Mazmure 1:3 - Geeshsha Maxaafa

³ I goggiya haatha xaphon toketidi, woden woden ayfe immiya, iya haythay qolettonna mitha mela. I oothiya ubbay iyaw poletees.

ጌሻ ማፃፋ

³ እ ጎግያ ሃ ፃጶን ቶከትድ፥ ዎደን ዎደን አይፈ እምያ፥ እያ ሀይይ ቆለቶና ም መላ። እ ኦያ ኡባይ እያዉ ፖለቴስ።

Mazmure 1:3 Referans Kwoze

Ermiyaasa 17:8

I haatha matan toketidi, ba xaphuwa goggiya haathan yeddida mitha mela. I awa suulas yayyenna. He mithaa haythay cil7oshin de7ees. Iri bukonna laythan hirgenna; ubba wode ayfe aggenna.

Hizqeela 47:12

He shaafa doonan ha baggaranne ya baggara meetetiya ayfe immiya, dumma dumma qommo mithati de7oosona. Enta haythay qoqofetenna; ayfe aggokona. Xoossa keethaafe keyiya haathay entako goggiya gisho, enti ageenan ageenan ooratha ayfe ayfana. Enti ayfiya ayfey kathi gidana; enta haythay dhale gidana” yaagees.

Mazmure 92:14

Enti ceeggidika ayfana; enti irxanne cil7o gididi daana.

Yohaanisa 15:6

Tanan doonna uray tashiyada karen yegitidi melana. Hessa mela tasheti shiiqidi taman yegetana, xuugetana.

Hizqeela 19:10

Ne aayiya haatha doonan toketida woyne mela; daro haathi de7iya gisho woyney daashshaninne ayfen kumidi de7ees.

Medhetethi 39:23

Goday Yoosefara gididi, I oothiyaba ubbaa iyaw injeyida gisho, qasho keethaa kaapoy Yoosefa kushen de7iyabas aykoka hirgenna.

ዮሃኒሳ ቆንጬ 22:2

He shaafay katama ogiya giddora duge goggees. Shaafape hefintha baggaranne hafintha baggara ageenan issi toho; laythan tammanne nam7u toho ayfiya de7o mithi de7ees. He mitha boncoy kawotethata ubbaa hargefe pathees.

Hizqeela 17:8

Shin, he woyney tashe kessana mela, ayfe ayfana melanne lo77o woyne gidana mela aradda biittan, daro haathi de7iya bessan toketis’ ” yaagees.

Maatosa 13:6

Shin away keyin shullis; xaphoy bayna gisho melis.

2 Taarike 31:21

Hizqiyaasi Xoossa keethas oothida ooso ubban, Xoossa higgiyanne wogaa naagidi Xoossaa ba kumetha wozanan koyida gisho iyaw ubbay injetis.

Medhetethi 39:3

Goday iyara de7eysanne I oothiyaba ubbaa iyaw injeyidaysa Phoxfaari be7ida wode,

Mazmure 128:2

Neeni ne daabura ayfe maana; ufaytananne duretana.

Isayaasa 3:10

Enti banta oosuwa ayfiya maana gisho, xillotas lo77o gidana gada oda.

Isayaasa 44:4

Enti haatha doonan dolida maatada, shaafa lanqen de7iya mithada aacana.

Iyyoba 14:9

haathe demmidi aacees; ooratha dolada tashe kessees.

Maatosa 21:34

Woyne ayfiya maxiya wodey gakin bana gakiya baggaa ekidi yaana mela ba aylleta entako yeddis.

Maatosa 21:19

Oge gaxan issi balase mithi be7idi iiko bis. Shin haythafe attishin, hara aykoka demmibeenna. Hessa gisho, iyo, “Hizape nam7antho ayfe ayfopa!” yaagis. He balase mithiya ellesada mela aggasu.

Yihuda 1:12

Ha asati, hinte siiqo gibira miya bessan hintera uttiya wode yeelli bayna kawushata. Enti bantana xalaala heemmeyisata. Enti carkoy efiya iri bayna shaara mela. Qassi ayfe woden ayfe ayfonna, xaphora shodetidi, nam7u toho melida mitha mela.

Isayaasa 27:11

Mitha tasheti meliya wode meqeretoosona; maccasay mixidi eethanaw efoosona. Ha asay akeeki bayna asi gidiya gisho, enta medhidaysi entaw qadhetenna; enta maarenna.

Maatosa 21:41

Enti zaaridi, “I he iita asata iita wodho wodhidi, woyney ayfiya wode iya gakiya baggaa woden woden immiya hara kothe aawatas immana” yaagidosona.

1 Taarike 22:11

“Hiza ta na7aw, Goday neera gido. Godaa ne Xoossaa keetha keexana mela Goday kase odidaysada nena poliso.

Mazmure 129:8

Ogera aadheysati, “Goday wolqa immo” gin, cakeysati “Godi anjo” giyabay deenna.

2 Taarike 32:23

Daro asay Godaas imota, Yihuda kawa Hizqiyaasas al7o miishe ehidosona. He wodepe doomidi kawotetha ubbay Hizqiyaasa daro bonchidosona.

Taybo 24:6

Enti micetida zangaarada, shaafa gaxan de7iya atakiltiya bessada, Goday tokida godare uuthada, haatha gaxan de7iya ziga mithada hanoosona.

Zaaretho 28:8

Goday ne kushey oykiyabaanne ne shaaliya anjana; Goday, ne Xoossay new immiya biittan nena anjana.

2 Kawota 18:7

Goday iyara gidis; I oothiyaba ubbay iyaw injetis. I Asoore kawa bolla makallidi, iyaw haaretonna ixis.

1 Taarike 22:13

Goday Muse baggara Isra7eele immida wogaanne kiitaa neeni naagiko ubbay new hanana. Minna; yayyofa; dagammofa, ufaysi qanxofa!

Iyyoba 22:28

Ne qopidabay poletana; ne hemetiya ogey poo7o gidana.

Mazmure 92:15

Enti, “Goday suure; I ta zaalla; iyan iitatethi baawa” yaagana.

Isayaasa 58:11

Goday hintena ubba wode kaalethana; hintena mela biittan koshshiyaban kalsana; hinte xaphuwa xaalisana. Hinte haathe uyaa gannate melanne meli eronna haatha pulto mela gidana.

Hizqeela 31:5

He mithay woran de7iya mitha ubbaafe aduqis; iya daashshay daris; tashey aduqis; haathi darida gisho ordis.