1 कुरिन्थि 14:16 - गढवली नयो नियम

¹⁶ मांणा कि कुई सीधो आदिम तुम्हरी आराधना मा हो अर तुम अपड़ी आत्मा बट्टी परमेश्वर की आराधना कना हो। जु उ तुम्हरी बातों तैं नि समझो, त तुम्हरा परमेश्वर तैं धन्यवाद दींण का बाद, वे तैं कन कै पता चललो कि आमीन कब बोलु जैका बारा मा तुम ल बोलि।

Garhwali

¹⁶ अर जब तू पवित्र आत्मा का द्‍वारा परमेस्वर की बडै दुसरि भाषा मा करली, त जिं भाषा तैं बिस्वासी समुदाय का लोग नि समझदिन, त वु तेरा दियां धन्यवाद मा कनकै “आमीन” बुलला, किलैकि ऊंका बिंगण मा कुछ नि च औणु।

1 कुरिन्थि 14:16 Referans Kwoze

दिब्य दरस 5:14

अर चरी ज्यून्दा प्राणियों ल आमीन बोलि, अर दाना-सयाणों ल झुकि के वेकी आराधना कैरी।

1 कुरिन्थि 11:24

अर पिता परमेश्वर कु धन्यवाद कैरी के रुठी तोड़ी, अर बोलि, “य मेरी देह च, ज्वा तुम्हरा उद्धार कु बलिदान किये जांद; मेरी मौत तैं याद कनु कु इन ही कैरा करा।”

दिब्य दरस 7:12

“आमीन, हमारा पिता परमेश्वर, हम हमेशा तेरी महिमा अर स्तुति करदा, त्वे तैं धन्यवाद अर सम्मान दींदयां! हम मणदा छा कि तू सम्पूर्ण रीति से ज्ञानवान छै, अर सामर्थी छै, जु हमेशा कु सभि कामों तैं कन मा योग्य च, आमीन।”

दिब्य दरस 22:20

यीशु, जु यूं सभि बातों को गवाह च बुल्द, हाँ, मि यूहन्ना ल जवाब द्ये, “आमीन” हे प्रभु यीशु औ।

1 कुरिन्थि 16:24

मि तुम सभियूं बट्टी प्रेम करदु जौको यीशु मसीह का दगड़ी मजबूत रिश्ता च; आमीन।

1 कुरिन्थि 14:14

जु मि अन्य भाषा मा प्रार्थना कनु छों, त मेरी आत्मा प्रार्थना करदी पर मेरी सोच मा यांको कु फैदा नि च, किलैकि मि यु तैं समझ नि सकदु।

1 कुरिन्थि 14:2

किलैकि जु अन्य भाषा मा बात करदो; उ मनिख्युं बट्टी न, पर पिता परमेश्वर बट्टी बात करदो; इलै की वेकी बातों तैं कुई नि समझद; किलैकि उ पवित्र आत्मा की सामर्थ का द्वारा गुप्त बातों तैं बुल्द।

खास चेलों 4:13

जब ऊंल पतरस अर यूहन्ना को साहस देखि अर यु जांणि की यु साधारण मनिख छिन अर परमेश्वर के वचन का कुछ खास शिक्षा नि पै छै उ हकदक हवे गैनी। अगुवों ल ऊं तैं पैछांणि यु सम्भव इलै हवे साकी किलैकि उ यीशु का दगड़ी रौंदा छा।

यूहन्ना 21:25

अर भि कुई काम च जु यीशु ल करिनी। इलै जु हम ऊं तैं एक-एक कैरी कै लिखै, त मि तैं लगदु च कि सैरा दुनिया मा भि यूं चाम्रपत्र तैं संभलणु कु इथग जगह नि हूंदु जु लिखै जांदी।

यूहन्ना 7:15

तब यहूदियों ल चकित हवे के बोलि, यु तैं बगैर पैढ़ी कै परमेश्वर का वचन कु ज्ञान कख बट्टी मिली?

मरकुस 16:20

तब यीशु ल चेलों तैं हरेक जगह प्रचार कनै की खुशखबरी द्ये अर प्रभु ऊंका दगड़ा काम कनु रै उ सामर्थ का काम द्वारा जु दगड़ा-दगड़ा हूंद छा अर प्रभु की सामर्थ चमत्कार दिखांणु रै अर वचन की सचै तैं मजबूत कनु रै, आमीन।

मत्ती 28:20

अर ऊं तैं सभि बात जु मिल तुम तैं आज्ञा दींनि मणन सिखावा अर देखा मि दुनिया का अंत तक हमेशा तुम दगड़ी रौलु।”

मत्ती 6:13

अर हम तैं अजमैश मा नि लौ पर दुष्ट शैतान बट्टी बचौ किलैकि राज्य, अर पराक्रम अर महिमा सदनी तेरी च। आमीन।

मत्ती 15:36

अर ऊं सात रुट्टि अर माछों तैं अपड़ा हथ मा लींनि अर परमेश्वर कु धन्यवाद कैरी कै तोड़ी अर अपड़ा चेलों तैं दींनि अर ऊंल लुखुं का अगनैं परोसि दींनि।

2 कुरिन्थि 1:20

किलैकि पिता परमेश्वर का जथग प्रतिज्ञा छै, पिता परमेश्वर का उ सभि वादा मसीह मा पूरा हूंदींनि अर इलै हम “आमीन” बुल्दा, कि हमारा द्वारा पिता परमेश्वर की महिमा हो।