1 कुरिन्थि 15:44 - गढवली नयो नियम

⁴⁴ एक आदिम की देह जै तैं खडये जांद, उ भस ईं दुनिया मा कै भि आदिम का जीवन का योग्य च। पर जब पिता परमेश्वर वे तैं ज्यूँदो करद, त वेको नयो देह स्वर्ग मा जीवन का योग्य होली। जु एक इन देह च जु भस दुनिया मा रौंणा का योग्य च, त एक इन देह भि होली जु स्वर्ग मा रौंणा का योग्य च।

1 कुरिन्थि 15:44 Referans Kwoze

1 कुरिन्थि 15:50

हे विश्वासी भयों, मि यु बुल्दो, ईं धरती पर हमारी देह अर मांस अर ल्वे बट्टी बणयां छिनी; हम स्वर्ग मा पिता परमेश्वर का राज्य मा अपड़ी ईं देह का दगड़ी रै नि सकदियां जु मोरि जांद, किलैकि उख कुई मौत नि च।

लूका 24:31

तब ऊंका आंखा खुलि गैनी अर ऊंल उ पच्छ्याणि दींनि अर यीशु ऊंकी नजर मा बट्टी छिपी गै।

यूहन्ना 20:26

आठ दिनों का बाद ऊंका चेला घौर का भितर छा अर थोमा भि ऊंका दगड़ा छो अर द्वार बंद छा। तब यीशु ऐ अर ऊंका बीच मा खड़ो हवे के बोलि, “तुम तैं शान्ति मिलो।”

यूहन्ना 20:19

वे इतवार कि शाम कु जब वेका द्वार जख चेला छा सब चेला एक दगड़ी कठ्ठा हुयां; ऊंल द्वार बंद करयां छा किलैकि उ यहूदियों का अगुवों बट्टी डरयां छा। तब यीशु ऐ अर बीच मा खड़ो हवे की ऊंमा बोलि, “तुम तैं शान्ति मिलो।”

1 कुरिन्थि 2:14

पर उ मनिख जैल परमेश्वर की आत्मा तैं नि पै, उ परमेश्वर की आत्मा की बातों तैं स्वीकार नि करदु, किलैकि उ वेकी नजर मा मूर्खता की बात च, किलैकि एक आदिम अपड़ी कीमत तभि जांणि सकद जब वेमा पवित्र आत्मा रौंदी।