1 कुरिन्थि 3:2 - गढवली नयो नियम

² वे बगत मिल तुम तैं परमेश्वर का वचन बट्टी भस बुनियादी शिक्षाओं का बारा मा सिखै, जु छुट्टा बच्चों तैं दूध पिलांण का जन च। मिल पिता परमेश्वर का वचन की गहरी सचै तैं नि सिखै, जु एक कठोर खांणु का जन च, किलै तुम यांको अभि तक तैयार नि छा।

Garhwali

² इलै मिन तुमतै बड़ु का जन अन्‍न नि खिलै, बल्किन मा बच्‍चों का जन दूद पिलै, किलैकि उबरि तुम वीं शिक्षा तैं पचै नि सकदा छा अर ना ही तुम अभि भि पचै सकद्‍यां।

1 कुरिन्थि 3:2 Referans Kwoze

1 पतरस 2:2

मि तुम्हरी तुलना नवजात छुटा बच्चा बट्टी करदु; एक नवजात छुटा बच्चा हमेशा अपड़ी ब्वे कु दूध ही चांद कि मजबूत बणौं; उन ही के जन तुम तैं भि पिता परमेश्वर का वचन सुनण की इच्छा हूंण चयणी च कि पिता परमेश्वर मा तुम्हरो विश्वास मजबूत हो अर तुम्हरो उद्धार हवे जौं।

यूहन्ना 16:12

मिल तुम मा और भि भौत सैरी बात बतांण चांणु छों पर अभि तुम ऊं तैं सै नि सकदा।