1 कुरिन्थि 2:8 - गढवली नयो नियम

⁸ पिता परमेश्वर की योजना तैं ईं दुनिया का राज्यपालों ल भि नि समझी, किलैकि जु उ जंणदा त प्रतापमय प्रभु यीशु तैं सूली पर नि चड़ांदा।

Garhwali

⁸ अर ये जमना मा राज करण वळा लोगु न वे ज्ञान का बारा नि जाणि, किलैकि अगर वु जाणि जान्दा, त महान प्रभु यीशु तैं क्रूस पर नि चड़ौन्दा।

1 कुरिन्थि 2:8 Referans Kwoze

याकूब 2:1

हे मेरा विश्वासी भयों, तुम हमारा महिमामय प्रभु यीशु मसीह का शिष्य छा, इलै आपस मा भेदभाव नि रखा।

खास चेलों 13:27

यरूशलेम शहर का लुखुं ल अर ऊंका अगुवों ल यीशु मसीह तैं नि पछयांणी अर ऊंल पिता परमेश्वर का तरपां बट्टी बुल्ण वला लुखुं का ऊं वचनों तैं नि समझी जौं तैं उ हर यहूदियों को विश्राम को दिन पढ़दा छा; इलै ऊंल बोलि यीशु मौत का लैक च अर इन कै पिता परमेश्वर का तरपां बट्टी बुल्ण वला लुखुं का वचनों तैं पूरो कैरी।

खास चेलों 7:2

वेल बोलि, “हे विश्वासी भयों, अर पुरणों सूंणा। हमारा पूर्वज अब्राहम तैं वेका हारान नगर मा ए के बसण से पैली, जब उ मेसोपोटामिया प्रदेश मा छो; तब तेजोमय पिता परमेश्वर ल वे तैं अपड़ी महिमा को दर्शन द्ये”

1 कुरिन्थि 2:6

फिर भि मि ऊं लुखुं का बीच ज्ञान का संदेश कु प्रचार करदु जु आत्मिक रूप मा मजबूत च; पर यु सांसारिक ज्ञान अर राज्यपालों का ज्ञान जन नि; ज्यांको नाश हूंण वलो च।

1 तीमुथियुस 1:13

प्रभु पर विश्वास कन से पैली मि मसीह का बारा मा बुरै कन वलो, अर विश्वासी लुखुं तैं सतौंण वलो, अन्यो कन वलो, तब भि पिता परमेश्वर ल मि पर कृपा कैरी, किलैकि मिल अविश्वासी कि दशा मा बगैर समझिके यु काम कैरी छा।

2 कुरिन्थि 3:14

पर इस्राएल का लुखुं का मन ढीट हवे गै छा, किलैकि आज तक पुरणी वाचा तैं पढ़दी बगत ऊंका मन पर उ ही परदा पुड़यूँ रौंद; पर जब उ मसीह पर विश्वास करदींनि, पर तब ही परदा हटद।

यूहन्ना 16:3

इन ऊंल इलै कन किलैकि न पिता परमेश्वर तैं जांणि अर न मि तैं जंणदा छा।

यूहन्ना 8:19

ऊंल यीशु मा पूछि, तुमारो पिता परमेश्वर कख च? यीशु ल जवाब दे न तुम मि तैं जंणदा अर न मेरा पिता परमेश्वर तैं, जु मि तैं जंणदा त मेरा पिता परमेश्वर तैं भि जंणदा।

यूहन्ना 7:48

क्य शासक या फरीसियों मा बट्टी कैल भि वे पर विश्वास कैरी?

मत्ती 11:25

वे बगत यीशु ल बोलि, हे पिता आसमान अर धरती का प्रभु मि तेरु धन्यवाद करदु कि तिल यूं बातों तैं ज्ञानियों अर समझदार लुखुं बट्टी छिपै के रखि अर जु लोग साधारण लुखुं का जन छिनी ऊं पर प्रगट कैरी।

लूका 23:34

तब यीशु ल बोलि, “हे बुबा यूं तैं माफ कैर किलैकि यु नि जणदींनि कि यु क्य कना छिन” ऊंल वेका कपड़ोंं तैं बंटणु कु पर्ची बणै कि जै तैं जु भि मिललो वे तैं आपस मा बांटि द्याला।

मत्ती 13:22

जु झिबलांण मा बुतै गैनी उ यु छिनी जौं ल वचन तैं सूंणि, पर धरती पर जीवन कि चिंता अर धन दौलत को धोखा ज्यां बट्टी उ प्रेम करदींनि अर कई चीजों तैं पाणै की चाह ऊंमा समैके वचन तैं दबै दींदु अर वे तैं कुछ फैदा नि हुंदा।

1 कुरिन्थि 1:20

फिर एक कुशल प्रतिद्वंधी जु ई दुनिया मा छिनी, बुद्धिमान आदिम अर मूसा की व्यवस्था तैं सिखांण वलो की स्थिति क्य च? किलैकि पिता परमेश्वर ल पैली ही साबित कैरी दींनि कि ऊंकी सांसारिक बुद्धि को कुई कीमत नि च।

इफिसुस 1:17

मि प्रार्थना करदु छों, कि पिता परमेश्वर हमारा प्रभु यीशु मसीह कु महिमामय बुबा, तुम तैं आत्मा द्या जु तैं बुद्धिमान बंणै दयालो अर परमेश्वर तुम पर प्रकट करलो कि तुम वे तैं अच्छो के जांणि सका।

इफिसुस 4:18

किलैकि उ समझण का लैक नि च अर वे अज्ञानता का कारण जु ऊंमा च, अर ऊंका सुनण से मना कन का कारण उ वे जीवन बट्टी दूर छिनी, जु परमेश्वर दींद;