1 कुरिन्थि 4:1 - गढवली नयो नियम

¹ इलै लुखुं ल हम तैं मसीह कु सेवक समझी, जु तैं परमेश्वर का वचन का गुप्त भेदों तैं समझणै की जिम्मेदारी सौंपे गै।

Garhwali

¹ इलै तुम लोग हमतै प्रभु का सेवक समझा, जौं का पास पिता परमेस्वर न सच्‍चै सिखौण को काम सौप्युं च, जु कि पैलि परगट नि छौ।

1 कुरिन्थि 4:1 Referans Kwoze

1 पतरस 4:10

हर एक आदिम तैं पिता परमेश्वर की तरपां बट्टी वरदान मिल्युं च अर ऊं तैं वे वरदान को इस्तेमाल दुसरा लुखुं की मदद कनु कु कन चयणु च। ऊं तैं पिता परमेश्वर का अच्छा सेवकों का रूप मा अपड़ा वरदानों को इस्तेमाल अच्छा ढंग से कन चयणु च जु पिता परमेश्वर ल ऊं तैं कृपा का दगड़ी द्ये।

तीतुस 1:7

किलैकि मण्डलि का अध्यक्ष तैं पिता परमेश्वर को भण्डारी हूंण का कारण निर्दोष हूंण चयणु च; न की जिद्दी, न गुस्सा-बाज, न पियक्कड़, न मार-पीट कन वलो, अर न गलत ढंग से कमयां धन कु लोभि हो।

1 तीमुथियुस 3:9

ऊंमा एक साफ सुथरी सुचणै की क्षमता हो ज्वा विश्वास कन मा अर पिता परमेश्वर की ज्वा शिक्षा दीं च ऊं तैं सच मंणुन।

2 कुरिन्थि 4:5

किलैकि हम अपड़ो न, पर मसीह यीशु कु प्रचार करदा, कि यीशु मसीह ही प्रभु च; अर हम यीशु का कारण ही तुम्हरा सेवक छा।

इफिसुस 6:19

अर मि कु भि प्रार्थना कैरी कै पिता परमेश्वर बट्टी बुल्यां कि उ मि तैं बुल्ण मा ठिक शब्द द्यां कि मि साहस बट्टी शुभ सन्देश प्रचार का बारा मा जु सभि लुखुं कु च, वेका गुप्त बातों तैं समझी सका,

कुलुसी 2:2

मि इन इलै करदु कि मि ऊं तैं तुम्हरा विश्वास मा मजबूत कन चांणु छों, अर एक दुसरा का प्रति तुम्हरो प्रेम तुम तैं कठ्ठा करलो, मि चांदु छों कि ऊं तैं पूरी हिम्मत हो किलैकि ऊं तैं पिता परमेश्वर की गुप्त योजना की पूरी समझ च, जु खुद मसीह ही च।

रोमियों 16:25

अब जै शुभ सन्देश कु मि प्रचार करदु, मतलब यीशु मसीह का बारा मा प्रचार का अनुसार जु तुम तैं विश्वास मा मजबूत बणांद, वे भेद का प्रकाश का अनुसार जु हमेशा बट्टी छिप्युं रै।

कुलुसी 4:3

अर यांका दगड़ा-दगड़ी हम कु भि प्रार्थना करदी रावा, कि पिता परमेश्वर हम कु वचन सुणौणु कु इन मौका द्या, कि हम मसीह का वे भेद कु बखान कैरी साका, जै कु प्रचार मिल कैरी अर वे कारण मि कैद मा छौं।

इफिसुस 1:9

पिता परमेश्वर ल उ ही कैरी, जु वेको गुप्त मा रख्युं छो, अर वे गुप्त योजना का बारा मा बतै जु वेल पैली बट्टी ही मसीह का द्वारा पूरो कनु कु फैसला कैरी छो।

2 कुरिन्थि 12:6

किलैकि जु मि घमण्ड कन चौ भि त मूर्ख नि होलो, किलैकि सच बुललु; पर मि यु घमण्ड कन से अफ तैं रुकदो छो, कखी इन नि हो, कि जन कुई मि तैं दिखद, या मि बट्टी सुणद, मि तैं वे बट्टी बढ़ि के समझो।

2 कुरिन्थि 11:23

क्य उ ही मसीह का सेवक छिनी (मि बौलयों जन बुल्णु छो) मि ऊं बट्टी बढ़ि के छो। मिल ऊं बट्टी कई जादा मेहनत कैरी, ऊं बट्टी कई जादा बंधि बणयूं, कई बार पिटे ग्यों, अक्सर ही मेरा प्राण संकट मा पुड़ीनि।

लूका 12:42

प्रभु ल बोलि, उ भरोसो का लैख अर बुद्धिमान सेवक कु च जै तैं स्वामि ल अपड़ा नौकर-चाकरों पर मुखिया ठैरे कि बगत पर ऊं तैं खांणु द्यो?

मत्ती 24:45

“अर उ भरोसो का लैख अर बुद्धिमान सेवक कु च जै तैं स्वामि ल अपड़ा नौकर-चाकरों पर मुखिया ठैरे, कि बगत पर ऊं तैं खांणु द्यो?”

1 तीमुथियुस 3:16

यां मा कुई शक नीच कि भक्ति कु भेद गैरु-गम्भीर च, मसीह जु मनिख का रूप मा प्रकट हवे, पवित्र आत्मा का द्वारा पिता परमेश्वर का नौंनो का रूप मा साबित किये गै, स्वर्गदूतों तैं दिखै गै अन्य-जातियों का लुखुं ल देश-देश मा वेको प्रचार कैरी, दुनिया भर का लुखुं ल वे पर विश्वास कैरी अर महिमा का दगड़ा वे तैं मथि स्वर्ग मा उठै गै।

1 तीमुथियुस 3:6

फिर यु भि कि उ नयो-नयो विश्वासी चेला नि बणयुं हो, कखि इन नि हो कि उ घमंड कैरी कै उन ही दंड पां जन शैतान तैं दण्ड मिली छो।

2 कुरिन्थि 6:4

पर हर बात मा हम यु साबित करदा, कि हम पिता परमेश्वर का सच्चा सेवक छा; धैर्य ल क्लेशों, दरिद्रता अर संकट तैं सै के,

1 कुरिन्थि 4:13

दुनिया का लोग हम तैं बदनाम करदींनि; अर हम नम्र हवे के ऊं दगड़ी बात करदा, इख तक की अब भि उ लोग हमारा आदर नि करदींनि; उ बुल्दींनि कि हमारी कुई कीमत नि च।

1 कुरिन्थि 3:5

आखिर मा, मि पौलुस अर अपुल्लोस भस सेवक ही छा, जूंका द्वारा तुम लुखुं ल मसीह पर विश्वास कैरी, हम मा बट्टी हर एक ल उ ही काम कैरी जु पिता परमेश्वर ल हम तैं कनु कु द्ये।

1 कुरिन्थि 2:7

पर हम पिता परमेश्वर कु उ गुप्त ज्ञान जै ज्ञान की बात हम करद्यां, जु छुपियूं छो, अर अभि तक कुई भि यु तैं नि समझी साकी छो। यां से पैली कि पिता परमेश्वर ल धरती की रचना कैरी, वेल पैली ही बट्टी सोचेले छो कि वेको ज्ञान हम तैं महिमा दयालो।

मरकुस 4:11

यीशु ल ऊंमा बोलि तुम तैं त परमेश्वर का राज्य कि सचै की समझ दियीं च पर मि पर भरोसो नि रखण वलो कु सब बात मिसाल मा हूंदी।

मत्ती 13:11

यीशु ल जवाब दींनि, “तुम तैं त परमेश्वर का राज्य कि सचै की समझ दियीं च पर ऊं तैं नि दिईं।”

लूका 8:10

यीशु ल बोलि, “तुम तैं त परमेश्वर का राज्य कि सचै की समझ दियीं च अर सुनण का बाद भि नि समझदियां औरों तैं मिसाल दे के सुंणै जांणु च इलै की उ दिखण का बाद भि नि देखि सकदींनि अर सुनण का बाद भि नि समझीनि।”

लूका 1:2

ऊंल ठिक उ ही लिखी जु हम तैं ऊं लुखुं बट्टी बतै गै छो जौं ल ऊं तैं प्रत्यक्ष रूप मा यीशु की सेवकाई की शुरुआत से देखि छो अर जु बाद मा परमेश्वर का वचन कु सेवक बंणि गै।

रोमियों 11:25

हे विश्वासी भयों, कखि इन नि हो कि तुम अपड़ा आप तैं भौत बुद्धिमान समझी ल्यां। इलै कि मि तुम लुखुं पर यु भेद प्रगट कन चांणु छों, कि यु सच च कि भौत सा इस्राएल का लोग विश्वास कनु कु तैयार नि छिनी, बल्कि परमेश्वर पर विश्वास कन वला अन्यजाति लुखुं की गिणती पूरी हवे जाली, त इस्राएल का लोग विश्वास करला अर परमेश्वर मा वापिस ऐ जाला, तब तक इस्राएल कु एक हिस्सा इन ही कठोर रालो।

1 कुरिन्थि 4:2

एक मनिख जै तैं अपड़ा मालिक द्वारा काम कनु कु दिए गै हो, वे तैं सच मा विश्वासयोग्य हूंण चयणु च कि जु काम वे तैं दिए गै वे तैं उ पूरो कैरो।