1 कुरिन्थि 16:22 - गढवली नयो नियम

²² जु कुई प्रभु बट्टी प्रेम नि रखो, त उ श्रापित च, हे हमारा प्रभु, औ।

Garhwali

²² अगर कुई प्रभु से प्यार नि करदु, त वे पर असगार लगु। हे हमरा प्रभु अऽ।

1 कुरिन्थि 16:22 Referans Kwoze

इफिसुस 6:24

पिता परमेश्वर ऊं सभियूं तैं अपड़ी कृपा दिखौ जु हमारा प्रभु यीशु मसीह बट्टी प्रेम रखदींनि, उ प्रेम जु कभि खत्म नि हो।

यूहन्ना 14:21

जु मेरी आज्ञा तैं जंणदु च अर उ, ऊं तैं मंणदु च उ ही मि बट्टी प्रेम रखदु च अर जु मि तैं प्रेम रखदु, वे बट्टी मेरू बुबा प्रेम रखलु अर मि वे बट्टी प्रेम रखलु अर अफ तैं वे पर प्रगट करलो।”

1 यूहन्ना 5:1

जै को यु विश्वास च, कि यीशु ही मसीह च, उ मनिख पिता परमेश्वर की सन्तान च अर जु कुई पिता परमेश्वर बट्टी प्रेम करदो, उ पिता परमेश्वर की सन्तान बट्टी भि प्रेम करद।

1 यूहन्ना 4:19

पिता परमेश्वर ल हम बट्टी प्रेम कैरी इलै हम पिता परमेश्वर अर एक दूसरों बट्टी प्रेम करद्यां।

यूहन्ना 8:42

यीशु ल ऊंमा बोलि, कि जु परमेश्वर तुमारो बुबा हूंदो त तुम मि बट्टी प्रेम रखदा किलैकि मि परमेश्वर कि तरपां बट्टी अयुं छौं, मि अफी नि अयुं छों पर वेल मि तैं भेजि।

मत्ती 10:37

“जु ब्वे-बुबा तैं मि से जादा प्रेम करद उ मेरा लैख नि च अर जु नौंना य नौंनि तैं मि से जादा प्रेम करद उ भि मेरा चेला बनण का लैख नि च।”

दिब्य दरस 22:20

यीशु, जु यूं सभि बातों को गवाह च बुल्द, हाँ, मि यूहन्ना ल जवाब द्ये, “आमीन” हे प्रभु यीशु औ।

1 पतरस 2:7

यु ढुंगो तुम कु भौत कीमत च जु यीशु मसीह पर विश्वास करदींनि। पर जु लोग वे पर विश्वास नि करदींनि, ऊंका बारा मा पिता परमेश्वर कु वचन बुल्द कि, “राजमिस्त्रियों ल जै ढुंगो कु इस्तेमाल कन से मना कैरी दींनि, वीं इमारत की नींव मा सबसे जरूरी ढुंगो बंणि गै।”

1 पतरस 1:8

तुम ल यीशु मसीह तैं कभी नि देखि, पर फिर भि तुम मसीह बट्टी प्रेम करदा अर वे पर विश्वास भि करदा। इलै, तुम आनन्द अर महिमा बट्टी भौत खुश छा जै तैं शब्दों द्वारा नि बतये जै सकद।

इब्रानी 6:10

किलैकि जन तुम ल अच्छा काम करीनि अर अब भि तुम पिता परमेश्वर का नौं बट्टी वेका लुखुं कु प्रेम का दगड़ी सेवा कु काम करदींनि, इलै परमेश्वर तुम्हरा कामों तैं नि बिसरुलो; किलैकि उ एक धर्मी च।

रोमियों 9:3

किलैकि मि इख तक चांदु छो, कि अपड़ा यहूदी विश्वासी भयों उद्धार पांण कु जु मेरा अपड़ा कुटुंब का भाव बट्टी मेरा कुटुंब छिनी, अफी ही मसीह बट्टी परमेश्वर मि तैं श्राप द्ये अर अलग हवे जांदु।

गलातियों 5:6

जु तुम मसीह यीशु का चेला छा त ईं बात से कुछ फर्क नि पुड़दो कि तुम्हरो खतना हुयुं च या न, पर खास बात य च कि हम मसीह पर विश्वास करदां अर पिता परमेश्वर अर और लुखुं का प्रति प्रेम करदां।

1 कुरिन्थि 12:3

इलै मि तुम तैं चांदु छों कि तुम जणिल्या, कि जु कुई पिता परमेश्वर कि आत्मा कि अगुवाई बट्टी बुल्दो च, उ नि बुल्दो कि यीशु श्रापित च; पर पवित्र आत्मा ही च, अर पवित्र आत्मा का द्वारा ही उ बोलि सकद की “यीशु ही प्रभु च।”

खास चेलों 23:14

ऊंल प्रधान याजक अर दाना-सयाणों मा ऐ के बोलि, “हमारी सौं खै च कि जब तक हम पौलुस तैं मारि नि दयूला, तब तक हम कुछ भि नि खौला।

यूहन्ना 16:14

उ मेरी महिमा करला, किलैकि वे तैं मेरी तरपां बट्टी मिल्द च उ तुम तैं बतालो।

यूहन्ना 15:24

जु मि वेमा ऊं चमत्कार नि करदु, जु और कैल नि कैरी त उ पापी नि ठैरुदो, पर अब त ऊंल मि तैं देखेले, कि मिल जु कैरी, पर अब ऊंल मि तैं देखेले अर उ मि तैं अर मेरा पिता परमेश्वर बट्टी नफरत करदा छिन।

यूहन्ना 14:23

यीशु ल वे तैं जवाब दींनि, “मि अफ तैं इन लुखुं तैं दिखांदु जु मि तैं प्रेम करदींनि अर जु मेरी शिक्षा कु पालन करदींनि अर हम औला अर वेका दगड़ी रोला।

यूहन्ना 14:15

जु तुम मि बट्टी प्रेम करदां त मेरी आज्ञाओं कु पालन करिल्या।

फिलिप्पी 4:5

तुमारो मयलदु बरतौ सब लुखुं पर प्रगट हो। प्रभु यीशु कु औंण नजदीक च।