1 कुरिन्थि 10:12 - गढवली नयो नियम

¹² इलै जु कुई आदिम जु बुल्द कि पिता परमेश्वर पर वेको विश्वास मजबूत च, त वे तैं चौकनों रौंण चयणु च कि इन नि हो कि उ अचानक अजमैश बट्टी प्रभावित हवे जां अर पाप कैरा।

Garhwali

¹² अर जु मनखि इन सुचदु कि मि अपणा बिस्वास मा मजबूत छौं, त वेतैं बड़ी साबधानी से अपणा बिस्वास मा और भि जादा मजबूत होण चयेणु, ताकि उ बिस्वास मा डगमगै नि जौ।

1 कुरिन्थि 10:12 Referans Kwoze

रोमियों 11:20

यु सच च, उ त अविश्वास का कारण तुड़ै गै, पर तु विश्वास मा बणयूं रौंदी इलै घमंडी नि हो, पर डौर मांण,

2 पतरस 3:17

इलै हे प्रियों, तुम पैली ही बट्टी जंणदा छा कि यु बात होली। इलै, सावधान रावा कि जु लोग नियमों तैं नि मणदींनि उ तुम बट्टी झूठ बोलि के तुम तैं भटकै नि द्या। त तुम सच्ची बातों पर विश्वास कन बंद कैरी दीला जै पर तुम ल एक बगत मजबूती से विश्वास कैरी छो।

1 कुरिन्थि 8:2

जु तुम तैं लगद कि तुम कुछ जंणदा छा, त तुम हक्कीकत मा कुछ भि नि जणदां जन तुम तैं जनण चयणु च।

लूका 8:18

इलै चौकस रावा कि तुम कनके सुंणदा? किलैकि जै मा थोड़ी भि मेरी बातों तैं समझणु की समझ च वे तैं और दिये जालि पर जै मा थोड़ा भि नि च वेमा बट्टी उ भि लिये जालि जु वेमा छैं च जै तैं उ अपड़ो समझुदु।

कुलुसी 2:8

सचेत रावा की कुई तुम तैं दुनिया का ज्ञान अर बेकार की बातों बट्टी धोखा का द्वारा फंसै नि द्यो, जु बात मनिख्युं कि रीतियों अर दुनिया की शिक्षा का अनुसार त च पर मसीह का अनुसार नि च।