1 ጎዳይ ሙሰኮ፥
1 Goday Museko,
ጎዳይ ሙሰ ኪትዳይሳዳ ኤንቲ ጎዳ ኪታን ዱንካኖሶና ቃስ ጎዳ ኪታን ጉታፐ ደንድድ ቦሶና።
አሳ ሺቆስ ፄጋናዉነ ዱንካንዳ ጉታፐ ደንናዉ ማድያ ናምኡ ሞይዘታ ብራፐ ቆፃዳ መ።
ሽን ኤንቲ፥ “ኑኒ ነ አይለት ካናነ ቢታን ደእያ እስ ኡራ ናይታ፤ ኑኒ ታማነ ናምኡ እሻንታ። ዉርሰ ካሎይ ሀእ ኑ አዋራ ሶን ደኤስ፥ እሶይ ሀይቅስ” ያግዶሶና።
ሀ አደ ናይትነ ማጫ ናእያ ዲና፥ ልያ ማሰጰፆመ ቢታን ያይቆባስ የልዳይሳታ። ዲና ጉጅን እያ ናይትነ ናይታ ናይት ኩመ ሀስታማነ ሄ።
ሀንኮ እስራኤለ አሳይ ባንታ ሄራንነ ባንታ ጩጋን ጩጋን ሻከትድ፥ ባንታ ዱንካንያ ዱንካኖና።
ሄሳፈ ጉየ፥ እስራኤለ አሳ ኮቻን ኮቻን ታይብድ ካለያ ዎደ ሀላቃ ግድዳ ኡባይ፥
“ላፑን አጌናስ ኮይሮ ጋላሳን ጎይናናዉ ሺቅተ፤ አይ ኦሶካ ኦፍተ፤ ሄ ጋላሳይ ሞይዘይ ፑነትያ ጋላስ።
ላፑን ካህነት እሶይ እሶይ ሞይዘ ኦይክድ፥ ጎዳ ጫቆ ታቦትያ ስንን ቦ። ላፑን ጋላስ ካህነት ሞይዘ ፑንያ ዎደ ህንተ ካታማ ላፑን ቶሆ ዩይተ።
ሀራ ባጋራ ደእያ ናምኡ ጩጋይ ሄሳዳ ኦዶሶና። ባንታ ሀድርሳ ኩሸን ኤፅያ ፆምፐ፥ ባንታ ኡሻቻ ኩሸን ሞይዘ ኦይክድ፥ “ጎዳነ ገድዮና ማሻ” ያግድ ዋስዶሶና።
ዳዊቲነ እስራኤለ አሳ ኡባይ ኡፋይሳን እልልሸነ ሞይዘ ፑንሸ ጎዳ ታቦትያ ዳዊታ ካታማ ኤህዶሶና።
ካዎይ ካሰ ካዎት ሀነይሳዳ ቱሳ ማታን ኤቅድይሳ በአሱ። ሀላቃትነ ሞይዘ ፑነይሳት ካዋ ማታን ደኦሶና። ሄ ቢታ አሳ ኡባይ ኡፋይትድ፥ ሞይዘ ፑንን፥ ጎቶላ ባ ማኡዋ ዳካዳ፥ “ሄኮ፥ ሀይስ ማካላ! ሀይስ ማካላ!” ያጋዳ ዋሳሱ።
ማዝሙረ ዛማርያ ሌወት ኡባይ፥ አሳፍ፥ ሄማንነ ኤዶታፐ፥ ኤንታ ናይትነ ኤንታ ዳቦት ሊኖ ጌተትያ ማኦ ማእዶሶና። ሄ ማኡዋ ማእድ፥ ዳላ፥ ዲነ ማስንቆ ኦይክድ፥ ያርሾ በሳፈ ዶሎሀ ባጋራ ኤቅዶሶና።
ካህነት ባንታዉ ጊግዳ በሳን ኤቅን፥ ሌወት ካዎይ ዳዊቲ ጎዳ ሳባናዉ ካሰ ኦዳ ማዝሙረ የፅያ ሚሸታ ኦይክድ ኤንታ ስንን ኤቅድ፥ “እያ ሲቆይ መርናሳ” ያግድ የፅሸ ጎዳ ጋላትዶሶና። ካህነት ሌወታ ስንን ኤቅድ ሞይዘ ፑንን እስራኤለ አሳ ኡባይ ኤቅስ።
ካዎይ ፐንገን ቱሳ ማታን ኤቅዳይሳ በአሱ። ሀላቃትነ ዛየ ፑነይሳት ካዋ ማታን ደኦሶና፤ ይሁዳ አሳ ኡባይ ኡፋይትሸ ዛየ ፑኖሶና፤ ማዝሙረ የፀይሳት ስን አድ ባንታ የ ሚሸን ጋላቶሶና። ጎቶላ ባ ማኡዋ ፔዳ፥ “ሀይስ ጌላተ! ሀይስ ጌላተ!” ያጋዳ ዋሳሱ።
አናፀት ፆሳ ኬ ባሱዋ የገ ኦይክያ ዎደ፥ ካህነት ባንታ ማኦ ማእድ ሞይዘ ኦይክድ፥ አሳፋ ኮቸ ግድዳ፥ ሌወት ዳላ ኦይክድ፥ እስራኤለ ካዋ ዳዊታ ዎጋ መላ ጎዳ ጋላታናዉ ኤቅዶሶና።
ፆሳይ ኡፋይሳንነ እልልሳን ፑደ ደንድስ፥ ጎዳይ ሞይዘ ፑኖን ባ አራታን ከይስ።
አጌን ፄርያ ዎደ፥ ቃስ ማ ኡትያ ዎደ፥ ባኣለ ጋላሳን ሞይዘ ፑንተ።
ሱሱልኤነ ሞይዘ ፑንሸ፥ ኡፋይሳን ጎዳ ኑ ካዋ ስንን የፅተ።
እ ባ ኪታንቾታ ግታ ሞይዘ ፑኖራ ኪታና። ኤንቲ ሳኣ ኦይዱ ባጋ ብድ፥ ሀ ጋፃፐ ያ ጋፃ ጋካናዉ ደእያ እያዉ ዶረትዳይሳታ ሺሻና።
ሄሳፈ ጉየ፥ ታኒ ላፑን ሞይዘት እመትዳ ላፑን ኪታንቾታ ፆሳ ስንን ኤቅዳይሳታ በአስ።
