Mazmure 21:3 - Geeshsha Maxaafa

³ Lo77o anjora iya mokaasa; walahi bayna worqa kallacha iya huuphen wothaasa.

ጌሻ ማፃፋ

³ ሎኦ አንጆራ እያ ሞካሳ፤ ዋላህ ባይና ዎርቃ ካላቻ እያ ሁጰን ዎሳ።

Mazmure 21:3 Referans Kwoze

2 Sameela 12:30

Enta kawa kallachaa iya huuphepe ekis. He worqa kallachay hastamanne ichashu kilo giraame deexees. Iya giddon inqo geetetiya al7o shuchi de7ees. He kallacha Dawiti huuphen wothis. Dawiti katamaape daro di7o di77is.

Efesoona 1:3

Salon de7iya ayyaana anjo ubban Kiristoosa baggara nuna anjida, nu Godaa Yesuus Kiristoosa Aaway, Xoossay galatetto.

Mazmure 59:10

Ta Xoossay ba siiquwan taako yaana; ta Xoossay ta morketa xoonetethaa tana bessaana.

Mazmure 31:19

Nena yayyeysatas ne minjida, neeko baqateysatas ne giigisida, keehatethay ay mela daro!

1 Taarike 20:2

Hessafe guye, Dawiti yidi enta kawa worqa kallachaa iya huuphepe ekis. Kallacha deexoy hastamanne oyddu kilo giraame gidis; iya giddon al7o shuchi de7ees. He kallachaa ekidi Dawiti ba huuphen wothis. Qassi Dawiti he katamaape daro di7o di77is.

Ibraawe 2:9

Shin nuuni kiitanchotape guuthara guuxida Yesuusa be7oos. Xoossaa aadho keehatetha gaason Yesuusi asa ubbaas hayqis. I waaye hayqo hayqida gisho, bonchonne saba kallacha iya huuphen wothis.

Roome 11:35

Xoossaas tal7eynne tal7iya zaaridi ekey oonee?” yaagees.

ዮሃኒሳ ቆንጬ 19:12

Iya ayfey tama laco daanees; iya huuphen daro kallachi de7ees. Iya bolla I attishin, hari oonika eronna xaafetida sunthi de7ees.

Mazmure 18:18

Ta metootida wode enti ta bolla dendidosona; shin Goday tana katisis.

Iyyoba 41:11

Taani iyaw zaarana mela koyro taw tal7iday oonee? Salope garsan de7iyaba ubbay tabaa.

2 Taarike 6:41

“Abeeti Godaw, Xoossaw, denda; wolqaama ne Taabotiyara ne shempo bessaa gela. Abeeti Godaw, Xoossaw, ne kahineti atotethi eko; ne geeshsha asati ne keehatethan ufayto.

2 Sameela 5:3

Isra7eele cimati ubbay kawa Dawitako Kebroona yidosona; I entara Kebroonan Godaa sinthan caaqis; Isra7eele bolla kawotana mela Dawita tiyidosona.

2 Sameela 2:4

Yihuda asati Kebroona katamaa yidi, Dawita tiyidi Yihuda bolla kawothidosona. Dawiti Yaabesa Galada asay Saa7ola moogidaysa si7ida wode,

1 Sameela 16:13

Sameeli kacen kumida zayte ekidi, iya ishata sinthan Dawita tiyis. He gallasape doomidi, Godaa Ayyaanay Dawita bolla wolqan wodhis. Hessafe guye, Sameeli dendidi, Rama bis.

Roome 2:4

Woyko Xoossaa keehatetha, gencanne danda7a darotethaa kadhayee? Xoossay new keehiday nena nagaraape zaaranaw gideysa erikiyee?

Mazmure 20:5

Ne xoonuwan nuna ufayso; nu Xoossa sunthan nu bandira dhoqu oothana; ne woosa ubbaa Goday new zaaro.