ፍልጵስዩሳ 2:6 - Geeshsha Maxaafa

⁶ Iyaw ubba wode Xoossa hanoti de7ees. Gidoshin, iya Xoossara issino oothiya hanota, wolqan ekanaw koybeenna.

Gofa New Testament

⁶ Iyaw ubba wode Xoossaa hanotethi de7ees. Yaaniya gisho, iya Xoossaara issino oothiya hanotaa, wolqqan ekkanaw koyibeenna.

ጌሻ ማፃፋ

⁶ እያዉ ኡባ ዎደ ፆሳ ሀኖት ደኤስ። ግዶሽን፥ እያ ፆሳራ እስኖ ኦያ ሀኖታ፥ ዎልቃን ኤካናዉ ኮይቤና።

Ooratha Caaquwa Goofatho

⁶ Iyaw ubba wode Xoossaa hanotethi de7ees. Yaaniya gisho, iya Xoossaara issino oothiya hanotaa, wolqqan ekkanaw koyibeenna.

ኦራ ጫቁዋ ጎፋ

⁶ ኢያው ኡባ ዎዴ ፆሳ ሃኖቴ ዴዔስ። ያኒያ ጊሾ፥ ኢያ ፆሳራ ኢሲኖ ኦያ ሃኖታ፥ ዎልቃን ኤካናው ኮዪቤና።

ፍልጵስዩሳ 2:6 Referans Kwoze

Yohaanisa 5:18

Yesuusi Sambaata bonchona gisho xalaalas gidonashin Xoossay ba Aawa gidi bana Xoossara giigisida gisho, Ayhudeti iya wodhanaw kasepe minthidi koydosona.

2 ቆሮንቶሳ 4:4

Ha alamiya haariya xoossay ammanonna asaa wozanaa goozis. Enti Xoossaa mela gidida Kiristoosa boncho Wongela poo7uwa be7onna mela diggis.

Ibraawe 1:3

Na7ay Xoossaa bonchuwa phoolethaanne kumetha Xoossa Xoossatetha ekidi, ba wolqaama qaalan ha alamiya katisidi oykis. Asaa enta nagaraape geeshidaape guye Ubbaafe Bolla Xoossaa ushacha baggan saluwan uttis.

Yohaanisa 17:5

Ha77ika, Aawaw, alamey medhetanaape sinthe ne matan taw de7iya bonchuwan tana boncha.

ዮሃኒሳ ቆንጬ 21:6

Qassi taako, “Poletis! Taani Alfanne Omega; Doomethinne Polo. Saamotida oonaka de7o haatha pultofe gate qanxonna coo ushshana.

Yohaanisa 10:30

Tanne ta Aaway issino” yaagis.

Isayaasa 9:6

Nuus na7i yeletis! Adde na7i nuus imetis! Kawotetha maati iya hashiyan gidana; iya sunthay, “Malaalisiya Zorancho, Wolqaama Xoossa, Merinaa Aawa, Sarotethaa Halaqaa” geetetana.

Ibraawe 13:8

Yesuus Kiristoosi zineka hachika merinawuka laametenna.

Yohaanisa 10:33

Ayhudeti zaaridi, “Nuuni nena ne lo77o ooso gisho shuchan caddanaw koyoko. Shin neeni Xoossaa cayiya gishonne ase gidashe neeni, nena Xoosse giya gishosa” yaagidosona.

Mikiyaasa 5:2

Goday, “Efraatan de7iya Beeteleme katamaw, neeni Yihuda katamata giddon guutha; shin iyaw dendoy benipe doomidi, merinaw gididaysi, Isra7eele haaranaysi taw neepe keyana” yaagees.

Roome 9:5

Enti yeletethan mayzata koche; qassi Kiristoosi ashon enta koche gididi yis. Ubbaafe bolla gidida Xoossay merinaw galatetto. Amin7i!

Isayaasa 7:14

Hessa gisho, Goday ba huuphen hintew malla immana; geela7iya qanthatada adde na7a yelana; iya sunthaaka Amanu7eela gada xeegana.

1 ፅሞትዮሳ 3:16

Nu ammanuwa xuuray sidhey bayna gita. Kiristoosi asho ma7idi qoncis; Iya tumatethaa Geeshsha Ayyaanay markatis. Kiitanchotas bentis; I kawotetha ubbaas sabbaketis. Alamen de7iya asan ammanetis; bonchon salo eketis.

Yohaanisa 20:28

Toomasi zaaridi, “Ta Godaw, ta Xoossaw” yaagis.

Yohaanisa 10:38

Shin taani oothiyaba gidiko hinte tana ammanonna ixikoka, ta Aaway tanan de7eysanne taka ta Aawan de7eysa hinte erana mela ta oosuwa ammanite” yaagis.

Ibraawe 1:6

Qassi Xoossay ba bayra Na7aa ha alamiya kiittishe, “Xoossaa kiitanchoti ubbay iyaw goyinno” yaagis.

Tito 2:13

Nuuni anjetida ufaysaa gidida gita Xoossaanne nuna ashshiya Yesuus Kiristoosa boncho qoncethaa naagoos.

Maatosa 1:23

“Heko geela7iya qanthatana; adde na7a yelana; iya sunthay Amanu7eela” geetetana goysi poletana mela ha ubbay hanis. Amanu7eela geysas birshethay “Xoossay nuura de7ees” guussu.

Yohaanisa 14:9

Yesuusi zaaridi, “Taani haysa mela wode hintera de7inka tana erikii? Tana be7ida uray Aawaka be7is. Yaatin, neeni woygada, ‘Aawa nuna bessa’ gay?

Ermiyaasa 23:6

Iya kawotetha wodiyan Yihudi attana; Isra7eeley saro daana. Iya sunthay, ‘Xoossay nu Xillotethaa’ geetetana” yaagees Goday.

Isayaasa 8:8

Di77ishe Yihuda gelana; kixay qoodhe gakanaw kumidi yaara kanthana.” Abeeti Amanu7eela, iya qefiya micethay ne biitta ubbaa ma7is.

Ibraawe 1:8

Shin ba Na7aba odishe, “Xoossaw, ne araatay merinaw de7ees. Ne kawotethaa ne xillotethan aysaasa.

Yohaanisa 5:23

Asa ubbay Aawa boncheysada Na7aaka bonchana. Na7aa bonchona oonika Na7aa kiitida Aawaka bonchenna.

Zakaryaasa 13:7

“Mashshaw denda, taw mata gidida ta dorsata henthanchuwa bolla barka! Dorsati laaletana mela henthanchuwa wodha. Taani guutha dorsata bolla ta kushiya denthana” yaagees Ubbaafe Wolqaama Goday.

Yohaanisa 14:28

‘Taani baana, shin simmada hinteko yaana’ gidaysa si7ideta. Hinte tana tuma dosiyaba gidiyako ta Aaway taape aadhiya gisho taani iyako beysan hinte ufaytana.

Yohaanisa 1:18

Xoossaa be7ida asi oonika baawa; ba Aawa matan de7iya issi Na7aa xalaali baw Xoosse gididaysi iya qoncisis.

1 ፅሞትዮሳ 1:17

Ayfen bentonnaysas, issi Xoossaas, hayqonaysas, merinaa Kawas, merinaape merinaa gakanaw galataynne bonchoy gido. Amin7i.

2 ቆሮንቶሳ 8:9

Hinte, nu Godaa Yesuus Kiristoosa aadho keehatetha ereeta. Kiristoosi dure gidi uttidi, hinte iya manqotethan duretanaada hinte gisho manqis.