1 कुरिन्थि 1:17 - गढवली नयो नियम

¹⁷ किलैकि मसीह ल मि तैं बपतिस्मा दींणु कु न बल्कि शुभ संदेश सुणौंणु कु भेजि, जब मि शुभ सन्देश प्रचार सुणांदु, त मि बुल्ण मा अपड़ी निपुर्णता कु इस्तेमाल नि करदु। नथरी, लोग मि तैं भस मेरी निपुर्णता का कारण ही मणदा, अर उ सूली पर मसीह की मौत की सामर्थ तैं नि जणदींनि।

Garhwali

¹⁷ किलैकि मसीह न मितैं बपतिस्मा देणु खुणि ना, बल्किन मा शुभ समाचार सुनौणु खुणि भेज्यूं च। अर ये शुभ समाचार तैं सुनौणु खुणि मि सरल भाषा को इस्तेमाल करदु, ताकि यीशु मसीह की ज्वा मौत क्रूस पर ह्‍वे वा बेकार नि जौ।

1 कुरिन्थि 1:17 Referans Kwoze

1 कुरिन्थि 2:1

हे विश्वासी भयों, जब मि तुम तैं पिता परमेश्वर का बारा मा सन्देश सुणै, त मि बड़ा-बड़ा ज्ञान का अक्षरों कु इस्तेमाल नि कैरी अर न ही समझदार लगणो कु दिखावा कैरी।

1 कुरिन्थि 2:13

अर इलै हम यूं बातों तैं दुसरा लुखुं तैं बतौंदयां, त हम यूं शब्दों कु इस्तेमाल नि करदा, जु मनिख्युं का ज्ञान से मिल्दा, पर हम ऊं शब्दों कु इस्तेमाल करदा जु पिता परमेश्वर की आत्मा का द्वारा मिल्दा, जु आत्मिक ज्ञान का द्वारा आत्मिक बातों तैं समझद।

2 पतरस 1:16

जब हम प्रेरितों ल तुम तैं हमारा प्रभु यीशु मसीह की सामर्थ अर वापिस आंणा का बारा मा प्रचार कैरी, त हम तुम तैं चालाकी ल कुछ बंणि बणै मिसाल नि बतांणा छा। बल्कि, हम ल मसीह का प्रताप तैं खुद भि देखि।

2 कुरिन्थि 10:10

किलैकि तुम मा बट्टी कुछ बुल्दींनि, “वेकी चिठ्ठी त गम्भीर अर प्रभावशाली छिनी; पर जब दिखदा, त बुल्दींनि उ देह कु कमजोर आदिम अर वेकी बात बेकार ही छिनी।”

2 कुरिन्थि 4:2

पर हम ल शर्मनाक अर गुप्त कामों तैं छोड़ी येले, अर न चालाकी ल चलद्यां, अर न पिता परमेश्वर का वचन मा कुछ मिलावट करदा, पर हम पिता परमेश्वर का संमणी भस सच सिखौदियां, अर हर कुई आदिम गव्है दे सकद कि य बात सच च।

यूहन्ना 4:2

जबकि यीशु खुद न पर वेका चेला बपतिस्मा दींदां छा।

2 कुरिन्थि 11:6

जु मि खुल्ला रूप मा बुल्ण मा ज्ञानी नि छो, तब भि मसीह अर शुभ संदेश का बारा मा मि तैं जानकारी छै च; जबकि मिल अपड़ो ज्ञान ऊं सभि बातों मा प्रदर्शित कैरी जु मिल सिखैनी।

खास चेलों 10:48

यांका बाद पतरस ल ऊं तैं जु लोग कुरनेलियुस का घौर मा कठ्ठा छा। पांणी ल अर मसीह यीशु का नौं मा बपतिस्मा लींणु कु बोलि। अर ऊंल पतरस बट्टी बिनती कैरी कि उ थोड़ा दिनों तक उ दगड़ी रौ, अर ऊंल इन ही कैरी।

यूहन्ना 4:1

फिर जब प्रभु तैं पता चलि कि फरीसियों ल सूंणि कि यीशु, यूहन्ना से जादा चेला बंणौदु अर ऊं तैं बपतिस्मा दींदो च।

2 कुरिन्थि 1:12

किलैकि हम तैं गर्व च कि हमारो विवेक साफ च, कि दुनिया मा अर खास कैरी के तुम्हरा बीच हमारो चरित्र जु पिता परमेश्वर की तरपां बट्टी आंद इन पवित्रता अर सचै का दगड़ी च, हम ऊं विचारों का अनुसार नि ज्यूंदयां, जु ऊं लुखुं का द्वारा ज्ञानवान समझे जांद पर पिता परमेश्वर की कृपा का द्वारा छो।