ኤፌሶኔ ኣሳስ 4:12 - Gamo Geesha Maxxafa New Testamen

¹² Hesika Kiristossa asateth gidida wossa kethiya keexistana mala amanizayta amano oothos giigsinaskko.

Geeshsha Maxaafa

¹² Hessika Kirstoosa asateth gidida Woosa Keeththiya keexettana mala ammanizayta ammano oosos giigsanaassa.

ጋሞ ማጻፋ

¹² ሄሲካ ኪርስቶሳ ኣሳቴ ጊዲዳ ዎሳ ኬያ ኬጼታና ማላ ኣማኒዛይታ ኣማኖ ኦሶስ ጊጊሳናሳ።

ኤፌሶኔ ኣሳስ 4:12 Referans Kwoze

ኤፌሶኔ ኣሳስ 4:16

Iza gedon asatethi wurii xaphon ooyketidi isi isi asatethi ba ootho othishe wurikka siiqon diiceesine benaka miinthes.

1ቆሮንቶሴ ኣሳስ 12:27

Histiko inte wurikka Kiristoosa asatethikko. Inte issay issay iza asatetha biillitistakko.

ኦሮሜ ኣሳስ 15:14

Ta ishato inte loo7ethan kumidayta erateth wurisoni kumidaytane harata zorinas eray dizayta gididaysa ta adafe shaka eradis.

1ቆሮንቶሴ ኣሳስ 14:26

Hessa gishshi ta ishato histin ay giinoo? Inte issife shiiqiza wode intefe issi issi uras yethi qasse issi issi uras timirttey dees. Issi issi qonccontta xuura miishata qonccisiza imotay dees. Hara uras duma qaalan hasa7ana imotay dees. Haras qasse he qaala birshecha imotay dees. Hessi he imotay wurikka ammanizayta go7anas besses.

ኦሮሜ ኣሳስ 14:19

Hessa gish sarotethi betiza ogene nuni nu garisani loo7onas besiza oge ane koyosu.

1ጺምቶሳስ 1:12

Tana ba oothos shuumidine ammanetizade oothi ekkidine taas miinoteth immida nu Goda Yesuss Kiristtoossa ta galatayss.

1ቆሮንቶሴ ኣሳስ 14:12

Inteka hessa mala ayanan imotethata demanas inte koyza gishshi woossa keeththa go7iza imoteth demanas lo7ethi koyte.

Ibirawe 13:17

Intena kaallethizaytas azazetitene haaretite. Hessas gaasoyka inte gishshi istta alafetethan daro oychiza guday diza gishshi inte shempo gishshi daro baxetetes. Hessa gishshi istti ba oothiza oothoza lanccetishe gidontta ufayssan oothana mala inte isttas azazetite. Inte hessaththo hisitontta aggiko intes lo7ena.

Ibirawe 6:1

Hessa gishshi koyrope kiristoosa gishshi immetida timirtteza aggidi ane gede mino timirtteko boosu. Hayqida oothope maarotethan gelo gishshine Xoossan ammano gishshi buro ane izan wodhdhi maadhokko.

2ቆሮንቶሴ ኣሳስ 6:3

Nu oothoy leqetontta mala ay wodeka oonasika nuni dhuphe gidoko.

2ቆሮንቶሴ ኣሳስ 5:18

Hessi wuri handay izi nuna benara Kiristoosa baggara maqaynithidine maqaynitho ootho nuusu immida Xoossanko.

ሉቃሳ ሚሺራቾ 22:32

Gido attin tani neppe amanoy dhayontta mala ne gish Xoossa woossadissi nekka simmida wode ne ishata minnithetha.

2ጺምቶሳስ 4:5

Ne gidikko haniza yoon wursson loodu ga; meto dandda7a; miishshiracho qaala yooto nees ootho histta; ne oothozakka poola.

ቆላሲያሴ ኣሳስ 4:17

Akiriphas “Neni Godape ekkida oothoza wurseth gathanas minna” giite.

ቆላሲያሴ ኣሳስ 1:28

Nuka issi issi ura kiristoosas kumetha asi hisiti shiishanas danda7ana mala asi wurs hiillara zorishene tamarisishe kiristoossa gishshi sabakoos.

ቆላሲያሴ ኣሳስ 1:24

Ta inte gishshi waaye beyidayss ha7ika tana ufaysses. Kiristoosay ba asatetha hessika woossa keeththa gishshi izi ekkida waayezape ekkishin pacciday diiko tani ta ashon kunthana.

ኤፌሶኔ ኣሳስ 1:23

Wossa keethiya kirstossa asatethikko. Kirstosaykka wossa keethaynine awanka wuriso miishi kunthes.

2ቆሮንቶሴ ኣሳስ 12:19

Inte wurikka ha7i gakkanaas qopizay nu inte sinthan nuna ashanas haniza miisha mala xeelletii? Nuni Kiristoosan gididi intes yootizayss Xoossa sintthankko. Ta siiqoto! nu hayssa wursi yootizay intena go7anas giidiko,

2ቆሮንቶሴ ኣሳስ 7:1

Hessa gishshi ta siiqoto! hayssi hidotay nuusu immetida gishshi ashone ayana tunissiza ay miishafeka ane nuna geeshosu. Xoossas yashan nu geeshatetha ane kumeth histoosu.

2ቆሮንቶሴ ኣሳስ 4:1

Xoossa marotetha darope dendidaysan haysi ha oothozi nuus diza gishshi nuni hidota qanxxoko.

2ቆሮንቶሴ ኣሳስ 3:8

Histin ayana oothos waanidi hessafe adhiza bonchoy denee?

1ቆሮንቶሴ ኣሳስ 14:14

Tani hara qaalara woossiza wode ta ayanan woossays attin ta izape aykoka erike.

ኦሮሜ ኣሳስ 15:29

Ta ha inteka bashe intesi Kirisitossa anijo kunitha eka banaysa ta erays.

ኦሮሜ ኣሳስ 15:2

Nuni wurikka nu lageista gusasine ista ufaysizazi othanasi beses.

ኦሮሜ ኣሳስ 12:7

Oothi maadizadey oothi maado. Tamarisizadeyka tamariso.

ሃዋሬታ ኦሶ 20:28

Xiillo ayanay intena Xoossa dorssata hemmanas shuumides; Hessa gish inte hu7esine Xoossa dorssatas naggettite; Goday ba suththan wozzida wossa keethiyo naggiite.

ሃዋሬታ ኦሶ 20:24

Gido attin Goda Yesussay tas immida wotha woxxa wurssana gakanassinne ooso ta polana gakkanaas ta ta shemppos michchetike; tas immetida oothoykka Xoossa mishshirachcho qaala yootokko.

ሃዋሬታ ኦሶ 11:23

Izika he bi gakkidi Xoossi ba adhdho keeyateth deeraso immidayssa beeyidi uhaaththaa7etidesinne asay wurikka kuumetha wozzinape Goda ammanon miinnana mala zoriides.

ሃዋሬታ ኦሶ 9:31

Hessa wode Yudanine Galilan, Sammariyankka diza ammanizaytti saron deyiddi kasepe minnida. Qasseka Xoossa yashshatethan simeretishshe Xiillo Ayanan minetidane kasepe qoodan dari dari biida.

ሃዋሬታ ኦሶ 1:25

Yuuday yeggi bidason ha ooththa ooththanadene haware gidanade ne doora” gida.

ሃዋሬታ ኦሶ 1:17

Izikka nuuppe issade mala taybeettidi hayssa ha oosozan gellanas exxa demmides.

2ጺምቶሳስ 4:11

Luqaassay xaalla tanara dees. Marqqoossay tana oothon maadiza gish iza nenara ekka ya.

ኤፌሶኔ ኣሳስ 4:29

Koshiza mala hanko siyzayta go7izazine madiza qalape attiin go7oy baynda qalay inte dunape kezopo.

ኤፌሶኔ ኣሳስ 4:4

Inte xeygetida galas isi ufaysako xeygetidaysa mala isi asatethine isi ayanay dees.

2ቆሮንቶሴ ኣሳስ 13:9

Nuni daburanchata gidin inte qass minota gidishin nuna ufaysses. Nu woossay inte wothoy bayndayta gidana malakko.

1ቆሮንቶሴ ኣሳስ 12:7

Gido attin xiillo ayana qoncciso imotay issades imetizay issife go7etanaskko.

ኦሮሜ ኣሳስ 12:5

Hessaththoka nuni darota gidi uttidi Kiristoosan issi ashoko. Nuni issay issas ashokko.

2ቆሮንቶሴ ኣሳስ 13:11

Ane ha7i ta ishato! saro diite; inte duusa lo7ethite; ta intena zoroyssa kaallite; asay issay issara sigettite. Saron diite; siiqone saro Goday intenara gidana.