ፍልጵስዩሳ 3:1 - Geeshsha Maxaafa

¹ Wursethan, ta ishato, hinte Godaaba gidiya gisho, ufaytite. Taani kase xaafidaysa zaarada xaafanaysi tana waaysenna, shin hintena balape naagana.

Gofa New Testament

¹ Wurssethan, ta ishato, hintte Godaaba gidiya gisho, ufayttite. Taani kase xaafidayssa zaarada xaafanayssi tana waaysenna, shin hinttena balappe naagana.

ጌሻ ማፃፋ

¹ ዉርሰን፥ ታ እሻቶ፥ ህንተ ጎዳባ ግድያ ግሾ፥ ኡፋይትተ። ታኒ ካሰ ፃፍዳይሳ ዛራዳ ፃፋናይስ ታና ዋይሰና፥ ሽን ህንተና ባላፐ ናጋና።

Ooratha Caaquwa Goofatho

¹ Wurssethan, ta ishato, hintte Godaaba gidiya gisho ufayttite. Taani kase xaafidayssa zaarada xaafanayssi tana waaysenna, shin hinttena balappe naagana.

ኦራ ጫቁዋ ጎፋ

¹ ዉርሴን፥ ታ ኢሻቶ፥ ሂንቴ ጎዳባ ጊዲያ ጊሾ ኡፋይቲቴ። ታኒ ካሴ ፃፊዳይሳ ዛራዳ ፃፋናይሲ ታና ዋይሴና፥ ሺን ሂንቴና ባላፔ ናጋና።

ፍልጵስዩሳ 3:1 Referans Kwoze

ፍልጵስዩሳ 4:4

Godaara hinte de7iya de7uwan ubba wode ufaytite. Taani hessa gujadaka odayis; ufaytite.

Roome 5:11

Hessa xalaala gidonashin, ha77i nuna Xoossara sigethida nu Godaa Yesuus Kiristoosa baggara nu Xoossan ceeqetoos.

Yayqooba 1:2

Ta ishato, hintena dumma dumma paacey gakiya wode hinte lo77oba demmidaada kumetha ufaysan ekite.

1 ጰፅሮሳ 4:13

Shin iya bonchoy qonciya wode hinte ufaysay gita gidana mela Kiristoosa waayiya hinte ekeysan ufaytite.

1 ተሰሎንቀ 5:16

Ubba wode ufaytite.

ፍልጵስዩሳ 4:8

Wursethan, ta ishato, hinte wozanan lo77obaanne galatisiyaba qopite. Tuma gidiyaba ubbaa, bonchoba ubbaa, qoho gidonnaba ubbaa, geeshshaba ubbaa, siiqoba ubbaanne ufaysiyaba ubbaa qopite.

1 ጰፅሮሳ 3:8

Wursethan, ubbay issi qofan de7ite. Issoy issuwas qadhetishe, ishada siiqetite; qassi issoy issuwas keehatanne ashketa gidite.

2 ቆሮንቶሳ 13:11

Wursethan ta ishato, saro de7ite. Borey bayna de7ite; ta zoriya si7ite. Issi wozanan gididi de7ite; sarotethan de7ite. Siiqonne saro immiya Xoossay hintera gido.

2 ጰፅሮሳ 3:1

Ta siiqo ishato, haysi ta hintew xaafida dabdaabey nam7antho. Taani ha nam7u dabdaabetaka hintew xaafiday, hinte suure qofaa qopanaada hintena denthethanaasa.

Efesoona 6:10

Wursethan, Godaaninne iya gita wolqan minnite.

Luqaasa 1:47

ta Ayyaanay dhaliya Xoossan ufaytees.

Zakaryaasa 10:7

Isra7eele asay mino olancho mela gidana; woyne uyida asada enta wozanay ufaytana. Enta nayti hessa be7idi, hashshu gaana; enta wozanay Godan ufaytana.

Sofonaasa 3:17

Goday, ne Xoossay ne giddon de7ees; I new xoono immiya olanchuwa. I nenan ufaytana; ba siiquwan nena oorathana. Asay ba7aale gallas mazmure yexeysada, I nenan ufayteysa mazmure yexidi bessaana” yaagana.

Sofonaasa 3:14

Xiyoone na7e, mazmuriya yexa! Isra7eele asaw, ililite! Yerusalaame na7e, ne polo wozanaape ufayta; hashshu ga!

Iyyu7eela 2:23

Hinteno Xiyoone asato, ufaytite; Godan hinte Xoossan, hashshu giite! I, balgo ira hintew darsidi immis; kaseysada silanne torche ira gidisidi immis.

Mazmure 37:4

Godan ufayta; I ne wozanaa amuwa immana.

Mazmure 32:11

Hinteno, xilloto, Godan ufaytitenne hashshu giite; hinteno, wozana suureto, ililite.

Iyyoba 22:26

He wode ne Ubbaa Danda7iya Xoossan ufaytana; yeellatonna Xoossako pude xeellana.

1 Taarike 29:22

Asay he gallas Godaa sinthan daro ufaytidi misinne uyis. Yaatidi asay kawa Dawita na7aa Solomone nam7antho zayte tiyidi iya kawotethan minthis. Saadoqa kahine gidana mela Godaa sinthan tiyidosona.

ፍልጵስዩሳ 3:3

Nuuni Xoossaa Geeshsha Ayyaanan goyinniya gishonne nu de7uwan Kiristoos Yesuusan ceeqetiya gisho, tuma qaxaro qaxaretidaysata. Nuuni kare asatethaa bolla oosetiyaban ceeqetoko.

Maatosa 5:12

Hinte woytoy salon gita gidiya gisho ufaytite, hashshu giite. Hintefe kase de7iya nabeta hessada goodidosona.

Isayaasa 61:10

Taani Godan daro ufaytayis; ta shempiya ta Xoossan hashshu gawusu. Ekeysi ba huuphen kallacha wotheysada, geliyara bana alleeqiseysada, I tana atotetha ma7o mayzis; xillotethi afila bollara gujis.

Isayaasa 41:16

Neeni enta punnana; carkoy enta efana; shin neeni Godan ufaytana; Isra7eele Geeshshan bonchetana.”

Mazmure 149:2

Isra7eeley bantana medhidaysan ufayto; Xiyooney banta kawan hashshu go.

Mazmure 97:1

Goday kawotida gisho sa7an de7iya asay ufayto; yuushoy abban teqetida biittati ufayto.

Mazmure 42:4

Taani enta ba7aale bonchanaw shiiqida, daro asaa kaalethada, galata yethaninne ililisan xoossa keethi beysa qopiya wode, ta wozanay azzanon meqees.

Mazmure 5:11

Shin neeko baqatidi attida ubbay ufayto; enti merinaw ufaysan yexo. Ne sunthaa dosiya ubbay nenan ufaytana mela; neeni enta merinaw naaga.

Nahime 8:10

Nahimey, “Bidi dooretida kathaa miite; mal7iya ushshi uyite; qassi aykoy baynaysatas hinteysafe shaakidi immite. Hachi gallasay nu Godaas geeshsha gallas. Godaa ufaysay hintew wolqa gidiya gisho azzanopite” yaagis.

1 Taarike 16:10

Iya geeshsha sunthan ceeqetite; Godaa koyeyisata wozanay ufayto.

1 Taarike 15:28

Hessada oothidi, Isra7eele ubbay ufaytidi moyzenne zaye punnishe, daala qaathishe, diithinne maasinqo kaa7ishe Godaa caaqo Taabotiya ehidosona.

1 Sameela 2:1

Haanna haysada yaagada woossasu; “Ta wozanay Godan ufaytees; ta kacey Godan dhoqu gis. Ta morketa bolla taani ceeqetayis; ne ashoy tana ufaysees.

Zaaretho 16:11

Hessan neeni, ne adde nayti, ne macca nayti, ne adde aylletinne ne macca aylleti, ne kataman de7iya Leeweti, bete asay, yi7o naytinne ne giddon de7iya am7eti ubbay, Goday, ne Xoossay ba sunthay xeegetana mela dooriya bessan ufaytite.

Zaaretho 12:18

Shin neeni, ne adde naytinne ne macca nayti, ne adde aylletinne macca aylleti neera laata ekiboonna ne kataman de7iya Leewetara issife Goday, ne Xoossay doorida bessan, Godaa, ne Xoossaa sinthan, ha yarsho ubbaa ma. Ne daaburada shiishidaban Godaa, ne Xoossaa sinthan ufayta.

1 ተሰሎንቀ 4:1

Wursethan, ta ishato, Xoossaa ufaysanaw hinte waanidi daanaw bessiyako nuupe tamaarideta. Hessi hinte koyrope de7ida de7uwa, shin ha77i hinte kaseysafe aathidi oothanaada Godaa Yesuusa sunthan hintena woossosinne zoroos.

Isayaasa 65:14

Ta aylleti wozanape ufaytidi yexana, shin hinte wozanape kayotana; hinte ayyaanay meqida gisho, hinte zeleelidi yeekana.

Mazmure 33:1

Hinteno, xilloto Godaas ufaysan ililite; suure asati iya galatanaw bessees.