Mazmure 4:3 - Geeshsha Maxaafa

³ Goday ammanetiya asata baw dummayidi wothidaysa erite; taani Godaa xeegiya wode I tana si7ees.

ጌሻ ማፃፋ

³ ጎዳይ አማነትያ አሳታ ባዉ ዱማይድ ዎዳይሳ ኤርተ፤ ታኒ ጎዳ ፄግያ ዎደ እ ታና ስኤስ።

Mazmure 4:3 Referans Kwoze

Yohaanisa 15:16

Taani hintena doorasipe attishin, hinte tana dooribeketa. Hinte bidi dhayonna ayfe ayfana mela taani hintena shuumas. Yaaniko, ta Aaway hinte ta sunthan woossidaba ubbaa immana.

Mazmure 34:15

Godaa ayfey xillota xeellees; iya haythay enta waasuwa si7ees.

2 ጰፅሮሳ 2:9

Hessa gidiko, Goday, bana goyinniya asata paacepe waati ashshaneko, qassi nagaranchota pirda gallasaas gakanaw waatidi seerishe naagisaneeko erees.

2 ፅሞትዮሳ 2:19

Gidoshin, Xoossay mino zaalla hiixida gisho qaaxanaw danda7enna. Iya bolla, “Goday ba asaa erees. Godaa sunthaa xeegiya oonika iita oosope haako” giya qaalay xaafetis.

Tito 2:14

Iita ooso ubbaafe nuna wozanawunne lo77oba oothanaw amotiya ba geeshsha asi kessanaw nu gisho bana aathidi immis.

1 ጰፅሮሳ 2:9

Shin Xoossay dhumape malaalsiya ba poo7uwako hintena xeegiday, hinte iya lo77otetha haratas odanaw dooretida koche, kawo kahine, geeshsha derenne Xoossaa dumma dere.

Kessa 33:16

Neeni nuura boonnaba gidiko, tananinne ne asan ne ufaytidaysa asa ubbay waatidi eranee? Biitta ubban de7iya hara asa ubbaafe taaninne ne asay dummatey ne nuura de7eysan gidenneyee?” yaagis.

Mazmure 6:8

Goday ta yeehuwa si7ida gisho, hinteno, iita ootheysato taape haakite.

Efesoona 2:10

Nuuni Xoossaa medhetethi; I nuus kasetidi giigisi wothida lo77o oosota oothana mela Kiristoos Yesuusa baggara oorathi medhetida.

Mazmure 50:5

“Yarshon taara caaqida, ta geeshshata taako shiishite” yaagis.

Mazmure 31:23

Hinteno, Xoossa asaw, Godaa dosite; Goday ammaneteyisata naagees; shin otoranchotas enta gatiya qanxees.

Mazmure 56:9

Ta nena xeegiya wode, ta morketi guye simmana; Xoossay ta bagga gideysa ta hessan erayis.

Mazmure 49:3

Ta wozanaa qofay akeeka immees; ta doonay cincatetha qaala odetees.

Mazmure 62:10

Bonqen ammanetofite; kaysoti shiishidi duretethan otortofite. Hinte duretethay darikoka, hinte wozana iya bolla wothofite.