1 कुरिन्थि 14:3 - गढवली नयो नियम

³ पर जु भविष्यवाणी करद, उ (विश्वासियों) तैं विश्वास मा मजबूत कन मा मदद करदो, हिम्मत अर तसल्ली दींण कु मदद करद।

Garhwali

³ पर जु मनखि भविष्यबाणी करदु, उ अपणी बातों का द्‍वारा बिस्वासी समुदाय का लोगु का दगड़ा मा बात करदु, अर ऊंका बिस्वास तैं मजबूत करदु। अर ऊंकी हिम्मत बढै के ऊंका दिलों तैं दिलासा देन्दु।

1 कुरिन्थि 14:3 Referans Kwoze

1 कुरिन्थि 14:12

इलै तुम भि जब आत्मिक वरदानों तैं पांणै की इच्छा रखदा, जु पवित्र आत्मा तुम तैं दींद, त ऊं वरदानों कु इस्तेमाल कनु कु इन कोशिश करदी रावा कि ऊं वरदानों का द्वारा विश्वासियों की मण्डलि पूरा ढंग से विश्वास मा मजबूत हवे जौ।

1 तीमुथियुस 4:13

जब तक मि नि औं तब तक, विश्वासियों तैं परमेश्वर का वचन कु मतलब अर उपदेश दींण अर सिखौंण मा लग्युं रौ।

यहूदा 1:20

पर हे विश्वासी भयों, तुम तैं एक-दुसरा की मदद करदी रौंण चयणु च कि ऊं पवित्र सच्चाईयों मा जौं पर तुम विश्वास करदा, एक दुसरा तैं बणै साका। तुम तैं पवित्र आत्मा की सामर्थ बट्टी मार्गदर्शन पै के प्रार्थना कन चयणी च।

तीतुस 1:9

वे तैं यीशु मसीह का बार मा विश्वासयोग्य संदेश पर मज़बूती ल विश्वास कन चयणु च, जु हम ल वे तैं सिखै कि उ दूसरों तैं सही शिक्षा को पीछा कनु कु उत्साहित कैर साको अर ऊं तैं ठिक कैर साको जु गलत छिनी।

इफिसुस 6:22

वे तैं मिल तुम मा इलै भेजि, कि तुम हमारी दशा तैं जांणि जां, अर उ तुमारा मनों तैं बढ़ावा द्ये सका।

2 तीमुथियुस 4:2

कि तू पिता परमेश्वर का वचन को प्रचार कु तैयार रौ, जब लोग त्वे बट्टी सुनण चदींनि अर जब लोग त्वे बट्टी नि भि सुनण च तब भि, जब तु देखि की लोग बुरै कना छिनी, अर पाप मा लगयां छिनी, पर त्वे तैं ऊं तैं बड़ा सब्र रखि के शिक्षा दे के झिड़क अर समझौण चयणु च।

तीतुस 2:6

इन ही जवान आदमियों तैं भि समझाया कैर कि उ धीरजवान हूंनु।

1 कुरिन्थि 14:31

तुम सभि पिता परमेश्वर का संदेश कु प्रचार कैरी सकदियां, पर एक का बाद एक कैरी कै, कि हर कुई सिखौ अर प्रोत्साहित हो।

1 कुरिन्थि 14:26

हे विश्वासी भयों, सूंणा कि कामों तैं कन कै कन चयणु च, जब तुम पिता परमेश्वर की आराधना कु कठ्ठा हूंदा, त तुम मा बट्टी कुई त गीतों तैं गौ, कुई उपदेश द्यो, कुई प्रभु का द्वारा दियां ज्ञान तैं बांटो, जु कुई अन्य भाषा मा बात कैरो, त दुसरो आदिम वेको अनुवाद कैरो। यु सभि बातों कु उद्देश्य मण्डलि तैं विश्वास मा मजबूत हूंण कु मदद कन च।

रोमियों 14:19

इलै हम ऊं बातों की कोशिश नि कैरा, जु लुखुं तैं शान्ति का दगड़ी रौंणो कु कारण बंणौंदींनि अर एक दुसरो कु विश्वास मजबूत कन मा मदद कैरा।

खास चेलों 13:15

मूसा द्वारा लिखीं परमेश्वर की व्यवस्था अर परमेश्वर का तरपां बट्टी बुल्ण वलो की किताब बट्टी पढ़ण का बाद यहूदियों का मिलणा का भवन को सरदारों ल ऊंमा संदेश भेजि, “हे विश्वासी भयों, जु लुखुं का उत्साह कु तुम्हरा मन मा कुई बात हो त बोला।”

तीतुस 2:9

विश्वासी जु दास छिनी, ऊं तैं सिखौ कि वे उ सब कैरा जु ऊंको मालिक ऊं तैं कनु कु बोलु, ऊं तैं बतौ कि उ हर बात मा अपड़ा मालिकों तैं खुश कनै की कोशिश कैरा अर ऊं दगड़ी वाद-विवाद नि करुनु।

1 थिस्सलुनीकी 2:3

किलैकि हमारा उपदेश मा कुई धोखा दींण या गलत मनसा या छल कपट नि च।

1 कुरिन्थि 10:23

तुम बुल्दियां, हम सभि कुछ कनु कु आजाद छा; हां, पर हम कु सभि कुछ अच्छो नि च; किलैकि सभि कुछ पिता परमेश्वर मा हमारा विश्वास तैं मजबूत नि करद; अर सभि चिज्युं बट्टी उन्नति नि हुंद।

1 पतरस 5:12

मि या छुटी सी चिठ्ठी सिलवानुस (सिलास) का मदद ल लिखणु अर तुम तैं भिजणु छो। मि वे तैं मसीह मा एक विश्वासयोग्य भैय का रूप मा मंणदु छो। मेरू यु तैं लिखणौं को उद्देश्य तुम तैं उत्साहित कन अर तुम तैं आश्वस्त कन कि जु कुछ भि तुम अनुभव कना छा उ वास्तव मा तुम्हरा प्रति पिता परमेश्वर की कृपा को हिस्सा च। ईं कृपा मा स्थिर रावा।

इब्रानी 13:22

हे मेरा विश्वासी भयों, मि तुम बट्टी बिनती करदु, कि ईं चिठ्ठी का संदेश की बातों तैं धीरज ल सुणदी रावा, जु मिल तुम तैं प्रोत्साहित कनु कु लिखीं छिनी। मिल तुम तैं ईं चिठ्ठी मा भौत जादा बात नि लिखिनि

इब्रानी 10:25

आवा हम कुछ लुखुं का जन, पिता परमेश्वर की आराधना कनु कु कठ्ठा हूंण बंद नि कैरा, पर हम तैं एक-दुसरा तैं प्रोत्साहित कन चयणु च, अर चितांण चयणु च, ज्यादातर अब जबकि प्रभु को फिर से वापिस आंणो को दिन नजीक आंणु च।

तीतुस 2:15

इलै, तीतुस मि चांणु छों कि तू क्रेते टापू का विश्वासियों तैं यूं बातों तैं सिखौ जु मिल त्वे तैं बतै, अपड़ा लुखुं तैं इन कनु कु प्रोत्साहित कैर; कुई भि तेरु अनादर नि कन पौ।

1 तीमुथियुस 6:2

अर जौं का स्वामि विश्वासी छिन, ऊं तैं उ विश्वासी भैय समझी के सही सम्मान द्या; बल्कि ऊंकी और भि सेवा कैरा, किलैकि यां बट्टी फैदा उठांण वला विश्वासी अर मसीह मा भैय का रूप मा प्रेम करदींनि। यूं बातों कु पालन कनु कु सभियूं तैं उत्साहित कनु रौ।

1 तीमुथियुस 1:4

अर ऊं झूठी कथों पर अर सदनी कि वंशावली पर मन लगै के बगत खराब नि कैरा, ज्यां ल झगड़ा हूंदींनि; यु झगड़ा पिता परमेश्वर की योजना मा रुकावट बणद जु भस ऊं लुखुं द्वारा किये जा सकद जु वे पर विश्वास करदींनि।

2 थिस्सलुनीकी 3:12

इन्दारया लुखुं तैं हम अधिकार ल जु हम तैं प्रभु यीशु मसीह बट्टी मिली आज्ञा दींणा अर समझौंणा छा, कि उ चुपचाप रै के अपड़ा कामकाज कैरी कै अर अपड़ी कमै कि रुटि खयां कैरा।

1 थिस्सलुनीकी 4:18

इलै यूं बातों बट्टी एक हैंका तैं तसल्ली दिया कैरा।

1 थिस्सलुनीकी 4:1

हे विश्वासी भयों, हम तुम बट्टी बिनती कना छा अर तुम तैं प्रभु यीशु मा समझौंणा छा कि जन तुम ल हम बट्टी प्रभु का लैख जीवन बसर कन सीखी अर पिता परमेश्वर तैं खुश कन सीखी अर जन तुम ज्यूंदा भि छा, अर हम तुम तैं इन कनु कु और भि प्रोत्साहित करदां।

1 थिस्सलुनीकी 3:2

अर हम ल तीमुथियुस कु जु मसीह का शुभ सन्देश मा हमारो भैय, अर पिता परमेश्वर कु सेवक च, वे तैं तुम मा भेजि, कि उ तुम तैं मजबूत कैरो; अर तुम्हरा विश्वास का बारा मा तुम तैं मदद कैरो।

1 थिस्सलुनीकी 2:11

जन तुम जंणदा छा, कि जन बुबा अपड़ा नौंनो का दगड़ी बरतौ करदो उन ही हम भि तुम मा बट्टी हरेक तैं तसल्ली दींद छा अर उपदेश दींद छा अर समझौंदा छा।

कुलुसी 4:8

मिल वे तैं तुम मा इलै भेजि, कि तुम तैं पता चलि जौं कि हम कन छा अर उ तुम तैं विश्वास मा और मजबूत कैरो।

इफिसुस 4:29

कुई गंदी बात तुमारा गिच्चा बट्टी नि निकलो, बल्कि भस उ ही बोला जु लुखुं कि उन्नति कनै कि जरुरी च, कि जु कुछ भि तुम बुल्दा छा उ सुनण वलो तैं आत्मिक रूप बट्टी फैदा कैरी साको।

2 कुरिन्थि 2:7

इलै यु से बढ़िया च कि वेका पापों तैं माफ कैरा; अर वे तैं प्रोत्साहित कैरा, जु तुम वे तैं माफ नि करदा त शायद उ इथग दुखी हवे जौं कि निराश हवे कर हार मांणी ल्यो।

2 कुरिन्थि 1:4

पिता परमेश्वर हमारी सब मुसिबतों मा हम तैं तसल्ली दींद; कि हम वे तसल्ली का कारण जु पिता परमेश्वर हम तैं दींद, ऊं तैं भि तसल्ली दे साक, जु हर ढंग की मुसिबत मा पुड़यां हूंनु।

1 कुरिन्थि 14:17

पिता परमेश्वर कु तुमारो धन्यवाद अद्भुत हवे सकद, पर यु दूसरों तैं विश्वास मा मजबूत हूंणु कु मदद नि करदो।

1 कुरिन्थि 8:1

तुम्हरी चिठ्ठी मा तुम ल मूर्तियों का संमणी चढ़यूं बलि कु खांणु का बारा मा पूछि छों, कि हम सभि यु बारा मा जंणदा छा; पर ज्ञान बड़ा मोन तैं पैदा करद, पर अगनैं बढ़ण मा हम एक-दुसरा की मदद प्रेम का दगड़ी करदां।

रोमियों 15:2

हम मा बट्टी हरेक अपड़ा दगड़िया विश्वासी पड़ोसी का दगड़ी इन कन चयणु च, जु दुसरा का दिल तैं खुश कैरो अर दूसरों कु विश्वास मजबूत कन मा मदद कैरा।

रोमियों 12:8

जु प्रोत्साहित कनु कु उपदेशक हो, उ उपदेश दींण मा लग्यूं रौ; जु दूसरों की जरूरतों तैं पूरो कनु कु वरदान हों, त उदारता ल द्ये; या जु अगुवाई कनु कु वरदान हो, त वे तैं पूरा ढंग बट्टी कैरा अर जु दया कैरो, उ खुश हवे के कैरो।

खास चेलों 15:32

अर यहूदा अर सिलास ल जु अफ भि परमेश्वर का तरपां बट्टी बुल्दो छो भौत बातों ल विश्वासी भयों तैं उपदेश दे के मजबूत कैरी।

खास चेलों 14:22

अर हर एक शहर मा चेलों का मनों तैं मजबूत करदींनि रैनी अर यु उपदेश दींदी रैनी कि विश्वास मा बणया रावा; अर यु बुल्दो छो, “हम तैं भौत दुख सै के पिता परमेश्वर का राज्य मा पौछांण होलो।”

खास चेलों 9:31

इन कै सैरा यहूदिया प्रान्त, गलील प्रदेश, अर सामरिया प्रान्त मा मण्डलि का लुखुं तैं शान्ति मिली किलैकि कुई सताव नि छो, अर मंडलियों की गिणती मा उन्नति हूंदी रै; अर प्रभु का डौर अर पवित्र आत्मा की मदद ल भौत लुखुं ल प्रभु यीशु पर विश्वास कैरी।

लूका 3:18

अर उ भौत सी शिक्षा दे के लुखुं तैं शुभ सन्देश प्रचार सुणौंदी रै।

इब्रानी 3:13

रोज एक दुसरा तैं प्रोत्साहित कैरा। पाप तुम तैं धोखा नि द्यो अर तुम जिद्दी नि बणा। इलै जब तक हम “आज” बोलि सकदा, तब तक रोज एक दुसरा तैं प्रोत्साहित करदी रा।

खास चेलों 4:36

यूसुफ नौं को साइप्रस द्वीप का रौंण वलो एक लेवि छो जै को प्रेरित बरनबास नौं बट्टी बुलौन्दा छा जै को मतलब च, एक इन आदिम जु दूसरों तैं उत्साहित करदो।