1 कुरिन्थि 12:6 - गढवली नयो नियम

⁶ पिता परमेश्वर का हमारा जीवन मा काम कना का अलग-अलग ढंग छिनी, पर यु उ ही पिता परमेश्वर च जु हम सभियूं का द्वारा काम करद।

Garhwali

⁶ अर ठिक उन्‍नि काम भि कई किसम का छिन, मगर पिता परमेस्वर ही च जु कि हरेक काम तैं पूरु करण मा हमरि मदद करदु।

1 कुरिन्थि 12:6 Referans Kwoze

1 कुरिन्थि 12:11

पर यु सब प्रभावशाली काम उ ही एक आत्मा करदो, अर उ हर एक तैं यु क्षमता व्यक्तिगत रूप से बांटि दींद।

1 कुरिन्थि 3:7

इलै न त बीज लगांण वलो कुछ च, अर न पौधों तैं पांणी दींण वलो कुछ च, पर पिता परमेश्वर ही सब कुछ च, जु बढांद।

यूहन्ना 5:17

यां पर यीशु ल वेमा बोलि, मेरू पिता परमेश्वर हमेशा काम करदो अर मि तैं भि काम कन चयणु च।

कुलुसी 3:11

इलै अब न त कुई यूनानी अन्यजाति रै, न यहूदि, न खतना कन वलो, अर न उ जै को खतना नि हुयुं हो, न जंगली, न असभ्य, अर न गुलाम, अर न स्वतंत्र, पर मसीह ही सब मा महान च, अर उ अपड़ा सभि लुखुं मा रौंदो।

इफिसुस 4:6

अर एक ही पिता परमेश्वर च जु सभि लुखुं कु बुबा च, उ हम सब पर राज्य करद, उ हम सभियूं का द्वारा काम करद, अर उ हम सभियूं मा रांदो।

कुलुसी 1:29

यु तैं पूरो कनु कु मि मेहनत अर संघर्ष कनु छों, वीं सामर्थ कु इस्तेमाल कैरी के जु मसीह दींद अर जु मि मा काम करदी।

फिलिप्पी 2:13

किलैकि परमेश्वर ही च, जु तुम्हरा भितर काम कनु च, अर तुम तैं उ कनै की इच्छाशक्ति दयूंणु च, ज्यां बट्टी वे तैं खुशी मिलदी।

1 कुरिन्थि 15:28

जब सभि कुछ पिता परमेश्वर का नौंना का अधिकार मा हवे जालो, त मसीह अफ तैं पूरा ढंग ल पिता परमेश्वर का अधिकार का अधीन मा दे दयालो, जैल यीशु मसीह तैं यु अधिकार द्ये छो; फिर भस पिता परमेश्वर ही प्रभु च जु सभि कुछ अर सभि कामों तैं करद।

1 कुरिन्थि 12:5

अर अलग-अलग ढंग छिनी ज्यां बट्टी हम प्रभु की सेवा कैर सकदां, पर लोग एक ही प्रभु कि सेवा करदा छिनी।