1 कुरिन्थि 14:2 - गढवली नयो नियम

² किलैकि जु अन्य भाषा मा बात करदो; उ मनिख्युं बट्टी न, पर पिता परमेश्वर बट्टी बात करदो; इलै की वेकी बातों तैं कुई नि समझद; किलैकि उ पवित्र आत्मा की सामर्थ का द्वारा गुप्त बातों तैं बुल्द।

Garhwali

² किलैकि जु मनखि अलग-अलग भाषा मा बुल्दु, वु मनखियों का दगड़ा मा ना, बल्किन मा पिता परमेस्वर से बात करदु। अर इन्द्रयो मनखि पवित्र आत्मा का द्‍वारा पवित्र राज बतौन्दु, मगर कुई दुसरो मनखि वेकी बातों तैं समझि नि सकदु।

1 कुरिन्थि 14:2 Referans Kwoze

मरकुस 16:17

अर मि पर विश्वास कन वलो मा यु चमत्कार का काम का चिन्ह होला उ मेरा नौं से दुष्टात्मा तैं निकलला अर मि ऊं तैं नई-नई बोलि भाषा बुलौलु।

खास चेलों 19:6

जब पौलुस ल ऊं पर हथ रखि त पवित्र आत्मा ऊं पर ऐ गै अर उ बनि-बनि भाषा बुल्ण लगि गैनी अर भविष्यवाणी कन लगि गैनी।

खास चेलों 10:46

किलैकि यहूदी विश्वासियों ल ऊं तैं अलग-अलग भाषा मा बुल्ण अर पिता परमेश्वर कि आराधना कन सूंणि। तब पतरस ल बोलि,

1 कुरिन्थि 13:2

अर जु मि भविष्यवाणी कैर साको, अर सभि भेदों अर सभि प्रकार का ज्ञान तैं समझु, अर मि तैं यख तक पिता परमेश्वर पर पूरो विश्वास च, कि मि पौड़ तैं इनां बट्टी ऊना कैरी सकदु, पर दूसरों बट्टी प्रेम नि रखु, त मेरी कुई कीमत ही नि च।

1 कुरिन्थि 2:10

पर पिता परमेश्वर ल ऊं तैं अपड़ी पवित्र आत्मा का द्वारा हम प्रेरितों पर प्रगट कैरी, किलैकि पवित्र आत्मा बट्टी कुछ भि छिपयूं नि च, उ हर बातों तैं जंणदु च, इख तक की पिता परमेश्वर का भेद कि बातों तैं भि जंणदु, जु अभि तक मनिख्युं तैं पता नि च।

दिब्य दरस 10:7

वे बगत, जब सातवां स्वर्गदूत को शब्द दिनों मा, जब उ तुरै बजांण वलो होलो, त पिता परमेश्वर की व योजना वे शुभ सन्देश प्रचार का अनुसार पूरी हवे जाली जु वेल ऊं परमेश्वर का तरपां बट्टी बुल्ण वला लुखुं तैं बतै छै जु वेकी सेवा करदा छा पर दुसरा लुखुं तैं नि बतै।

1 तीमुथियुस 3:16

यां मा कुई शक नीच कि भक्ति कु भेद गैरु-गम्भीर च, मसीह जु मनिख का रूप मा प्रकट हवे, पवित्र आत्मा का द्वारा पिता परमेश्वर का नौंनो का रूप मा साबित किये गै, स्वर्गदूतों तैं दिखै गै अन्य-जातियों का लुखुं ल देश-देश मा वेको प्रचार कैरी, दुनिया भर का लुखुं ल वे पर विश्वास कैरी अर महिमा का दगड़ा वे तैं मथि स्वर्ग मा उठै गै।

1 तीमुथियुस 3:9

ऊंमा एक साफ सुथरी सुचणै की क्षमता हो ज्वा विश्वास कन मा अर पिता परमेश्वर की ज्वा शिक्षा दीं च ऊं तैं सच मंणुन।

कुलुसी 2:2

मि इन इलै करदु कि मि ऊं तैं तुम्हरा विश्वास मा मजबूत कन चांणु छों, अर एक दुसरा का प्रति तुम्हरो प्रेम तुम तैं कठ्ठा करलो, मि चांदु छों कि ऊं तैं पूरी हिम्मत हो किलैकि ऊं तैं पिता परमेश्वर की गुप्त योजना की पूरी समझ च, जु खुद मसीह ही च।

इफिसुस 6:19

अर मि कु भि प्रार्थना कैरी कै पिता परमेश्वर बट्टी बुल्यां कि उ मि तैं बुल्ण मा ठिक शब्द द्यां कि मि साहस बट्टी शुभ सन्देश प्रचार का बारा मा जु सभि लुखुं कु च, वेका गुप्त बातों तैं समझी सका,

1 कुरिन्थि 15:51

सूंणा, मि तुम बट्टी भेद की बातों तैं बुल्दो, कि हम सभि विश्वासियों ल नि मुरण, पर हम सभियूं कु रूप बदली जालो।

1 कुरिन्थि 2:7

पर हम पिता परमेश्वर कु उ गुप्त ज्ञान जै ज्ञान की बात हम करद्यां, जु छुपियूं छो, अर अभि तक कुई भि यु तैं नि समझी साकी छो। यां से पैली कि पिता परमेश्वर ल धरती की रचना कैरी, वेल पैली ही बट्टी सोचेले छो कि वेको ज्ञान हम तैं महिमा दयालो।

रोमियों 16:25

अब जै शुभ सन्देश कु मि प्रचार करदु, मतलब यीशु मसीह का बारा मा प्रचार का अनुसार जु तुम तैं विश्वास मा मजबूत बणांद, वे भेद का प्रकाश का अनुसार जु हमेशा बट्टी छिप्युं रै।

खास चेलों 22:9

अर मेरा दगड़ियों ल उज्यलो त देखि, पर जु मि बट्टी बुल्णु छो ऊं तैं एक आवाज सुणै, पर ऊं तैं नि समझ मा ऐ कि आवाज ल मि बट्टी क्य बोलि।

मरकुस 4:11

यीशु ल ऊंमा बोलि तुम तैं त परमेश्वर का राज्य कि सचै की समझ दियीं च पर मि पर भरोसो नि रखण वलो कु सब बात मिसाल मा हूंदी।

मत्ती 13:11

यीशु ल जवाब दींनि, “तुम तैं त परमेश्वर का राज्य कि सचै की समझ दियीं च पर ऊं तैं नि दिईं।”

1 कुरिन्थि 14:16

मांणा कि कुई सीधो आदिम तुम्हरी आराधना मा हो अर तुम अपड़ी आत्मा बट्टी परमेश्वर की आराधना कना हो। जु उ तुम्हरी बातों तैं नि समझो, त तुम्हरा परमेश्वर तैं धन्यवाद दींण का बाद, वे तैं कन कै पता चललो कि आमीन कब बोलु जैका बारा मा तुम ल बोलि।

1 कुरिन्थि 12:10

पवित्र आत्मा एक मनिख तैं चमत्कार का काम कने की शक्ति दींद; अर कै तैं भविष्यवाणी कु; अर कै तैं आत्माओं की परख, अर कै तैं भौत प्रकार कि भाषा बुल्ण; अर कै तैं कि भाषाओं कु मतलब बतांण कु।

1 कुरिन्थि 12:28

अर पिता परमेश्वर ल मण्डलि मा अलग-अलग आदिम नियुक्त करयां छिनी; पैला प्रेरित, दुसरा परमेश्वर का तरपां बट्टी बुल्ण वलो, तिसरा शिक्षक, फिर चमत्कार का काम कन वला, फिर चंगा कन वला, अर उपकार कन वला, अर प्रधान, अर बनि-बनि भाषा बुल्ण वला।

1 कुरिन्थि 13:1

मि भले ही मनिख्युं अर स्वर्गदूतों की भाषाओं मा बोलु; पर जु मिल लुखुं बट्टी प्रेम नि कैरी, त ऊं भाषाओं तैं बुल्ण मि कु ठनठनांदु पीतल, अर झंझनांद ढपली जन च।

1 कुरिन्थि 14:26

हे विश्वासी भयों, सूंणा कि कामों तैं कन कै कन चयणु च, जब तुम पिता परमेश्वर की आराधना कु कठ्ठा हूंदा, त तुम मा बट्टी कुई त गीतों तैं गौ, कुई उपदेश द्यो, कुई प्रभु का द्वारा दियां ज्ञान तैं बांटो, जु कुई अन्य भाषा मा बात कैरो, त दुसरो आदिम वेको अनुवाद कैरो। यु सभि बातों कु उद्देश्य मण्डलि तैं विश्वास मा मजबूत हूंण कु मदद कन च।