1 कुरिन्थि 15:13 - गढवली नयो नियम

¹³ जु मुरयां लुखुं कु फिर से ज्यून्दो हूंण मुश्किल च, त मसीह भि फिर से ज्यूँदो नि हवे।

Garhwali

¹³ अर अगर जु मुरदा ज्यून्दा नि ह्‍वे सकदिन, त यां को मतलब यू च यीशु मसीह भि मुरदो मा बटि ज्यून्दु नि ह्‍वे।

1 कुरिन्थि 15:13 Referans Kwoze

रोमियों 8:11

अर जु पिता परमेश्वर कु पवित्र आत्मा जैल यीशु तैं मुर्दों मा बट्टी ज्यूँदो कैरी तुम मा बस्युं च; त जैल मसीह तैं मुर्दों मा बट्टी ज्यूँदो कैरी, जु तुम मा बसयूं च उ तुम्हरा नाशवान देह तैं भि अपड़ा आत्मा का द्वारा ज्यूँदो करलो।

1 थिस्सलुनीकी 4:14

जु हमारो यु विश्वास च, कि यीशु मोरि, अर ज्यूँदो भि हवे गै, त इन ही कै जु लोग यीशु पर विश्वास कैरी कै मोरि गैनी, ऊं तैं भि परमेश्वर यीशु का दगड़ा मा ल्यालु।

दिब्य दरस 1:18

मि एक बार मोरि ग्यों। पर अब मि ज्यूँदो छो अर मि हमेशा ज्यूँदो रौलु; अर मि मा अधोलोक की चाबी च जु मि तैं वीं जगह तैं खुलणै की शक्ति दींद जख मुरयां लोग छिनी अर ऊं तैं दुबरा ज्यूँदो कने की शक्ति दींद।

1 पतरस 1:3

हमारा प्रभु यीशु मसीह का पिता परमेश्वर को धन्यवाद हो, पिता परमेश्वर ल हमारा प्रति अपड़ी बड़ी दया ल हम तैं एक नयो जीवन दये। किलैकि पिता परमेश्वर ल यीशु मसीह तैं मुर्दों बट्टी ज्यून्दो कैरी, वेल हम तैं भौत आत्मविश्वास का दगड़ी जीवन जींणा का योग्य बणै; मतलब यु कि ऊं चीजों तैं पांणै की पूरी आस कैरी सकदां जु वेल हम तैं दींणों को वादा कैरी,

इब्रानी 13:20

अर अब, शान्ति दींणवलों पिता परमेश्वर, जु हमारा प्रभु यीशु तैं मुर्दों मा बट्टी फिर ज्यूँदो कैरी के ले ऐ, तुम तैं ऊं सभि चीजों बट्टी पूरो कैरो ज्यांकी तुम तैं वेकी इच्छा पूरी कनै की जरूरत च; यीशु मसीह का ल्वे का सामर्थ का द्वारा उ तुम मा उ सभि पैदा कैरो जु वे तैं खुश करदो; यीशु हमेशा की वाचा का द्वारा ढिबरों कु एक महान चरवाहा बंणि गै, जैका द्वारा हमेशा की नई प्रतिज्ञा पर मोहर लगै जांद; वेकी महिमा हमेशा-हमेशा तक हूंदी रौ। आमीन।

इब्रानी 2:14

किलैकि जौं तैं पिता परमेश्वर ल बच्चों कैरी के बुलै, मतलब की जु मास अर ल्वे का बणयां छिनी, यीशु हर ढंग से हम जन बंणि गै अर ऐ कि प्रभु यीशु का मृत्यु का द्वारा शैतान, जै तैं मृत्यु पर अधिकार च नाश हवे जौं।

2 तीमुथियुस 4:8

प्रभु मि तैं एक ताज दयालो जु धार्मिकता को ताज च, यु ईनाम मि तैं वे दिन मिललो जब उ सचै का दगड़ी न्याय कनु कु वापिस आलो, अर यु भस मि तैं ही न बल्कि ऊं सभियूं तैं भि यु दयालो जु वेकी वापिस आंणै की चाह करदींनि।

1 कुरिन्थि 15:20

पर सच यो च, कि पिता परमेश्वर ल हक्कीकत मा मसीह तैं मौत बट्टी ज्यूँदो कैरी, त ऊं सभियूं तैं जु यीशु पर विश्वास करदींनि ऊं तैं दुबरा ज्यून्दा किये जालो।

रोमियों 8:23

अर उ भस दुनिया ही न जु कि कणांणी च, न पर हम भि, जै मा हूंण वली बडै का पैली बट्टी स्वाद चखण का रूप मा पवित्र आत्मा कु निवास च, अफी अपड़ा मा कणांणी च; हम भि वे दिन कु उत्सुकता का दगड़ी जग्वाल कना छा जब परमेश्वर हम तैं अपड़ा गोद लियां बच्चों का रूप मा हम तैं पूरो हक दयालो, मतलब की अपड़ा देह का छुटकारा की जग्वाल कना छा।

खास चेलों 23:8

किलैकि सदूकी लोग यु विश्वास करदा छा कि लोग मुरणा का बाद ज्यून्दा नि होला, अर न स्वर्गदूत अर न दुष्टात्मा छिनी; पर फरीसी लोग यूं सभि बातों पर विश्वास करदा छा।

1 कुरिन्थि 15:12

इलै अब मि तुम बट्टी पुछण चांणु छों; किलैकि हम सभियूं ल तुम्हरा बीच मा यु प्रचार कैरी कि जब मसीह मोरि त, पिता परमेश्वर ल वे तैं ज्यून्दो कैरी दींनि, त तुम मा बट्टी कुई भि यु नि बोलु, कि पिता परमेश्वर का विश्वासियों का मुरणा का बाद फिर से ज्यून्दो नि करलो!

1 कुरिन्थि 15:14

अर जु मसीह तैं मुर्दों मा बट्टी ज्यून्दो नि किये गै, त जै संदेश कु हम प्रचार करदां अर मसीह मा तुम्हरा विश्वास कु कुई मतलब नि च।