1 कुरिन्थि 12:8 - गढवली नयो नियम

⁸ पवित्र आत्मा एक मनिख तैं बुद्धि का द्वारा संदेश बुल्णु कु वरदान दींद, अर ऊई पवित्र आत्मा दुसरा मनिख तैं ज्ञान का द्वारा संदेश बुल्णु कु वरदान दींद।

Garhwali

⁸ जन कि कुछ लोगु तैं पवित्र आत्मा का द्‍वारा ज्ञान कि बात करण को बरदान मिल्यूं च, त कुछ लोगु तैं पवित्र आत्मा बटि समझौणु खुणि अकल मिली च।

1 कुरिन्थि 12:8 Referans Kwoze

2 कुरिन्थि 8:7

पर जन हर बात मा मतलब विश्वास, शिक्षा दींणै की क्षमता, ज्ञान अर सब ढंग की कोशिश मा, अर वे प्रेम मा, जु हम बट्टी रखदां, बढ़दी जणदां, उन ही गरीब विश्वासियों कु दान का काम मा भि बढ़दी जावा।

1 कुरिन्थि 1:5

किलैकि तुम यीशु मसीह का दगड़ी जुड़यांं छा, पिता परमेश्वर ल तुम तैं बहुत सी बात मा सक्षम बणयूँ च, यांमा वेका शुभ संदेश तैं प्रचार कने की क्षमता अर वेकी आत्मा का द्वारा सब कामों तैं कने की बुद्धि भि शमिल च।

1 कुरिन्थि 1:30

पर पिता परमेश्वर ल तुम तैं मसीह यीशु का दगड़ी एकजुट कैरी, अर मसीह का द्वारा उ हम तैं अपड़ो ज्ञान दींद। पिता परमेश्वर हम तैं अपड़ी नजर मा धर्मी भि ठैरांद। मसीह का द्वारा हम पवित्र बणयां, अर उ हम तैं पाप बट्टी छुडांद।

1 कुरिन्थि 13:8

उ बगत आलो जब लोग पिता परमेश्वर का शुभ संदेश कु प्रचार अजांण भाषाओं मा नि करला, अर पिता परमेश्वर का बारा मा गहरा ज्ञान की तब जरुरत नि होली, बल्कि प्रेम हमेशा कु बणयूं रालो।

मत्ती 13:11

यीशु ल जवाब दींनि, “तुम तैं त परमेश्वर का राज्य कि सचै की समझ दियीं च पर ऊं तैं नि दिईं।”

1 कुरिन्थि 13:2

अर जु मि भविष्यवाणी कैर साको, अर सभि भेदों अर सभि प्रकार का ज्ञान तैं समझु, अर मि तैं यख तक पिता परमेश्वर पर पूरो विश्वास च, कि मि पौड़ तैं इनां बट्टी ऊना कैरी सकदु, पर दूसरों बट्टी प्रेम नि रखु, त मेरी कुई कीमत ही नि च।

खास चेलों 6:3

इलै हे विश्वासी भयों, अफ मा बट्टी सात भला आदिम तैं जु पवित्र आत्मा अर बुद्धि बट्टी भरपूर छिनी, चुणि ल्या, कि हम ऊं तैं यु काम पर ठैरे द्या।

रोमियों 15:14

हे मेरा विश्वासी भयों; मि तैं पूरा विश्वास च, कि तुम आप भलै ल भुरयां छा अर तुम यु अच्छा ढंग से जंणदा छा की तुम तैं क्य कन चयणु च अर एक दुसरा तैं सिखांणा रावा।

1 कुरिन्थि 2:11

हम भस उ छा जु जंणदा छा कि हमारा खुद का मन मा क्य च, उन ही सिवाय पिता परमेश्वर का आत्मा का और कुई भि पिता परमेश्वर का विचारों तैं नि जांणि सकद।

1 कुरिन्थि 2:16

यु सच च, किलैकि जन की परमेश्वर का वचन मा लिख्युं च, “कुई भि यु नि जांणि सकद कि प्रभु का मन मा क्य च; अर कुई भि वे तैं सिखै नि सकद।” पर हम विश्वासी लोग समझदियां कि मसीह का मन मा क्य च।

1 कुरिन्थि 14:6

इलै हे मेरा विश्वासी भयों, जु मि तुम मा ऐ के अन्य भाषा मा बात कैरू, त मि तैं तुम बट्टी क्य फैदा होलो? पर जु मि तुम कु उ वचन द्यो जु पिता परमेश्वर ल मि तैं द्ये, यु सचो ज्ञान, या भविष्यवाणी अर शिक्षा प्रदान कैरी, त मेरा बुल्ण से तुम तैं क्य फैदा होलो?

1 कुरिन्थि 14:26

हे विश्वासी भयों, सूंणा कि कामों तैं कन कै कन चयणु च, जब तुम पिता परमेश्वर की आराधना कु कठ्ठा हूंदा, त तुम मा बट्टी कुई त गीतों तैं गौ, कुई उपदेश द्यो, कुई प्रभु का द्वारा दियां ज्ञान तैं बांटो, जु कुई अन्य भाषा मा बात कैरो, त दुसरो आदिम वेको अनुवाद कैरो। यु सभि बातों कु उद्देश्य मण्डलि तैं विश्वास मा मजबूत हूंण कु मदद कन च।

2 कुरिन्थि 1:12

किलैकि हम तैं गर्व च कि हमारो विवेक साफ च, कि दुनिया मा अर खास कैरी के तुम्हरा बीच हमारो चरित्र जु पिता परमेश्वर की तरपां बट्टी आंद इन पवित्रता अर सचै का दगड़ी च, हम ऊं विचारों का अनुसार नि ज्यूंदयां, जु ऊं लुखुं का द्वारा ज्ञानवान समझे जांद पर पिता परमेश्वर की कृपा का द्वारा छो।

2 कुरिन्थि 2:14

पर पिता परमेश्वर कु धन्यवाद हो, हमारा सम्बंध मसीह का दगड़ी हूंणा का कारण, उ हमेशा हम दगड़ी रौंद अर हम तैं जीत दिलांद। यांको मतलब च कि हम जख भि जांदा, हम शुभ संदेश का प्रचार की खुशबु तैं फैलौंदां कि सभि लोग पिता परमेश्वर तैं जांणा अर सूंणा।

2 कुरिन्थि 4:6

इलै कि पिता परमेश्वर ल बोलि, “अंधेरा मा बट्टी उज्यलो चमकी” अर पिता परमेश्वर ल उज्यला का जन हमारा मनों मा समझ द्ये, कि हम पिता परमेश्वर की महिमा तैं देख सका जु यीशु मसीह मा प्रगट हूंदी।

2 कुरिन्थि 6:6

पवित्रता मा, ज्ञान मा, धीरज मा, दयालुता मा, पवित्र आत्मा की आज्ञा मनणु का द्वारा सच्चा प्रेम मा,

2 कुरिन्थि 11:6

जु मि खुल्ला रूप मा बुल्ण मा ज्ञानी नि छो, तब भि मसीह अर शुभ संदेश का बारा मा मि तैं जानकारी छै च; जबकि मिल अपड़ो ज्ञान ऊं सभि बातों मा प्रदर्शित कैरी जु मिल सिखैनी।