ኤፌሶኔ ኣሳስ 3:8 - Gamo Geesha Maxxafa New Testamen

⁸ Ta qass hanko amaniza asape lafa gidikkoka oonikka zaway baynda Kiristossa dureteth hanko derezas sabakana mala Xoossa kiyatethan haysi tas imetides.

Geeshsha Maxaafa

⁸ Ta qasse hankko ammaniza asaappe laafa gidikkoka oonikka zaway baynda Kirstoosa dureteth Ayzaabetas sabbakana mala Xoossa kiyateththan hayssi taas imettides.

ጋሞ ማጻፋ

⁸ ታ ቃሴ ሃንኮ ኣማኒዛ ኣሳፔ ላፋ ጊዲኮካ ኦኒካ ዛዋይ ባይንዳ ኪርስቶሳ ዱሬቴ ኣይዛቤታስ ሳባካና ማላ ጾሳ ኪያቴን ሃይሲ ታስ ኢሜቲዴስ።

ኤፌሶኔ ኣሳስ 3:8 Referans Kwoze

ቆላሲያሴ ኣሳስ 1:27

Xoossi ba asas qonccisanas koyida xuuray iza boncho duretethay dere asa gidida inte giddon ay mala gitakone bessanaskko. Izika iza boncho ufayssi gidida inte gidon diza kiristoosako.

ኤፌሶኔ ኣሳስ 3:16

Intes garisa bagara miinana mala ayana bagara iza boncho duretethay intes imistana mala ta woosays.

ኤፌሶኔ ኣሳስ 2:7

Hesika hayssafe guye yana wodezan Yesuss Kirisossay nuus ba kiiyatethan qonccisida zaway baynda ba kiiyatetha duretetha nuna besanas.

1ጺምቶሳስ 2:7

Takka hayssas miishshirachcho yootanas kiittetidade. Qasseka deretas tumu ammano assitamare gidada shuumistadis. Hessakka ta wordotontta tumu yootanassikko.

1ጺምቶሳስ 1:13

Hayssafe kase ta ay mala ase cayizzadene goodeththizade, qasse makkali7a as gidikkoka hessa ta eroonttane ammanontta dashe oothida gish Xoossi tana maarides.

ጋላቲያ ኣሳስ 1:16

Amanonta dereza gidon iza gish ta sabakanamala ba naza tanan qoncisana dosida gish ta asho mayda asara oonaraka zoristabeyke.

ኦሮሜ ኣሳስ 11:33

Xoossa cinccatethine iza erateth ay mala ciimma! Iza priday ay malakone paacetena. Izi adhida geedoyka eretena.

ኦሮሜ ኣሳስ 2:4

woykko Xoossa kiiyatethi nena marotethako kallithizaysa shaaka erontta dashe iza gita kiiyatethane iza danida7a duretetha ne liiqazii?

2ጺምቶሳስ 1:11

Takka hayssa ha miishshiracho qaala yoottizade, kiittetidadene asttamare gidada shuumettadis.

ኤፌሶኔ ኣሳስ 3:19

Inte Xoossa kumethara shaaki eridi izan kumeth gidana mala asa erape bollara gidiida Kiristoosa siiqo inte erana mala wossays.

1ቆሮንቶሴ ኣሳስ 2:9

Gido attin geesha maxaafan “Asa ayfey beyonttazi, asa haythi siyonttazi, asa wozinayka qoponttazi Xoossi ba dosizaytas giigisides” gees.

ኦሮሜ ኣሳስ 12:10

Inte inte garisan issay issara ishata mala loo7ethi siqetite. Issay issa beppe aathi bonichizayta gidite.

ሃዋሬታ ኦሶ 5:41

Kittetidaytikka iza sunththa gish kawushshateth ekkanas beesiza gish daroo uhaaththaa7etishe dulata asa achchafe kezzi bida.

ዮሃኒሳ ኣጁታ 3:18

Ne dure gidana koyko taape taman paacettida worqa shammana mala neni ne kallotetha yeellatetha kamanas bootha mayo mayana malane xelanaska danda7ana mala ayife dhale shammada ne tiyettana mala ta nena zorayss.

1ጺምቶሳስ 1:15

Yesuss Kiristtossay nagaranchata ashshanaas duge hayssa ha alame yides giza qaalay tumane asi wurkka ekkanas bessizayssako. Nagaranchatapekka aadhdhiza nagaranchay tanako.

ሃዋሬታ ኦሶ 9:15

Godaykka izas “Ne ba! haysi addezi Isra7ele gidonta dereta sinththanine kawoota sinththan hessaththokka Isra7eele dere sinththan ta sunththu tookana mala izi tas dooretiddade.

ፒሊጲሲዮሴ ኣሳስ 4:19

Xoossi ba duretetha gina intena koshshizayssa Goda Yesus kiristoosa baggara intes kunththana.

ጋላቲያ ኣሳስ 2:8

Phixirosa Ayhudistas Haware gidi oothana mala oothida Xoossi taka amanonta deretas Haware gida oothana mala taas imides.

ፒሊጲሲዮሴ ኣሳስ 2:3

Ase wursii intefe bollara xeellite attin interkka intena doson woykko go7ay baynda galata ekanas issi mishika oothopite.

ኤፌሶኔ ኣሳስ 3:2

Ta intena go7ana mala Xoossi kiytethan taas oothos exxa imidaysa inte tumape siydista.

1ቆሮንቶሴ ኣሳስ 1:30

Intena qasse Xoossi Yesus Kiristoosara issifetethi deyana mala oothides. Hessa gishshi Xooss Yesus Kiristoosa nu erateth, nu xiilloteth, nu geeshatethine nuna ashshizade gidana mala oothides.

ዮሃኒሳ ሚሺራቾ 1:16

Iza kumetha kiyatethan nu wuri keyatetha bolla kiyateth ekkidos.

ኤፌሶኔ ኣሳስ 3:1

Hesa gedon ta Phawulossay intes amanontayta gish Yesuss Kiristossay qachidade gidadis.

ሉቃሳ ሚሺራቾ 14:22

Oothanchayka zaaridi ta Godo ne tana azazidaysa wursa poladis burokka utetha soy dees gides.