1 कुरिन्थि 14:1 - गढवली नयो नियम

¹ एक दुसरा बट्टी प्रेम कनै कि कोशिश किया कैरा, अर आत्मिक वरदानों तैं भि पाणै कि धुन मा रावा, खास कैरी कै यु कि भविष्यवाणी कैरा।

Garhwali

¹ अर सबसे पैलि बात त या ही च, कि हम अपणा पूरा दिल से सब लोगु से प्यार कैरा। अर पिता परमेस्वर बटि बड़ु बरदान पौण की इच्छा रखा। अर ज्वा बात सबसे भली च वा या च कि भविष्यबाणी करण की ताकत रखा।

1 कुरिन्थि 14:1 Referans Kwoze

1 कुरिन्थि 14:39

इलै हे विश्वासी भयों, भविष्यवाणी कनै कि उत्सुकता बट्टी इच्छा कैरा अर अन्य भाषा बुल्ण से मना नि कैरा।

इब्रानी 12:14

सभियूं बट्टी मेल मिलाप रखा, अर पवित्र हूंणु कु हर ढंग से कोशिश कैरा जैका बगैर कुई भि प्रभु तैं कभी भि नि देख सकलो।

1 तीमुथियुस 4:14

वे वरदान ल जु त्वे मा च, अर भविष्यवाणी का द्वारा पुरणा अगुवों का हथ रखण बगत त्वे तैं मिली छो लापरवाह नि रौ।

1 कुरिन्थि 16:14

तुम सभि कुछ प्रेम से कैरा।

1 कुरिन्थि 12:1

हे विश्वासी भयों, पवित्र आत्मा का द्वारा ऊं मिलण वला वरदानों का बारा मा जु तुम ल मि बट्टी पूछि छा, मि चांदु छों तुम यांका बारा मा अच्छो के जांणा।

1 कुरिन्थि 13:13

इलै, अब यु तीन काम छिनी जु हम तैं कन चयणु च; पिता परमेश्वर पर विश्वास कन, पिता परमेश्वर का वादों मा आस रखण, अर दूसरों बट्टी प्रेम कन; पर यु तिन्युं मा, एक-दूसरों बट्टी अर परमेश्वर बट्टी प्रेम कन बढ़ि के च।

1 थिस्सलुनीकी 5:20

पिता परमेश्वर ल अपड़ा लुखुं तैं जु भविष्यवाणी दीं च वेको तिरस्कार नि कैरा।

1 तीमुथियुस 6:11

पर हे पिता परमेश्वर का जन तीमुथियुस, तु यूं बातों से दूर रौ, अर धर्म, भक्ति, विश्वास, प्रेम, सब्र अर नम्रता जु ठिक च, भस वे तैं कनु कु हर किस्म की कोशिश कैर।

1 कुरिन्थि 14:37

जु कुई मनिख अपड़ा आप तैं पिता परमेश्वर का तरपां बट्टी बुल्ण वलो या इन आदिम समझो जै तैं पवित्र आत्मा ल वरदान द्ये हो, त यु जांणि ल्या, कि जु बातों तैं मि तुम कु लिखणु छों, यु प्रभु कि आज्ञा छिनी।

1 तीमुथियुस 5:10

भला काम कन मा सुनाम रै हो; जैल बच्चों कु अच्छो पालन-पोषण कैरी हो, अर विश्वासी भयों, कि खूब खातिरदारि कैरी हो, अर विश्वासी लुखुं की सेवा इन कैरी हो की जन व एक दासी हो, अर अपड़ा लुखुं की मदद कैरी हो जु लोग मुशीबतों मा छा, वीं ल हर ढंग से भला काम कनु कु अफ तैं समर्पित कैरी हो।

इफिसुस 1:3

हमारो परमेश्वर अर प्रभु यीशु मसीह कु बुबा कु धन्यवाद हो कि जैल हम तैं मसीह का द्वारा स्वर्ग बट्टी मिलण वलि, सभि किस्मै कि आत्मिक आशीष दिंयि च अर यु मसीह दगड़ी हमारी एकता का कारण हूंयुं च।

1 कुरिन्थि 12:31

कुछ ही छिनी जु अनुवाद करदींनि, अर तुम तैं बड़ा सा बड़ा वरदानों कि इच्छा कन चयणी च, पर मि तुम तैं अर भि सबसे बढ़िया ढंग बतौंदु।

3 यूहन्ना 1:11

हे प्रिय, ऊं लुखुं कि नकल नि कैरा जु बुरा काम करदींनि, बल्कि ऊं लुखुं को आज्ञा कु पालन कैरा जु कुई अच्छो कर्म करदो, त यु बतांद कि उ परमेश्वर कि सन्तान च। पर जब कुई बुरा काम करदु, त उ दर्शादों कि उ परमेश्वर तैं नि जंणदो।

2 पतरस 1:7

तुम तैं न भस यु ढंग से जीवन जींण चयणु च जु पिता परमेश्वर तैं खुश करद, बल्कि तुम तैं एक-दुसरा विश्वासियों तैं अपड़ा खुद का परिवार का सदस्यों का जन प्रेम कन चयणु च, अर तुम तैं न भस एक दुसरा विश्वासियों का दगड़ी प्रेम कन चयणु च, बल्कि तुम तैं सभि लुखुं बट्टी प्रेम कन चयणु च।

रोमियों 12:6

अर जबकि वीं दया का अनुसार ज्वा परमेश्वर ल हम तैं दीं च, हम तैं अलग-अलग वरदान मिल्यां छिनी, त जै तैं भविष्यवाणी कनु कु वरदान मिल्युं च, वे तैं ऊं बातों तैं बुल्ण चयणु च जै पर उ विश्वास करदो च की परमेश्वर ल वे तैं बतयूं च।

2 तीमुथियुस 2:22

इलै, ऊं पापी इच्छाओं बट्टी बच जु जवान लुखुं तैं आकर्षित करदींनि, अर जु लोग शुद्ध मन से प्रभु को नौं लिंदिनि ऊं दगड़ी धार्मिकता विश्वास प्रेम अर शान्ति अर मेल मिलाप को पीछा कैर।

रोमियों 9:30

त हम ल यांका बारा मा क्य बुल्ण? अन्यजाति अफ तैं पिता परमेश्वर का दगड़ी धर्मी रखणै कि कोशिश नि कना छा, पर पिता परमेश्वर ल ऊं तैं खुद का दगड़ी धर्मी रखि किलैकि ऊंल वे पर भरोसो कैरी छों;

रोमियों 14:19

इलै हम ऊं बातों की कोशिश नि कैरा, जु लुखुं तैं शान्ति का दगड़ी रौंणो कु कारण बंणौंदींनि अर एक दुसरो कु विश्वास मजबूत कन मा मदद कैरा।

1 कुरिन्थि 13:2

अर जु मि भविष्यवाणी कैर साको, अर सभि भेदों अर सभि प्रकार का ज्ञान तैं समझु, अर मि तैं यख तक पिता परमेश्वर पर पूरो विश्वास च, कि मि पौड़ तैं इनां बट्टी ऊना कैरी सकदु, पर दूसरों बट्टी प्रेम नि रखु, त मेरी कुई कीमत ही नि च।

1 कुरिन्थि 14:22

इलै, हम समझदियां, कि यु वरदान ऊं भाषाओं तैं बुल्णु कु जु पता ही नि च, उ पिता परमेश्वर दींद, कि अविश्वासियों तैं महसूस हवे जौं कि यु पिता परमेश्वर का तरपां बट्टी आंद। अर पिता परमेश्वर समझणु कु वरदान दींद उ यु इलै दींद, कि विश्वासियों तैं मजबूत किये जै साको।