3:18

जु तुम मा बट्टी कुई इन सोच कि तुम दुनिया का लुखुं मा भौत ज्ञानी छा, त तुम तैं ईं दुनिया का लुखुं मा मूर्ख बंणि जांण चयणु च, कि तुम पिता परमेश्वर की नजर मा अपड़ा आप तैं ज्ञानी बणै सका।

1 थिस्सलुनीकी 4:8

इलै जु कुई भि यूं नियमों को पालन नि करद, त उ मनिख को न, पर पिता परमेश्वर को अपमान करदो, जैल अपड़ा पवित्र आत्मा तुम तैं द्ये।

2 कुरिन्थि 11:29

जब कुई कमजोर हूंद त मि भि कमजोर महसूस करदु; जब कुई पाप मा पोड़ जांद त मि भौत दुखी हूंदु।

2 कुरिन्थि 11:19

तुम त समझदार हवे के खुश हवे के मूर्खों की सै लींदियां।

2 कुरिन्थि 10:10

किलैकि तुम मा बट्टी कुछ बुल्दींनि, “वेकी चिठ्ठी त गम्भीर अर प्रभावशाली छिनी; पर जब दिखदा, त बुल्दींनि उ देह कु कमजोर आदिम अर वेकी बात बेकार ही छिनी।”

1 कुरिन्थि 10:12

इलै जु कुई आदिम जु बुल्द कि पिता परमेश्वर पर वेको विश्वास मजबूत च, त वे तैं चौकनों रौंण चयणु च कि इन नि हो कि उ अचानक अजमैश बट्टी प्रभावित हवे जां अर पाप कैरा।

1 कुरिन्थि 4:8

जु तुम तैं लगदु कि जु कुछ भि आत्मिक रूप मा जरुरी च अर उ सभि कुछ तुम मा च; जन की वरदान, जु पवित्र आत्मा लुखुं तैं दींद; जु तुम सुचदियां कि हमारा बगैर तुम ल राजाओं का जन राज्य कन शुरू कैरेले; त मि तैं भौत खुशी होली, तुम हक्कीकत मा राजाओं का जन राज्य कन शुरू कैरा, कि हम भि तुम दगड़ी राज्य कैरी साका।

1 कुरिन्थि 3:2

वे बगत मिल तुम तैं परमेश्वर का वचन बट्टी भस बुनियादी शिक्षाओं का बारा मा सिखै, जु छुट्टा बच्चों तैं दूध पिलांण का जन च। मिल पिता परमेश्वर का वचन की गहरी सचै तैं नि सिखै, जु एक कठोर खांणु का जन च, किलै तुम यांको अभि तक तैयार नि छा।

1 कुरिन्थि 2:14

पर उ मनिख जैल परमेश्वर की आत्मा तैं नि पै, उ परमेश्वर की आत्मा की बातों तैं स्वीकार नि करदु, किलैकि उ वेकी नजर मा मूर्खता की बात च, किलैकि एक आदिम अपड़ी कीमत तभि जांणि सकद जब वेमा पवित्र आत्मा रौंदी।

खास चेलों 17:32

मुर्दों कि ज्यून्दा हूंणै कि बात सूंणि के कुछ लुखुं ल ठट्टा कैरी अर कुछ ल बोलि, “यूं बातों तैं हम त्वे बट्टी फिर कभि सुणला।”

खास चेलों 9:16

अर मि वे तैं बतौलु कि मेरा बारा मा प्रचार कना का कारण वे तैं कन दुःख उठांण पुड़लो।”

लूका 18:9

अर वेल ऊं लुखुं से जु अपड़ा बारा मा सुचदा छा कि हम धर्मी छा अर दूसरों तैं तुच्छ समझदा छा या मिसाल दींनि

लूका 10:16

जु तुम्हरी सुणदु उ मेरी सुणदु च अर जु तुम तैं तुच्छ जंणदु उ मि तैं तुच्छ जंणदु, उ मेरा भिजण वला तैं भि तुच्छ जंणदु।

लूका 6:22

धन्य छा तुम जब मि मनिख कु नौंनो का कारण लोग तुम बट्टी बैर करला अर तुम तैं निकाली दयाला अर तुमारी बुरै करला अर तुमारो नौं बुरो जांणि के काटि दयाला।

मत्ती 24:9

तब उ लोग जु तुमारा विरोध करदा छिन क्लेश दिलांण कु तुम तैं पकड़वाला अर किलैकि तुम मि पर विश्वास करदा छा सभि जातियों का लोग तुम से बैर रखला।

मत्ती 5:11

“धन्य छा तुम जब मनिख तुम तैं मेरा चेला हूंण का वजह से तुम्हरी बुरै कैरा अर तुम तैं सतौनु अर झूठ बोलि-बोलि के तुमारा विरोध मा बनि-बनि किस्मै की बात बुलुनु।”

1 कुरिन्थि 1:21

मि इन इलै बुल्णु छों, किलैकि पिता परमेश्वर ल समझदारी का दगड़ी यु निर्णय लये कि ई दुनिया का लोग अपड़ी काबलियत ल वे तैं जनण मा सक्षम नि छिनी। इलै पिता परमेश्वर ल ऊं लुखुं तैं बचौणु कु जु हमारा द्वारा प्रचार किये गै शुभ संदेश तैं मणदींनि, अर जु लोग यु नि मणदींनि उ बुल्दींनि कि हमारा उपदेश कु कुई फैदा नि च।

1 कुरिन्थि 1:23

पर हम त वे सूली पर चढ़यां मसीह कु प्रचार करदां, जु यहूदियों का बीच ठोकर कु कारण, अर अन्यजातियों का बीच मूर्खता च।

1 कुरिन्थि 1:25

जु पिता परमेश्वर की मूर्खता जन लगद उ मनिख का ज्ञान से जादा ज्ञानवान च, अर जु पिता परमेश्वर की निर्बलता जन लगद उ भि मनिख की तागत से जादा तागतबर च।

2 कुरिन्थि 6:8

जब लोग हमारी प्रशंसा करदींनि या जब उ हम तैं नीच जणदींनि, जब लोग दूसरों तैं बतौंदींनि कि हम बुरा लोग छा या अच्छा लोग छा, हम कपटी समझै ग्यां, पर हम सच बुल्दा।

2 कुरिन्थि 4:12

इलै हम मौत का खतरा मा रौंदियां, पर येको नतीजा मा तुम तैं अनन्त जीवन मिली।