1 कुरिन्थि 16:15 - गढवली नयो नियम

¹⁵ हे विश्वासी भयों, तुम स्तिफनुस अर वेका परिवार तैं जंणदा छा, कि उ अखाया प्रान्त बट्टी पैला छा, जौं ल मसीह पर विश्वास कैरी, अर पिता परमेश्वर का पवित्र लुखुं की मदद कनु कु तैयार रौंदींनि।

Garhwali

¹⁵ हे मेरा दगड़्यों, तुम लोग स्तिफनास भै का घौर मा रौण वळा लोगु का बारा मा त जणदा छाँ, ऊ लोग अखया मुलक का पैला बिस्वासी लोग छिन। अर पिता परमेस्वर का लोगु की सेवा करणु खुणि वु हमेसा तयार रौनदिन।

1 कुरिन्थि 16:15 Referans Kwoze

1 कुरिन्थि 1:16

अर हाँ, अब मि तैं याद च, कि मिल स्तिफनुस का परिवार का लुखुं तैं भि बपतिस्मा द्ये; यूं तैं छोड़ी के, मि नि जंणदु कि मिल और कै तैं बपतिस्मा द्ये।

रोमियों 16:5

मेरा प्रिय इपैनितुस तैं मेरू प्रणाम, जु एशिया का प्रान्त बट्टी मसीह पर विश्वास कन वला पैलो आदिम च अर वीं मण्डलि तैं भि प्रणाम ज्वा ऊंका घौर मा कठ्ठा हूंद।

1 पतरस 4:10

हर एक आदिम तैं पिता परमेश्वर की तरपां बट्टी वरदान मिल्युं च अर ऊं तैं वे वरदान को इस्तेमाल दुसरा लुखुं की मदद कनु कु कन चयणु च। ऊं तैं पिता परमेश्वर का अच्छा सेवकों का रूप मा अपड़ा वरदानों को इस्तेमाल अच्छा ढंग से कन चयणु च जु पिता परमेश्वर ल ऊं तैं कृपा का दगड़ी द्ये।

2 कुरिन्थि 9:1

अब यरूशलेम शहर मा विश्वासियों तैं दान दींण की सेवकाई का बारा मा जु पवित्र लुखुं कु किये जांद, मि तैं तुम तैं कुछ लिखणै की जरूरत नि च।

2 कुरिन्थि 8:4

ऊंल त हम बट्टी भौत बिनती कैरी के मि बट्टी अनुमति मांगी कि ऊं तैं भि यरूशलेम शहर का विश्वासियों की मदद कनु कु सेवा कु काम कनु कु सौभाग्य मिलो।

रोमियों 16:2

कि जन तुम पवित्र लुखुं तैं चयणु च, जु प्रभु कु च, वेको स्वागत कैरा; अर जु कै बात मा वे तैं जु मदद तुम लुखुं बट्टी चयणु च, वेकी मदद कैरा; किलैकि उ भि भौतों की बल्कि मेरी भि उपकार कन वली हवे।

रोमियों 15:25

पर अभि त मि पिता परमेश्वर का विश्वासी लुखुं की सेवा कनु कु यरूशलेम शहर कु जांणु छो।

रोमियों 12:13

पवित्र लुखुं तैं जु कुछ जरूरी हो, वेमा ऊंकी मदद कैरा; मेहमानदरी कन मा लगयां रावा।

दिब्य दरस 14:4

यु उ छिनी जु पवित्र जीवन तैं ज्यन्दींनि। यु ऊं लुखुं का जन छिनी जौनु एक बार भि नाजायज सम्बन्ध नि बणैंनि अर न ही ऊंल कभी कै चीज कि पूजा कैरी, उ भस चिनखो ही जंणद कि जख कखी चिनखो जांद, यु लोग वेका ही पिछनै औंदींनि। यु उ छिनी जौं तैं धरती का सभि आदमियों बट्टी अलग किये गै। जन लोग अपड़ा पुंगड़ो की फसल कु सबसे अच्छो भाग पिता परमेश्वर तैं दींदिनि उन ही यु लोग भि अपड़ा जीवन तैं पूरी पवित्रता का दगड़ी पिता परमेश्वर अर चिनखा तैं दींदिनि।

इब्रानी 6:10

किलैकि जन तुम ल अच्छा काम करीनि अर अब भि तुम पिता परमेश्वर का नौं बट्टी वेका लुखुं कु प्रेम का दगड़ी सेवा कु काम करदींनि, इलै परमेश्वर तुम्हरा कामों तैं नि बिसरुलो; किलैकि उ एक धर्मी च।

फिलेमोन 1:7

किलैकि हे विश्वासी भैय, मि दूसरों का प्रति तेरु प्रेम तैं देखि के, मि तैं भौत खुशी अर शान्ति मिली, इलै की तेरु द्वारा पिता परमेश्वर का पवित्र लोग उत्साहित हवे गैनी।

1 तीमुथियुस 5:10

भला काम कन मा सुनाम रै हो; जैल बच्चों कु अच्छो पालन-पोषण कैरी हो, अर विश्वासी भयों, कि खूब खातिरदारि कैरी हो, अर विश्वासी लुखुं की सेवा इन कैरी हो की जन व एक दासी हो, अर अपड़ा लुखुं की मदद कैरी हो जु लोग मुशीबतों मा छा, वीं ल हर ढंग से भला काम कनु कु अफ तैं समर्पित कैरी हो।

1 कुरिन्थि 16:17

अर मि स्तिफनुस अर फूरतूनातुस अर अखइकुस का औंण से खुश छों, किलैकि उ मेरी मदद कना छिनी, जु तुम नि कैरी सकणा छा।

रोमियों 15:31

कि मि यहूदिया प्रान्त इलाका का अविश्वासियों बट्टी बच्युं रों, कि पिता परमेश्वर का लोग जु यरूशलेम शहर मा छिनी मेरी पौंछाई मदद बट्टी खुश हवे जौं, अर जु पवित्र लुखुं कु स्वीकार हो।

खास चेलों 18:12

जब गल्लियों जु अखाया प्रान्त को राज्यपाल छो, त यहूदी लोग कट्ठा हवे के पौलुस पर हावि हवे गैनी, अर वे तैं राज्यपाल का न्याय आसण का संमणी लै के ऐनी।

1 कुरिन्थि 16:1

अब यरूशलेम शहर मा पिता परमेश्वर का पवित्र लुखुं कु कठ्ठा करे जांणवला धन का बारा मा, जन आज्ञा मिल गलातिया प्रदेश की मण्डलियों तैं द्ये, उन ही तुम भि कैरा।