1 कुरिन्थि 3:16 - गढवली नयो नियम

¹⁶ सच मा तुम जंणदा छा, कि तुम पिता परमेश्वर कु मन्दिर छा, अर पिता परमेश्वर कु पवित्र आत्मा तुम मा रौंदो च।

Garhwali

¹⁶ क्या तुम नि जणद्‍यां कि तुम लोग परमेस्वर का मन्दिर छाँ? अर परमेस्वर की पवित्र आत्मा तुम मा वास करदी,

1 कुरिन्थि 3:16 Referans Kwoze

1 कुरिन्थि 6:19

तुम जणदां छा, कि तुम्हरी देह पवित्र आत्मा कु मन्दिर च; जु तुम मा बसयूं च, अर तुम तैं पिता परमेश्वर का तरपां बट्टी मिल्द, अर अब तुम अपड़ा न पर पिता परमेश्वर का छा।

2 कुरिन्थि 6:16

अर मूर्तियों कु पिता परमेश्वर का मन्दिर मा कुई जगह नि च; किलैकि हम त ज्यून्दा पिता परमेश्वर का मन्दिर छा; जन परमेश्वर ल अपड़ा वचन मा बोलि; “मि यूं लुखुं दगड़ी रौलु अर ऊंमा चलणु-फिरणु रौलु; अर मि ऊंको पिता परमेश्वर हुलु, अर उ मेरा लोग होला।”

रोमियों 8:11

अर जु पिता परमेश्वर कु पवित्र आत्मा जैल यीशु तैं मुर्दों मा बट्टी ज्यूँदो कैरी तुम मा बस्युं च; त जैल मसीह तैं मुर्दों मा बट्टी ज्यूँदो कैरी, जु तुम मा बसयूं च उ तुम्हरा नाशवान देह तैं भि अपड़ा आत्मा का द्वारा ज्यूँदो करलो।

यूहन्ना 14:17

या पवित्र आत्मा च जु सैरा सचै मा अगवै करदु च जै तैं दुनिया अपणे नि सकद किलैकि उ न वे तैं दिखदु च अर न वे तैं जंणदु च तुम वे तैं जंणदा छा किलैकि उ तुमारा दगड़ा रौंदो च अर उ तुम मा होलो।

रोमियों 8:9

पर जबकि परमेश्वर कु पवित्र आत्मा तुम मा वास करदो, त तुम पापमय स्वभाव का काबू मा नि छा, पर पवित्र आत्मा का काबू मा छा। जु कै मा मसीह कु आत्मा नि च त उ मसीह बट्टी सम्बन्धित नि च।

2 तीमुथियुस 1:14

वीं सचै की रखवली कैर जु पवित्र आत्मा की सामर्थ का द्वारा त्वे तैं दिए गै, अर जु हमारा भितर रौंदो भि च।

इब्रानी 3:6

पर मसीह एक नौंना का जन अपड़ा परिवार मा विश्वासयोग्य च अर उ परिवार हम छा, जु हम अपड़ी आस पर गर्व रखा, त हम पिता परमेश्वर का लोग छा।

1 यूहन्ना 4:12

पिता परमेश्वर तैं कभि कैल नि देखि; जु हम आपस मा प्रेम कैरा, त पिता परमेश्वर हम मा बणयूँ रौंद; अर पिता परमेश्वर को प्रेम हम मा सिद्ध होलो।

रोमियों 6:3

क्य हम जंणदा छा कि हम सभियूं ल यीशु मसीह का दगड़ी एक हूंणु कु बपतिस्मा लये त यु इन च कि जन हम मसीह का दगड़ी मोरि ग्यां।

1 कुरिन्थि 9:24

जन कि दौड़ मा त दौड़दा सभि छिनी, पर ईनाम एक ही लीजांद। तुम उन ही दौड़ा, कि तुम जीता। उन ही के हम सभियूं तैं उ काम कन चयणु च जै बट्टी हम पिता परमेश्वर तैं खुश कैरी साका। कि हम वे ईनाम तैं पै साका जु पिता परमेश्वर भविष्य मा हम तैं दयालो।

1 कुरिन्थि 9:13

क्य तुम नि जणदां कि यरूशलेम शहर का मन्दिर मा काम कन वला आदिमों तैं मन्दिर बट्टी ही अपड़ो खांणु मिल्दा? हां, जु लोग वेदी पर कुर्बानि दींदिनि, ऊं तैं ऊं कुर्बानियों कु हिस्सा मिल्दा।

1 कुरिन्थि 6:9

तुम त मालूम च, कि अन्य्यों कन वला लोग पिता परमेश्वर का राज्य मा वारिस नि होला; कुई भि तुम तैं धोखा द्ये के यु सुचण पर मजबूर नि कैरी द्यो, कि तुम बुरा कामों तैं भि करीला तौ भि पिता परमेश्वर का लुखुं मा एक बणयां रैल्या, न वेश्यागामी, न मूर्ति पुजण वला, न परस्त्रीगामी, न लुच्चा, न पुरुषगामी।

1 कुरिन्थि 6:16

क्य तुम नि जणदां, कि पिता परमेश्वर का वचन मा लिख्युं च “उ द्वी एक देह होला” त तुम तैं पता हूंण चयणु च कि जु कुई भि वेश्या का दगड़ी जुड़द, उ वीं वेश्या का दगड़ी एक देह हवे जांद।

1 कुरिन्थि 5:6

तुम्हरो बड़ो मोन कन ठिक नि च मण्डलि पूरा ढंग पर अनैतिकता तैं लै के दुःखी अर वे बट्टी दूर हूंणा का बजाय वे पर बड़ो मोन कनी च; जन जरा सी खमीर पूरा गूंदयां आटा तैं खमीर कैरी दींद उन ही, जु एक आदिम तैं पाप कने की मंजूरी मिलो, त जल्द ही सभि लोग भि उन ही कनु कु प्रभावित होला।

याकूब 4:4

हे विश्वासघाती लुखुं अर व्यभिचारी लुखुं क्य तुम यु नि जंणद्यां, कि दुनिया बट्टी प्रेम रखण मतलब पिता परमेश्वर दगड़ी बैरभाव रखण च, इलै जु कुई दुनिया को दगड़िया बनण चांद, त उ अपड़ा आप तैं पिता परमेश्वर को बैरी बणादो।

रोमियों 6:16

तुम जंणदा छा कि जब तुम अपड़ा आप तैं कैका गुलाम हूंणु कु दे दींदयां त उ मनिख तुमारो स्वामी हवे जांद, अर तुम तैं इन ही कन चयणु च जु उ बुल्द; तुम पाप का दास हवे सकदा छा जु मृत्यु का तरपां लीजांद, या फिर तुम परमेश्वर की आज्ञा कु पालन कनु कु चुनाव कैरी सकदां, जु धर्मी जीवन कि तरपां लीजांद।

1 कुरिन्थि 3:9

किलैकि हम पिता परमेश्वर कु काम कन वला छा, अर कुरिन्थ का विश्वासियों तुम एक सगोड़ा अर एक घौर जन छा, जै तैं पिता परमेश्वर बणद अर उ वेको ही च।

1 कुरिन्थि 3:17

जु कुई आदिम तुम तैं, जु पिता परमेश्वर का मन्दिर का जन च, पिता परमेश्वर बट्टी अलग करद, त पिता परमेश्वर वे तैं नाश करद; किलैकि पिता परमेश्वर कु मन्दिर पवित्र च, अर उ मन्दिर तुम छा।

1 तीमुथियुस 3:15

कि जु मेरा औंण मा देर हवे जौं त तु इन जांणि जै कि परमेश्वर का कुटुंब जु कि ज्यूंदा परमेश्वर कि मण्डलि च, अर यु विश्वासी उन ही सच्ची शिक्षाओं का समर्थन करदींनि अर ऊं तैं बणै रखदींनि जन नींव अर खम्बा कै घौर तैं सहारा दींद अर वे तैं मजबूत करदींनि।