1 कुरिन्थि 1:6 - गढवली नयो नियम

⁶ इन ही कै पिता परमेश्वर ल तुम तैं यु साबित कैरी की मसीह कु शुभ संदेश सचो च।

Garhwali

⁶ अर इनकै पिता परमेस्वर न तुमरा दगड़ा मा मिली के ईं बात को सबूत दिनी, कि यीशु मसीह का बारा मा जु कुछ हम बतौन्द्‍यां उ सब सच्‍च च।

1 कुरिन्थि 1:6 Referans Kwoze

दिब्य दरस 1:2

यूहन्ना ल उ सभि कुछ लिखी, जु वेल देखि, मतलब कि उ संदेश जु पिता परमेश्वर का तरपां बट्टी ऐ छो अर उ सभि कुछ जु यीशु मसीह ल बोलि छो।

2 तीमुथियुस 1:8

इलै तु हमारा प्रभु की गव्है दींण मा शर्मिन्दा नि हो, अर इलै भि शर्मिंदा नि हो कि मि वेकी सेवा कना का कारण कैद मा छो। बल्कि त्वे तैं वीं सामर्थ को इस्तेमाल कन चयणु च जु पिता परमेश्वर त्वे तैं दींद अर शुभ सन्देश कु मेरा दुखों मा मेरू दगड़ी दे।

1 तीमुथियुस 2:6

मसीह ल पाप अर मौत की शक्ति बट्टी सभि लुखुं तैं छुटकारा कनु कु अपड़ा आप तैं बलिदान कैरी दींनि; वेकी मौत बट्टी, पिता परमेश्वर ल ठिक बगत पर साबित कैरी उ चांदो कि सभि लोग बचै जां।

दिब्य दरस 19:10

जब मिल सूंणि जु मि बट्टी बात कनु छो, त मि वेकी आराधना कनु कु, वे आदिम का संमणी झुकि ग्यों। वेल मि कु बोलि, “मि तैं प्रणाम नि कैर।” मि भस पिता परमेश्वर को एक सेवक छो जन तू छै अर तेरा विश्वासी भयों का जन जु यीशु का द्वारा प्रकट किये गै सच्ची शिक्षाओं पर विश्वास करदींनि अर मणदींनि। भस पिता परमेश्वर ही च जै की त्वे तैं महिमा कन चयणी च। किलैकि परमेश्वर आत्मा च जु पिता परमेश्वर का लुखुं तैं यीशु का द्वारा बतये गै अर सत्य कु प्रचार कना का योग्य बणद।

2 कुरिन्थि 12:12

सच्चा प्रेरित का लक्षण भि तुम्हरा बीच सब प्रकार का धीरज सहित चिन्हों, अर चमत्कार का कामों, अर सामर्थ का कामों बट्टी दिखै गैनी।

रोमियों 15:19

अर पिता परमेश्वर की पवित्र आत्मा का द्वारा मि तैं दिये गै सामर्थ बट्टी मि अद्भुत काम अर चमत्कार करदु इलै जख भि मि यरूशलेम शहर बट्टी इल्लुरिकुम तक ग्यूं छों, मिल उख सभि लुखुं तैं यीशु मसीह का बारा मा शुभ सन्देश सुणै।

खास चेलों 20:24

पर मि अपड़ा प्राण तैं कुछ नि समझदु कि वे तैं प्रिय जांणु, बल्कि यु कि मि अपड़ी दौड़ तैं, चांदु छो कि मि अपड़ी वीं सेवा तैं पूरी कैरू, जु मिल पिता परमेश्वर की दया का शुभ सन्देश पर गव्है दींणु कु जु मिल प्रभु यीशु बट्टी पैईं च।

दिब्य दरस 12:17

यांका बाद, अजगर वीं जनन पर भौत गुस्सा हवे। इलै वेल जनन का वंशजों का विरुद्ध लड़ै की घोषणा कैरी दींनि। मतलब की ऊं लुखुं का विरुद्ध जु पिता परमेश्वर की आज्ञाओं तैं मणदींनि अर यीशु का द्वारा सिखै गै सच्ची शिक्षाओं कु पीछा कन मा मजबूत बणयां रौन्दींनि

2 थिस्सलुनीकी 1:10

या बात तब होलि, जब प्रभु यीशु अपड़ा पवित्र लुखुं मा जु वे पर विश्वास करदींनि महिमा पांणु कु वापिस आलो जु प्रभु बट्टी जुड़यां छिनी; किलैकि तुम ल प्रभु पर विश्वास कैरी छो जैका बारा मा हम ल तुम तैं गव्है द्ये छै।

गलातियों 3:5

जु तुम तैं पवित्र आत्मा बहुतायत ल दान करदो अर तुम मा चमत्कार का काम करदु, क्य उ यु कारण च कि तुम ल मूसा की व्यवस्था कु पालन कैरी या उ यु कारण च किलैकि तुम ल मसीह का बारा मा शुभ संदेश तैं सूंणि अर वे पर विश्वास कैरी?

खास चेलों 28:23

अर तब ऊंल पौलुस तैं मिलुणु कु एक दिन तय कैरी। अर वे दिन भौत सैरा लोग वेमा ऐनी जख कि उ रौंदु छो। पौलुस सुबेर बट्टी शाम बगत तक पिता परमेश्वर का राज्य कि गव्है दींणु छो अर मूसा द्वारा लिखीं परमेश्वर की व्यवस्था अर परमेश्वर का तरपां बट्टी बुल्ण वलो कि किताबियों मा बट्टी यीशु का बारा मा विश्वास दिलांणै की कोशिश कनु छो।

खास चेलों 23:11

वीं रात प्रभु यीशु ल पौलुस का संमणी खड़ो हवे के बोलि, “हे पौलुस, हिम्मत रख; किलैकि जन तिल यरूशलेम शहर मा मेरी गव्है दींनि, उन ही त्वे तैं रोम शहर मा भि गव्है दींण होली।”

खास चेलों 22:18

अर मिल प्रभु यीशु की आवाज सूंणि, जल्दी कैरी कै “यरूशलेम शहर बट्टी झट निकली जा किलैकि उ लोग जु यख छिनी मेरा बारा मा तेरी गव्है नि मणला”

खास चेलों 20:21

बल्कि यहूदियों अर अन्यजाति (यूनानियों) तैं चेतावनी दींणु रौं कि परमेश्वर जनै अपड़ा पापों तैं पछयांण अर ऊंकी माफी मांग के मन फिरा, अर हमारा प्रभु यीशु पर विश्वास कन चयणु च।

खास चेलों 18:5

जब सिलास अर तीमुथियुस मकिदुनिया प्रान्त बट्टी एनि, तब वेल तम्बू बनांण बंद कैरी दींनि अर अपड़ो सैरो बगत परमेश्वर का वचन सुनांण मा लगै दींनि। अर पौलुस यहूदियों तैं गव्है दींद छो कि यीशु ही मसीह च।

मरकुस 16:20

तब यीशु ल चेलों तैं हरेक जगह प्रचार कनै की खुशखबरी द्ये अर प्रभु ऊंका दगड़ा काम कनु रै उ सामर्थ का काम द्वारा जु दगड़ा-दगड़ा हूंद छा अर प्रभु की सामर्थ चमत्कार दिखांणु रै अर वचन की सचै तैं मजबूत कनु रै, आमीन।

दिब्य दरस 12:11

हमारा विश्वासियों ल शैतान तैं हरै लियेले। ऊंल वे चिनखा का ल्वे की सामर्थ बट्टी हरै, जु ऊं तैं ऊंका पापों तैं छुडांणु कु मरै गै छो। किलैकि ऊंल यु अंगीकार नि कैरी कि चिनखो ऊंको प्रभु च। जबकि ऊं तैं सतै गै इख तक की मरै भि गै, पर उ अपड़ा वे अंगीकार बट्टी पिछनै नि हटीनि।

दिब्य दरस 6:9

जब चिनखा ल पाँचवी मुहर खोलि, त मिल वेदी का मूड़ी मिल ऊं लुखुं की आत्माओं तैं देखि जौं तैं मरै गै छो किलैकि उ पिता परमेश्वर का वचन का प्रति अर वेका संदेश का प्रति विश्वासयोग्य छा जु ऊं तैं मिल्युं छो।

दिब्य दरस 1:9

मि यूहन्ना, तुम्हरो दगड़िया विश्वासी, अर मि मसीह कु दुःख सौण मा अर पिता परमेश्वर का राज्य मा अर धीरज मा तुम्हरो दगड़िया छो, जु ऊं लुखुं पर औंदींनि जौको ऊं दगड़ी रिश्ता च। मि तैं पतमुस टापू पर कैदी बणै के भिजे गै छो किलैकि मिल पिता परमेश्वर का वचन कु प्रचार कैरी छो अर यीशु का सच्चा संदेश का बारा मा बतै छो।

खास चेलों 11:21

अर प्रभु को सामर्थ ऊं पर छो, अर भौत स अन्यजाति लुखुं ल ऊं की खबर पर विश्वास कैरी अर प्रभु यीशु तैं स्वीकार कैरी।

खास चेलों 11:17

इलै पिता परमेश्वर ल ऊं तैं यु वरदान दींनि, जु हम तैं प्रभु यीशु मसीह मा विश्वास कन से मिली; त मि कु छों जु पिता परमेश्वर का खिलाफ जौं? जब पिता परमेश्वर ल ऊं दगड़ी कुई भेदभाव नि कैरी, तब मि भि किलै कैरू?”