1 कुरिन्थि 1:5 - गढवली नयो नियम

⁵ किलैकि तुम यीशु मसीह का दगड़ी जुड़यांं छा, पिता परमेश्वर ल तुम तैं बहुत सी बात मा सक्षम बणयूँ च, यांमा वेका शुभ संदेश तैं प्रचार कने की क्षमता अर वेकी आत्मा का द्वारा सब कामों तैं कने की बुद्धि भि शमिल च।

Garhwali

⁵ अर अब जब तुम वेका पास ऐ ग्यां, त पिता परमेस्वर न यीशु मसीह का द्‍वारा तुमतै हरेक बात मा काबिल बणैयालि, याने कि अब वेन तुमतै वचन सिखौण की पूरि ताकत, अर वेतैं बिंगणु खुणि ज्ञान भि दियाली।

1 कुरिन्थि 1:5 Referans Kwoze

2 कुरिन्थि 9:11

तुम हर ढंग से आशीषित हवेला, अर इलै तुम हमेशा उदारता ल दींण का योग्य छा, अर जब हम तुम्हरा उदारता ल दियां दान तैं जरूरतमंद लुखुं तैं दीला, त उ लोग पिता परमेश्वर कु धन्यवाद करला।

2 कुरिन्थि 8:7

पर जन हर बात मा मतलब विश्वास, शिक्षा दींणै की क्षमता, ज्ञान अर सब ढंग की कोशिश मा, अर वे प्रेम मा, जु हम बट्टी रखदां, बढ़दी जणदां, उन ही गरीब विश्वासियों कु दान का काम मा भि बढ़दी जावा।

कुलुसी 2:3

उ ऊई च जु पिता परमेश्वर की बुद्धि अर ज्ञान की पहचाण कराद जु कि वे खजाना जन च जु छिपायूं च।

फिलिप्पी 1:9

अर मि तुम कु प्रार्थना करदु, कि एक दुसरो कु तुमारो प्रेम सदनी बढ़दी जौं, अर तुम तैं पूरो ज्ञान अर सब किस्मै कि बुद्धि अर विवेक मिली जौं।

रोमियों 15:14

हे मेरा विश्वासी भयों; मि तैं पूरा विश्वास च, कि तुम आप भलै ल भुरयां छा अर तुम यु अच्छा ढंग से जंणदा छा की तुम तैं क्य कन चयणु च अर एक दुसरा तैं सिखांणा रावा।

याकूब 3:13

तुम लुखुं मा बट्टी जु ज्ञानी अर समझदार हूंणो को दावा करदो, उ अपड़ा कामों अर अच्छा स्वभाव ल, अर वीं नम्रता का दगड़ा जु तुम्हरा ज्ञान बट्टी औंद, अच्छा काम कैरी कै दिखांण चयणु च।

कुलुसी 3:10

अर अब तुम नया आदिम बंणि ग्यां यु नयो स्वभाव अपड़ा सृजनहार पिता परमेश्वर का जन जादा से जादा बणदी जांद कि तुम वे तैं और अनुके जांणि सकला।

इफिसुस 6:19

अर मि कु भि प्रार्थना कैरी कै पिता परमेश्वर बट्टी बुल्यां कि उ मि तैं बुल्ण मा ठिक शब्द द्यां कि मि साहस बट्टी शुभ सन्देश प्रचार का बारा मा जु सभि लुखुं कु च, वेका गुप्त बातों तैं समझी सका,

इफिसुस 1:17

मि प्रार्थना करदु छों, कि पिता परमेश्वर हमारा प्रभु यीशु मसीह कु महिमामय बुबा, तुम तैं आत्मा द्या जु तैं बुद्धिमान बंणै दयालो अर परमेश्वर तुम पर प्रकट करलो कि तुम वे तैं अच्छो के जांणि सका।

1 कुरिन्थि 12:8

पवित्र आत्मा एक मनिख तैं बुद्धि का द्वारा संदेश बुल्णु कु वरदान दींद, अर ऊई पवित्र आत्मा दुसरा मनिख तैं ज्ञान का द्वारा संदेश बुल्णु कु वरदान दींद।

2 पतरस 3:18

बल्कि इन कै जीवन बिता कि तुम हमारा उद्धारकर्ता यीशु मसीह का प्रति और जादा से जादा कृपा का रूप मा काम कैरी अर यु कि तुम वे तैं और जादा बढ़िया ढंग से जांण साका। पिता परमेश्वर की महिमा अब अर हमेशा तक हूंदी रौ। आमीन।

इफिसुस 3:8

जबकि मि पिता परमेश्वर का सभि पवित्र लुखुं मा बट्टी सभियूं मा बट्टी कम योग्य छों, कि पिता परमेश्वर मेरा प्रति अनुग्रह कैरी छों, कि मि अन्यजातियों तैं शुभ सन्देश प्रचार सुंणै साको कि मसीह कभी खत्म नि हूंण वली आशीषों कु स्रोत च,

इफिसुस 2:7

पिता परमेश्वर ल इन इलै कैरी कि आंण वला दिनों मा उ दुनिया का लुखुं तैं मिसाल दिखै साको कि ऊंको अनुग्रह कथग महान च। जु कुछ वेल हम कु कैरी हम तैं या दया दिखै गै जु मसीह यीशु का दगड़ी एकता मा छा।

1 कुरिन्थि 13:2

अर जु मि भविष्यवाणी कैर साको, अर सभि भेदों अर सभि प्रकार का ज्ञान तैं समझु, अर मि तैं यख तक पिता परमेश्वर पर पूरो विश्वास च, कि मि पौड़ तैं इनां बट्टी ऊना कैरी सकदु, पर दूसरों बट्टी प्रेम नि रखु, त मेरी कुई कीमत ही नि च।

2 कुरिन्थि 4:6

इलै कि पिता परमेश्वर ल बोलि, “अंधेरा मा बट्टी उज्यलो चमकी” अर पिता परमेश्वर ल उज्यला का जन हमारा मनों मा समझ द्ये, कि हम पिता परमेश्वर की महिमा तैं देख सका जु यीशु मसीह मा प्रगट हूंदी।

1 कुरिन्थि 14:26

हे विश्वासी भयों, सूंणा कि कामों तैं कन कै कन चयणु च, जब तुम पिता परमेश्वर की आराधना कु कठ्ठा हूंदा, त तुम मा बट्टी कुई त गीतों तैं गौ, कुई उपदेश द्यो, कुई प्रभु का द्वारा दियां ज्ञान तैं बांटो, जु कुई अन्य भाषा मा बात कैरो, त दुसरो आदिम वेको अनुवाद कैरो। यु सभि बातों कु उद्देश्य मण्डलि तैं विश्वास मा मजबूत हूंण कु मदद कन च।

1 कुरिन्थि 13:8

उ बगत आलो जब लोग पिता परमेश्वर का शुभ संदेश कु प्रचार अजांण भाषाओं मा नि करला, अर पिता परमेश्वर का बारा मा गहरा ज्ञान की तब जरुरत नि होली, बल्कि प्रेम हमेशा कु बणयूं रालो।

1 कुरिन्थि 12:10

पवित्र आत्मा एक मनिख तैं चमत्कार का काम कने की शक्ति दींद; अर कै तैं भविष्यवाणी कु; अर कै तैं आत्माओं की परख, अर कै तैं भौत प्रकार कि भाषा बुल्ण; अर कै तैं कि भाषाओं कु मतलब बतांण कु।

1 कुरिन्थि 8:11

इन कै तेरु ज्ञान का कारण जु विश्वासी भैय विश्वास मा कमजोर च उ मसीह मा विश्वास कन बन्द कैरी दयालो, जैकु यीशु मसीह ल अपड़ा आप तैं बलिदान कैरी।

रोमियों 15:4

जथग बात पैली बट्टी परमेश्वर का वचन मा लिखै गैनी, उ हमारी ही शिक्षा कु लिखै गैनी, कि हम धीरज अर हिम्मत बट्टी जु हम तैं पिता परमेश्वर का वचन मा मिल्दो आस रखा की पिता परमेश्वर ल जु करार कैरी छै, उ वे तैं पूरो करलो।

रोमियों 11:12

अब जु इस्राएल का लुखुं को पाप मा ठोकर खांण दुनिया की अन्यजातियों कु भलै को कारण बंणद, त भौत जादा भलो होलो की इस्राएल का लोग पिता परमेश्वर मा लौटि आं।

खास चेलों 2:4

उ सभि पवित्र आत्मा से भुरे गैनी अर पवित्र आत्मा ल ऊं तैं योग्यता दींनि वेका अनुसार उ बनि-बनि भाषा बुल्ण लगि गैनी।

2 कुरिन्थि 6:10

हम मा दुःख कु बगत भि छो, पर हम हमेशा खुश रां, हम कंगाल त छा, पर भौतों तैं आत्मिक रूप बट्टी धनवान बणै दींदयां; इन छा जन हम मा कुछ नि च फिर भि हम मा सब कुछ च।