ፒሊጲሲዮሴ ኣሳስ 2:25 - Gamo Geesha Maxxafa New Testamen

²⁵ Hessaththoka inte tana koshshiza mishshan wursion maadana malane lo7ethi oykana mala yedida Afirodixo ta inteko zaara yedana mala koshshizayssi taas eretides.

Geeshsha Maxaafa

²⁵ Hessaththoka intte tana koshshiza miishshan ubbaan maaddana malanne lo7eththi oykkana mala yeddida Afrodixo ta intteko zaara yeddana mala koshshizayssi taas erettides.

ጋሞ ማጻፋ

²⁵ ሄሳካ ኢንቴ ታና ኮሺዛ ሚሻን ኡባን ማዳና ማላኔ ሎኤ ኦይካና ማላ ዬዲዳ ኣፍሮዲጾ ታ ኢንቴኮ ዛራ ዬዳና ማላ ኮሺዛይሲ ታስ ኤሬቲዴስ።

ፒሊጲሲዮሴ ኣሳስ 2:25 Referans Kwoze

ፒሊጲሲዮሴ ኣሳስ 4:18

Taas koshizayssane tana koshizayssafeka bollara ekkadis. Inte taas yedida imota Afirodixo kushepe ekkin ta paccey kumides. Hayssi darope Xoossa achchan eketida daro lo7o sawiza yarsho malako.

ቆላሲያሴ ኣሳስ 1:7

Hessaka ha7i nu gishshi gididi kiristoosas ammanetida oothancha gididayssinne nunara issife oothiza siiqizade Ephapiray intena tamarisides.

ፒሊጲሲዮሴ ኣሳስ 4:3

Ero neon, tanara issife ammanetida oothanchazo, mishiracho qaala yootos tanarane Qalamenxxosara qasseka istta sunththay deyo maxaafen xaafetida hanko tanara ootho lagistara issife waayidayta he macashata ne maadana mala ta nena woossays.

1ቆሮንቶሴ ኣሳስ 3:9

Gaasoyka nu Xoossara issife oothizaytakko. Inteka Xoossa goosha gadene Xoossa keethatakko.

Pilmoonas 1:24

Hesathokka tanara oothizayti Marqqosay Aristirokosay Demassaynne Luqassay nena saro geettes.

Ibirawe 3:1

Hessa gishshi salope xeyisi intena gakin ammaniza nu ishato nu ammanos hawarene qessista halaqa Yesusa qopite.

1ታሶሎንቄ ኣሳስ 3:2

Intena ammanon minththana mala nunara asas Kiristtossa miishshirachcho qaala yootiza Xoossa ashikara gidida ximotoosa inteko yeddidos.

ቆላሲያሴ ኣሳስ 4:11

Iyosixosa geetettiza Yesusayka intena saro gees. Ayhuda asa gidofe Xoossa kawotethas tanara oothizayti haytantta xalalako. Istti tana minththethida.

2ቆሮንቶሴ ኣሳስ 2:13

Gido attin tani ta isha Titossa heeni demontta aggida gishshi ta wozinay shempontta ixxida gishshi istti tana hepe moyzin maqiidoniya dere badis.

ዮሃኒሳ ሚሺራቾ 17:18

Ne tana ha biita kittoysaththo taka istta biita bolla kittadis.

ዮሃኒሳ ሚሺራቾ 13:16

Ta intes tummu gays ashshikaray godape adhena, kittetda urray kittidadepe adhena.

ኦሮሜ ኣሳስ 16:3

Kase tanara Goda Yesus kiristoosas issife oothida Pirisiqilasine Aqilas ta saroka gathite.

ኦሮሜ ኣሳስ 16:9

Kiristoosa ootho tanara issife oothiza Irobanene ta siiqiza Senxxkeka saro giite.

ፒሊጲሲዮሴ ኣሳስ 2:26

Gaasoyka izi intena kumethata beyanas laamotida gishshine qasseka inte iza sakoza siyidayssas qopida gishshiko.