1 कुरिन्थि 11:2 - गढवली नयो नियम

² मि तुम बट्टी खुश छों, किलैकि तुम मि तैं हर बगत याद करदां; अर जु शिक्षा मिल तुम तैं द्ये, ऊं तैं चौकसी ल पालन करदां।

Garhwali

² दगड़्यों, तुम मेरी हर बात तैं याद रखद्‍यां, अर ज्वा शिक्षा अर जु-जु नियम मिन तुमतै बतैनि, तुम ऊंको पालन करद्‍यां, इलै ईं बात मा मि तुमरि तारीफ करदु।

1 कुरिन्थि 11:2 Referans Kwoze

2 थिस्सलुनीकी 2:15

इलै, हे विश्वासी भयों, ठिक राव़ा; ऊं बातों पर विश्वास करदी रावा जु हम ल तुम तैं सिखै छै जब हम तुम दगड़ी छा अर जब हम ल तुम कु चिठ्ठी भेजि छै।

1 कुरिन्थि 4:17

इलै मिल तीमुथियुस तैं जु प्रभु मा मेरू प्रिय अर विश्वासयोग्य नौंनो च, तुम मा भेजि, कि उ तुम तैं मसीह यीशु मा मेरू जीवन जींण कु ढंग याद दिलालो, जन कि मि हरेक जगह मण्डलियों मा उपदेश दींदु।

2 थिस्सलुनीकी 3:6

हे विश्वासी भयों, हम तुम तैं वे अधिकार ल जु प्रभु यीशु मसीह ल हम तैं द्ये; कि तुम हरेक इन्दारया भैय से अलग रावा जु ठिक से जीवन बसर नि करदो हो, जु ऊं आदेशों कु पालन नि करद जु हम ल तुम तैं सिखै छो।

1 कुरिन्थि 15:2

पिता परमेश्वर तुम तैं वे शुभ सन्देश प्रचार का द्वारा बचांद, जु तुम वे शुभ संदेश पर विश्वास कना रैला, जैको मिल तुम्हरा बीच मा प्रचार कैरी; जु तुम विश्वास कन बंद कैरी द्या त तुम्हरी कुई कीमत नि च, अर यु बेकार च।

1 कुरिन्थि 11:22

जु तुम तैं लगद, कि पिता परमेश्वर की मण्डलि जरूरी नि च त तुम अपड़ा घौर मा ही खै, पी सकदियां, अर तुम ऊं लुखुं तैं शर्मिंदा करदां जु गरीब छिनी; मि तैं तुम तैं क्य बतांण चयणु च? क्य मि तैं तुम्हरी बढ़ै कन चयणी च? मि इन कामों कु तुम्हरी बढ़ै नि कैरी सकदु।

1 कुरिन्थि 11:17

पर यूं आदेशों का बारा मा जु मि बुल्णु छों, मि तुम्हरी बड़ै नि कैरी सकदु, इलै कि तुम्हरा कठ्ठा हूंण ल भलै न, पर बुरै ही हूंदी।

लूका 1:6

अर उ द्वी परमेश्वर का संमणी धर्मी छा अर प्रभु कि सभि आज्ञा अर विधियों पर निर्दोष चलदा छा। अर ऊंकी कुई सन्तान नि छै

1 थिस्सलुनीकी 3:6

पर अब तीमुथियुस जु तुम्हरा इख बट्टी हम मा वापिस ऐ गै वेल इख ऐ के तुम्हरा विश्वास कु अर प्रेम कु शुभ सन्देश प्रचार सुणै, अर या बात भि सुणै, कि तुम सदनी प्रेम का दगड़ी हम तैं याद करद्यां, अर हम तैं दिखणै की लालसा करद्यां, जन हम भि तुम तैं दिखण की लालसा करदां।

1 कुरिन्थि 7:17

जु मि बुल्णु छों वेको मतलब यु च; कि, हरेक आदिम तैं वीं स्थिति मा बणयूं रौंण चयणु च, जै तैं पिता परमेश्वर ल मसीह पर विश्वास करदी बगत द्ये छै; उन ही उ चलो; अर मि सभि मण्डलियों मा इन ही ठैरांदु।

1 थिस्सलुनीकी 1:6

तुम पर भौत क्लेश छा पर तुम ल पवित्र आत्मा का द्वारा दीं खुशी का दगड़ी शुभ संदेश तैं स्वीकार कैरी अर तुम ल प्रभु अर हमारो एक उदाहरण का रूप मा अनुसरण कैरी।