1 कुरिन्थि 15:4 - गढवली नयो नियम

⁴ अर खडै गै; अर परमेश्वर का वचन का अनुसार तिसरा दिन पिता परमेश्वर ल वे तैं मुर्दों मा बट्टी ज्यूँदो कैर दींनि।

Garhwali

⁴ अर वेतैं दफनये गै, अर जन कि पवित्रशास्‍त्र मा लिख्यूं च वेका मुताबिक पिता परमेस्वर न वेतैं तिसरा दिन मुरदो मा बटि ज्यून्दु कैरी।

1 कुरिन्थि 15:4 Referans Kwoze

मत्ती 12:40

योना तीन रात अर तीन दिन पांणि का महामाछ का पुटगा का भितर रै उन मि मनिख कु नौंनो भि तीन रात दिन धरती का भितर रालो।

इब्रानी 13:20

अर अब, शान्ति दींणवलों पिता परमेश्वर, जु हमारा प्रभु यीशु तैं मुर्दों मा बट्टी फिर ज्यूँदो कैरी के ले ऐ, तुम तैं ऊं सभि चीजों बट्टी पूरो कैरो ज्यांकी तुम तैं वेकी इच्छा पूरी कनै की जरूरत च; यीशु मसीह का ल्वे का सामर्थ का द्वारा उ तुम मा उ सभि पैदा कैरो जु वे तैं खुश करदो; यीशु हमेशा की वाचा का द्वारा ढिबरों कु एक महान चरवाहा बंणि गै, जैका द्वारा हमेशा की नई प्रतिज्ञा पर मोहर लगै जांद; वेकी महिमा हमेशा-हमेशा तक हूंदी रौ। आमीन।

रोमियों 6:4

इलै जब हम ल बपतिस्मा लये त हम मोरि ग्यां अर मसीह का दगड़ी दफनये ग्यां, कि जन मसीह पिता परमेश्वर कि महिमा का द्वारा मुर्दों मा बट्टी ज्यूँदो करे गै, उन ही हम एक नया ढंग बट्टी जीवन तैं जियां।

लूका 24:46

तब यीशु ल ऊंकु बोलि, “परमेश्वर का वचन मा इन लिख्युं च कि मसीह कु दुख उठांण अर तिसरा दिन मुर्दों मा बट्टी ज्यूँदो हवे जांण।”

लूका 24:26

यु जरूरी छा कि मसीह यु दुख तैं उठै अर फिर अपड़ी बढ़ै मा प्रवेश कैर,

लूका 9:22

अर वेल बोलि, “मि मनिख कु नौंनो कु जरूरी च कि उ भौत दुःख उठौ अर लुखुं का दाना-सयाणों, प्रधान याजक अर मूसा की व्यवस्था तैं सिखांण वलो वे तैं तुच्छ जांणि के मारि दयूंनु अर उ तीन दिन का बाद फिर ज्यूँदो हवे जालो।”

कुलुसी 2:12

अर वेका ही दगड़ा मा तुम्हरो बपतिस्मा हवे के तुम वे दगड़ी दफनये ग्यां जन मसीह दफनये गै अर वे ही दगड़ी ज्यून्दा भि करे ग्यां, किलैकि तुम ल पिता परमेश्वर कि वीं सामर्थ पर विश्वास कैरी जैल मसीह तैं मुर्दों मा बट्टी ज्यूँदो कैरी।

खास चेलों 17:31

किलैकि वेको एक दिन ठैरयूं च, जयां मा उ वे मनिख का द्वारा धर्म ल दुनिया को न्याय का द्वारा जांच करुलो, जु वेल ठैरयूं च अर वे तैं मुर्दों मा बट्टी ज्यूँदो कैरी के, ईं बात को प्रमाण सभि लुखुं तैं दींनि।

खास चेलों 1:3

यीशु का दुख उठौंणा अर मौत का बाद भौत सैरा पक्का सबूतों का द्वारा अफ तैं ज्यूँदो दिखै अर चालिस दिनों तक उ प्रेरितों तैं दिखेंणु रैं अर परमेश्वर का राज्य कि बात कनु रैं।

मरकुस 9:31

किलैकि यीशु अपड़ा चेलों का दगड़ी मा और रांण चयणु छो अर ऊं तैं और शिक्षा दींण चांणु छो ऊंकु बुल्द छो कि “मि मनिख कु नौंनो मनिख्युं का हथ बट्टी पकड़वे जालो अर ऊंल मि तैं मारि दींण अर फिर मिल मौत का तीन दिन बाद ज्यूँदो हवे जांण।”

मत्ती 20:19

अर उ वे तैं गैरजाति लुखुं का हथ पकड़वये जालो कि उ वे तैं मजाक मा उड़ौनु अर कोड़ा मरुनु अर सूली पर चड़ौनुं पर उ तिसरा दिन का बाद मा ज्यूँदो हवे जालो।

मत्ती 16:21

वे बगत बट्टी यीशु अपड़ा चेलों तैं सिखौंण लगि गै, “कि जरूरी च कि मि यरूशलेम शहर कु जौं अर दाना-सयाणों का अर प्रधान याजक अर मूसा की व्यवस्था तैं सिखांण वलो का हथ से भौत दुःख उठै के मरै जौं अर तिसरा दिन ज्यूँदो हवे जौं।”

1 पतरस 1:11

मसीह को आत्मा ऊंमा छो अर ऊं तैं बतांणु छो कि मसीह कन के दुःख सहलो अर फिर वे तैं बड़ो सम्मान दिये जालो। इलै ऊंल यु पता लगौंण की कोशिश कैरी कि मसीह कु होलो अर यु सब कब होलो।

यूहन्ना 19:38

यूं बातों का हूंण का बाद अरिमतियाह गौं का यूसुफ ल जु यीशु को चेला छो पर यहूदियों का अगुवों का डर से यूं बातें तैं छिपै के रखि, पिलातुस बट्टी बिनती कैरी, कि मि यीशु का शव तैं लै जौं, पिलातुस ल वेकी बिनती सूंणि, अर उ ऐ के ऊंका शव ली गै।