Solomone 3:11 - ጌሻ ማፃፋ

¹¹ ህንተኖ፥ ፅዮነ ጌላኦቶ፥ ካዋ ሶሎሞነ በአናዉ ሃይተ። እ ዳሮ ኡፋይትዳ እያ ያጋኑዋ ጋላስ እያ አይያ እያ ሁጰን ዎዳ ካላቻ ዎስ።

Geeshsha Maxaafa

¹¹ Hinteno, Xiyoone geela7oto, kawa Solomone be7anaw haayite. I daro ufaytida iya yaaganuwa gallas iya aayiya iya huuphen wothida kallacha wothis.

Solomone 3:11 Referans Kwoze

Isayaasa 62:5

ፓን ጌላኦ ኤከይሳዳ፥ ነ ናይት ነና ማቻና። ኤከይስ ገልያርን ኡፋይተይሳዳ፥ ነ ፆሳይ ነናን ኡፋይታና።

Ermiyaasa 2:2

“ባዳ የሩሳላመ አሳ ሀይን ሀይሳዳ ያጋዳ አዋጃ። ነ ናአተን ታዉ አይ መላ አማነትዳኮ፥ ነ ቡሮ መዳን ደእያ ዎደ ታና አይ መላ ሲቅዳኮ፥ ታ አኬካይስ። ኔኒ መላ ቢታን ዘረ ዘረት ኤሮና ቢታን ታና ካላዳሳ።

ዮሃኒሳ ቆንጬ 1:7

ሄኮ፥ የሱሲ ሻራራ ዬስ። አሳ ኡባይ ሀር አቶሽን፥ እያ ጫድዳ አሳይካ እያ በአና። ሳአን ደእያ አሳ ኡባይ እያ ግሾ ዬካና። ሄስ ቱማ ሀናና! አምንእ።

Ibraawe 13:13

ህዛ፥ ኑኒ ቦርያ ቶክድ ድርሳፈ ካረ እያኮ ከዮስ።

Maatosa 12:42

ፕርዳ ጋላስ ዱገሀ ካውያ ደንዳዳ ሀ የለተ ቦላ ፕርዳና፤ አይስ ጊኮ፥ እያ ሶሎሞነ ጭንጫተ ስአናዉ ቢታ ጋፃፐ ያሱ። ሄኮ፥ ሶሎሞነፐ አይ ሀይሳን ደኤስ።

Sofonaasa 3:17

ጎዳይ፥ ነ ፆሳይ ነ ግዶን ደኤስ፤ እ ነዉ ፆኖ እምያ ኦላንቹዋ። እ ነናን ኡፋይታና፤ ባ ሲቁዋን ነና ኦራና። አሳይ ባኣለ ጋላስ ማዝሙረ የፀይሳዳ፥ እ ነናን ኡፋይተይሳ ማዝሙረ የፅድ በሳና” ያጋና።

Mazmure 9:14

ፅዮነ አሳ ግዶን ታኒ ኤቃዳ፥ ነ ጋላታ ኦዳና፤ ነ አቶተን ኡፋይታና።

ዮሃኒሳ ቆንጬ 19:12

እያ አይፈይ ታማ ላጮ ዳኔስ፤ እያ ሁጰን ዳሮ ካላች ደኤስ። እያ ቦላ እ አትሽን፥ ሀር ኦንካ ኤሮና ፃፈትዳ ሱን ደኤስ።

ዮሃኒሳ ቆንጬ 19:7

ዶርሳ ያጋኖይ ጋክዳ ግሾነ እያ ገልያራ ጊግዳ ግሾ፥ ኑ ኡፋይቶስ፥ ጋላቶስነ ዶርሳ ቦንቾስ።

Ibraawe 2:9

ሽን ኑኒ ኪታንቾታፐ ጉራ ጉፅዳ የሱሳ በኦስ። ፆሳ አ ኬሀተ ጋሶን የሱሲ አሳ ኡባስ ሀይቅስ። እ ዋየ ሀይቆ ሀይቅዳ ግሾ፥ ቦንቾነ ሳባ ካላቻ እያ ሁጰን ዎስ።

Qolaasiyasa 1:18

እ ባ አሳተ ግድዳ ዎሳ ኬስ ሁጰ። እ ኡባፈ ቦላ ግዳናዉ ሀይቆፐ ደንዶን ስንነ ባይራ።

Yohaanisa 15:11

“ታ ኡፋይሳይ ህንተናን ግዳና መላነ ህንተ ኡፋይሳይ ፖሎ ግዳና መላ ታኒ ህንተዉ ሄሳ ኦዳስ።

Yohaanisa 3:29

ገሎስ ጊግዳራ ኤከናዉ ጊግዳይሳሳ። ኤከይሳ ላገይ እያ ማታን ኤቅድ እ ገይሳ ስእያ ዎደ ዳሮ ኡፋይቴስ። ሄሳ ግሾ፥ ሀይስ ታ ኡፋይሳይ ፖለትስ።

Luqaasa 15:32

ሀይስ ነ እሻይ ሀይቅስ፥ ሽን ፓፅስ፤ ይስ፥ ሽን በንትስ። ሄሳ ግሾ፥ ዳሮ ኡፋይታናዉ በሴስ’ ያጋና” ያግስ።

Ermiyaasa 32:41

ታ ኤንታዉ ሎኦባ ኦይስ ታና ኡፋይሴስ፤ ታ ኩመ ዎዛናፐነ ታ ኩመ ሸምፑዋፈ ቱማ ሀ ቢታን ኤንታ ቶካና” ያጌስ ጎዳይ።

Isayaasa 53:11

ባ ሸምፑዋ ዋያፐ ጉየ፥ እ ደኦ ፖኦ በአና፤ ኡፋይታና። ታ ፅሎ አይለይ ባ ኤራተን ዳሮታ ፅልሳና፤ ኤንታ ቆሁዋካ ቶካና።

Isayaasa 9:6

ኑስ ናእ የለትስ! አደ ናእ ኑስ እመትስ! ካዎተ ማት እያ ሀሽያን ግዳና፤ እያ ሱንይ፥ “ማላልስያ ዞራንቾ፥ ዎልቃማ ፆሳ፥ መርና አዋ፥ ሳሮተ ሀላቃ” ጌተታና።

Isayaasa 4:4

ጎዳይ ፅዮነ ማጫሳ ቅታ ሜጫና፤ ባ ፕርዳንነ ባ አያና ታማን ሱ ጉሶ የሩሳላመፐ ድጋና።

Solomone 8:5

ባ ሲቁዋ ሀሸን ዘምፓዳ፥ መላ ቢታፈ ያራ ሀና ኦኔ? በን ነ አይያ ነና እቀታዳ የልዳ፥ አፕለ ም ጋርሳን ነ ዝንእዳሽን፥ ነና ታ ባርክሳስ።

Solomone 7:11

ታ ሲቁዋዉ፥ ሃያ፤ ካታማፐ ከይድ ጋፃረ ቦስ፤ ናምአይ ቃማ ያን አና።

Solomone 2:7

ህንተኖ፥ የሩሳላመ ያላጋ ማጫሳዉ፥ ሲቆይ ባዉ ዶስድ ደንዳና ጋካናዉ፥ እያ ህንተ ባርከና መላ፥ ታ ህንተና ገንኤንነ ዎራ ዎሽኤን አማታይስ።

Solomone 1:5

ህንተኖ፥ የሩሳላመ ማጫሳቶ ስእተ፤ ታኒ ካሬ ግድኮካ ማላ ሎኦ። ታ ካሬተይ ቀዳረ ዱንካነ መላ፤ ሽን ታ ማላይ ሶሎሞነ ማጋራጆታ መላ።

Mazmure 48:11

ነ ፕርዳ ጋሶን ፅዮነ አሳይ ኡፋይቶ፤ ይሁዳ ኩመይ ኡፋይሳን እልሎ።

Zakaryaasa 6:11

ኤንታፈ ኤክዳ ብራፐነ ዎርቃፈ ካላቻ መዳ እዮሳደቃ ናኣ፥ ካህነ ሀላቃ እያሱ ሁጰን ዎ።