ኦሮሜ ኣሳስ 12:12 - Gamo Geesha Maxxafa New Testamen

¹² Ufayssan ufa7etizayta gidite; meto danida7ite; woossan minnite.

Geeshsha Maxaafa

¹² Hidotan ufayettizayta gidite; meto dandayte; woosan minnite.

ጋሞ ማጻፋ

¹² ሂዶታን ኡፋዬቲዛይታ ጊዲቴ፤ ሜቶ ዳንዳይቴ፤ ዎሳን ሚኒቴ።

ኦሮሜ ኣሳስ 12:12 Referans Kwoze

ኦሮሜ ኣሳስ 15:13

Inite izan amaniza gish ufaysa Xoossi intesi ufaysine sarotethi kunitho. Hesikka xiillo ayana woliqa ufaysany intesi wogape adhi gukanasa. Haniko deretas othanicha gidida Phawulossa.

Ibirawe 10:36

Inte Xoossa dhene polidi izi intes immida ufayssa qaala ekanas minni eqanas intena koshes.

1ጴጽሮሳ ኪታ 4:13

Hessafe bollara Kiristoosa bonchoy qoncciza wode inte keehi ufa7istana mala inte izara iza waayeza ekkizayta gidida mala ufa7etite.

ያቆቤ ኪታ 5:7

Hessa gish ta ishato Goday ha yaana gakanas danda7ite. Goshshe goyizadey biittay loo7o kathth kaxxana gakanaas wani danda7izakone balgo/asura/ irane ofintha ira izi wostti naagizako ane akekkite.

Ibirawe 6:15

Abirameyka gencci naagidape kaalidi izas immetida ufayssa demmides.

Ibirawe 6:12

Ammanonine danda7an inte iza ufayssa qaala laatizayta milatanape attin dota7ata gidanayssa nu koyoko.

ፒሊጲሲዮሴ ኣሳስ 4:4

Ay wodeka Godan ufa7etite. Qasseka ta intena ufa7ettite gayss.

Ibirawe 12:1

Hessa gishshi shaara mala nuni yuuy aadhida daro marikati nuusi dishin nuna deexiza toohone qasse nuni qachchi oykiza nagara wursi nuupe wora yeggidi nu sinththan diza wotha genccanine dandan7an ane wothos.

ቆላሲያሴ ኣሳስ 4:2

Beegidi galatara gathi pacey bayinda Xoossa woossite.

2ታሶሎንቄ ኣሳስ 3:5

Goday inte wozina Xoossa siiqqookone Kiristtoossa dandda7ako kaaletho.

1ታሶሎንቄ ኣሳስ 5:8

Nu qass gaallasa asata gidida gish ammanone siiqo tiran mayiza asa mayo mala mayidi atotetha ufayss hu7en woththiza asa qoobe mala nu hu7en woththidi ane nunatetha haaridi deyoos.

ሃዋሬታ ኦሶ 1:14

Heyti wurikka maccashatappe Yesussa aayoo marammira hessathokka iza ishshatara issi wozinnan issi bolla qanxxontta minni woossida.

1ጺምቶሳስ 6:11

Neno Xoossa aso! ne hessa wurssofe baqata. Xiilloteth, tumu ayyanan duussu, ammano, siiqqo, dandda7ane ashshiketeth kaalla.

Ibirawe 10:32

Intes issi to po7oy po7idape guye meto wode daro baxen inte kase minni eqqida beni wodeza yuushi qopite.

ቆላሲያሴ ኣሳስ 4:12

Inte baggafe gidida Yesus kiristoosa oothanchay Ephafiray intena saro gees. Izika intena ayana duusan lo7eth minnidine mulera wopu giidi Xoossa shenen minni eqqana mala wurso wode inte gishshi woossan baaxetes.

ቆላሲያሴ ኣሳስ 1:11

Intes gita minotethine danda7ay deyana mala iza boncho wolqa mala inte keehi minni ufa7ettishe7oso geeshati laatiza po7oso nu laatanas nuna gathida Xoossa Aawa galatana malakko.

Ibirawe 5:7

Yesusay hayssa biitta bolla diza wode iza hayqope ashana danda7izayssako ayfunxishe gita qaalara woossa woossides. Addafe ashiketethara izi azazetida gishshi iza woossay izas siyettides.

ዮሃኒሳ ኣጁታ 13:10

“Di7istanas dizadey di7istana. Mashan hayqanas dizady mashan hayqana” hessa gidida gishshi ammanizayta danda7ayne istta ammano koshshizay hanni wodekko.

2ጴጽሮሳ ኪታ 1:6

Eratetha bolla bena haaro; bena haaro bolla danda7an mineteth; danda7an minetetha bolla xoossu goyno;

Ibirawe 3:6

Kiristoosay gidiko Xoossa keeththa bolla ammanetida na malako. Nunika iza bolla ammanetiza ufayssayne ceeqetiza ufaysi lo7ethi oykiko nu izaso duusa keeth gidos.

2ታሶሎንቄ ኣሳስ 1:4

Hessa gish inte bolla gakkida goodetethanine meto wursson inte miinnida gish nu nu baggara inte danddao giishshane inte ammano gish ammaniza asa wursso achchan ceeqetoos.

1ቆሮንቶሴ ኣሳስ 13:13

Hessa gishshi ammanoy, hidotayine siiqoy hayti heedzdzati eqi daana. Hayta wursofe adhizay siiqokko.

ኦሮሜ ኣሳስ 15:4

Neni gesha maxapistape demiza danida7ane minotethi nusi dana mala korope xafetidaysi wurikka nu izpe nuusi timirite demanamala xafetides.

ሉቃሳ ሚሺራቾ 21:19

Inte minni eqqikko inte shemppo inte ashsha na.

ሉቃሳ ሚሺራቾ 8:15

Aradda biittan wodhidays qaala suureninne lo7o wozinan siiyidi naaggizaytane danda7an minnidi ayfe ayfizzaytta.

1ጴጽሮሳ ኪታ 4:7

Hessa gishshi wode wursethi mattides. Inte minni woossanas danda7ana mala wogara diitene wopu gida qofay intes deyo.

Titosas 2:13

Hesikka nus anjjetida ufays gidida woga Xoossane nuna ashida Yesus Korstosa bonchoy qooncanaysa naganasa.

ቆላሲያሴ ኣሳስ 1:27

Xoossi ba asas qonccisanas koyida xuuray iza boncho duretethay dere asa gidida inte giddon ay mala gitakone bessanaskko. Izika iza boncho ufayssi gidida inte gidon diza kiristoosako.

ኦሮሜ ኣሳስ 8:25

Gido attin nuni buro nu ayfen beyontta miish ufaysan naagiza gidikko salistay baynida naagosu.

Titosas 3:7

Hesikka nu iza kiiyatethan xillidi medhiina deyo ufays ooyki layzayta gdanasa.

2ጺምቶሳስ 3:10

Ne gidikko ta timirtteza, ta duussa, ta waana qofa, ta ammanoza, ta dandda7a, ta siiqqozane ta miinnotetha wurssa ne eraassa.

1ታሶሎንቄ ኣሳስ 1:3

Ammanoninne mino siqqotethane inte oothida ootho qasseka Goda Yesussa Kiristtoossa bolla diza inte mino ufayssan beettida inte minotetha gish nu Godaa Xoossa, nu Aawa sinththan wursso gaalas inte gish qopoos.

ፒሊጲሲዮሴ ኣሳስ 3:1

Ta ishato hayssafe hara ta intena gizay Godan ufa7etite. Ha7ika zaarada izo ta intes xaafiko tana salethena. Intenaka go7ana.

2ቆሮንቶሴ ኣሳስ 12:8

Hayss tana waayissizayss taape kichana mala ta Goda hedzdzu too woossadis.

ኦሮሜ ኣሳስ 2:7

Lo7o ootho aggontta oothidi boncho sabane medhina dusi koyzaytas miidhina deyo immana.

ሃዋሬታ ኦሶ 12:5

Hessa gish Phixiroossay qachcho keeththan yegeetidees. Gido atin wossa keeththa asay izas kehi miino wossa wossidees.

ሃዋሬታ ኦሶ 6:4

Nuni gidiko wossanine qaala yooton minnana.

ሃዋሬታ ኦሶ 2:42

Isttika kittetidayta timmiritenn, isife qumma mussaninne wossan minnida.

ሉቃሳ ሚሺራቾ 10:20

Inte sunthay salon Xafetida gish ufa7etite attin tuna ayaanaanti intes haaretida gish ufa7etofite

Maatosa 5:12

Inte salon demana waagay keehi gita gidida gish ufaysan guppitte. Ays gikko intefe kase nabetakka hessaththo gooddida.