ዮሃኒሳ ቆንጬ 4:4 - ጌሻ ማፃፋ

⁴ ሄ አራታ ዩሹዋን ላታማነ ኦይዱ አራታት ደኦሶና፤ ኤንታ ቦላ ቦ ማኦ ማእድ፥ ሁጰን ዎርቃ ካላቻ ዎዳ ላታማነ ኦይዱ ጭማት ኡትዶሶና።

Gofa New Testament

⁴ He araata yuushuwan laatamanne oyddu araatati de7oosona; entta bolla bootha ma7o ma7idi, huu7en worqqa kallachchaa wothida laatamanne oyddu cimati uttidosona.

Geeshsha Maxaafa

⁴ He araata yuushuwan laatamanne oyddu araatati de7oosona; enta bolla bootha ma7o ma7idi, huuphen worqa kallachaa wothida laatamanne oyddu cimati uttidosona.

Ooratha Caaquwa Goofatho

⁴ He araata yuushuwan laatamanne oyddu araatati de7oosona; entta bolla bootha ma7o ma77idi, huu7en worqqa kallachchaa wothida laatamanne oyddu cimati uttidosona.

ኦራ ጫቁዋ ጎፋ

⁴ ሄ ኣራታ ዩሹዋን ላታማኔ ኦይዱ ኣራታቲ ዴዖሶና፤ ኤንታ ቦላ ቦ ማዖ ማዒዲ፥ ሁዔን ዎርቃ ካላቻ ዎዳ ላታማኔ ኦይዱ ጪማቲ ኡቲዶሶና።

ዮሃኒሳ ቆንጬ 4:4 Referans Kwoze

ዮሃኒሳ ቆንጬ 11:16

ያትን፥ ፆሳ ስንን፥ ባንታ አራታን ኡትዳ ላታማነ ኦይዱ ጭማት ጉፋንድ፥ ፆሳስ ጎይንድ፥

Maatosa 19:28

የሱሲ ኤንታኮ ሀይሳዳ ያግስ፦ “ታኒ ህንተዉ ቱማ ኦዳይስ፤ አሳ ናአይ ያና አላምያን ባ ቦንቾ አራታን ኡትያ ዎደ ህንተ ታማነ ናምአት፥ ታና ካልዳይሳት፥ ታማነ ናምኡ አራታን ኡትድ ታማነ ናምኡ እስራኤለ ዘረታ ቦላ ፕርዳና።

ዮሃኒሳ ቆንጬ 4:10

ላታማነ ኦይዱ ጭማት አራታን ኡትዳይሳነ መርናዉ ደኤይሳ ስንን ጉፋንድ ጎይንዶሶና፤ ባንታ ካላቻ አራታ ስንን ዎድ፥

ዮሃኒሳ ቆንጬ 7:11

ኪታንቾት ኡባይ አራታ፥ ጭማታነ ኦይዱ መተታ ዩሹዋን ኤቅዶሶና። ኤንቲ አራታ ስንን ጉፋንድ ፆሳ ጎይንዶሶና።

ዮሃኒሳ ቆንጬ 20:4

ሄሳፈ ጉየ፥ አራታታነ አራታታ ቦላ ኡትድ ፕርዳና መላ ማት እመትዳይሳታ በአስ። የሱሳስ ማርካትዳ ግሾነ ፆሳ ቃላ ኦድዳ ግሾ ባንታ ቆያ ጎይረትዳ አሳ ሸምፑዋ በአስ። ኤንቲ ዶኣ ዎይኮ ዶኣ ምስልያ ጎይንቦኮና። ኤንቲ ዶኣ ማላ ባንታ ሶምኦን ዎይኮ ባንታ ኩሸን ዎቦኮና። ኤንቲ ሀይቆፐ ደንድድ ክርስቶሳራ እስፈ ሙኩሉ ላይ ሃርዶሶና።

ዮሃኒሳ ቆንጬ 5:14

ኦይዱ ደኦን ደእያ መተት፥ “አምንእ” ያግዶሶና፤ ቃስ ጭማት ጉፋንድ ጎይንዶሶና።

ዮሃኒሳ ቆንጬ 5:8

እ ሄ ፃ ማፃፋ ኤክዳ ዎደ፥ ደኦን ደእያ ኦይዱ መተትነ ላታማነ ኦይዱ ጭማት ዶርሳ ስንን ኩንድዶሶና። ኤንቲ እሶይ እሶይ ዲነ ጌሻታ ዎሳ ግድዳ እፃነይ ኩምዳ ዎርቃ ሻተ ኦይክዶሶና።

2 ፅሞትዮሳ 4:8

ስንፈ ፅሎተ ካላቻይ ታና ናጌስ። ሄሳ ፅሎ ፕርዳ ፕርድያ ጎዳይ ሄ ጋላስ ታዉ እማና። ሄሳ ታ ፃላላስ ግዶናሽን፥ እያ ቆንጨ አሞትያ ኡባስ እማና።

ዮሃኒሳ ቆንጬ 19:4

ላታማነ ኦይዱ ጭማትነ ደኦን ደእያ ኦይዱ መተት አራታን ኡትዳ ፆሳስ ጉፋንድ፥ “አምንእ! ፆሳ ጋላት ጋኮ” ያግድ ጎይንዶሶና።

ዮሃኒሳ ቆንጬ 7:9

ሄሳፈ ጉየ፥ ኮቸ ኡባፈ፥ ካዎተ ኡባፈ፥ ያራ ኡባፈነ ዱማ ዱማ ዶናፐ ዛው ባይና ዳሮ አሳ በአስ። ሄ አሳይ ቦ ማኦ ማእድ፥ ዛምባ ሀይ ባንታ ኩሸን ኦይክድ፥ አራታ ስንንነ ዶርሳ ስንን ኤቅዶሶና።

Mazmure 21:3

ሎኦ አንጆራ እያ ሞካሳ፤ ዋላህ ባይና ዎርቃ ካላቻ እያ ሁጰን ዎሳ።

ዮሃኒሳ ቆንጬ 19:14

ጶልያነ ጌሽ ግድዳ ሊኖ ማእዳ ሳሎ ኦላንቾት ቦ ፓራታ ቶግድ እያ ጌዶ ካሎሶና።

ዮሃኒሳ ቆንጬ 6:11

ኤንታ እሱዋስ እሱዋስ ቦ ማኦይ እመትስ። ኤንታይሳዳ ሀንድ ሀይቃናዉ በሲያ ኤንታ ላገታ ታይቦይ ኩማና ጋካናዉ ጉ ዎደ ሸምፓና መላ ኤንታዉ ኦደትስ።

ዮሃኒሳ ቆንጬ 9:7

ቦለይ ኦላስ ጊግድ ኡትዳ ፓራ ዳኔስ። ቦልያ ሁጰን ዎርቃ ካላች ደኤስ፤ ኤንታ ሶምኦይካ አሳ ሶምኦ ዳኔስ።

ዮሃኒሳ ቆንጬ 2:10

ኔኒ ኤካናዉ ደእያ ዋይያ ባቦፋ። ፃላሄይ ህንተፈ እሶታ እሶታ ፓጫናዉ ቃሾ ኬን የጋና፤ ታሙ ጋላስ ጋካናዉ ህንተ ዋየታና። ሀይቃና ጋካናዉ አማነትዳይሳ ግዳ፤ ታ ነዉ ደኦ ካላቻ እማና።”

Astiro 8:15

ማርድክዮስ ካሎሰነ ቦ ካዎተ ማኦ ማእድ፥ ኦቻ ቴራ ዳንያነ ሊኖፐ ኦሰትዳ ካባ ቦላራ ማእስ፤ ቃስ ግታ ዎርቃ ካላቻ ዎድ፥ ካዋ ስንፈ ከይስ። ሱሳ ካታማይ እልልሳንነ ኡፋይሳን ኖጩ ግስ።

ዮሃኒሳ ቆንጬ 3:18

ሄሳ ግሾ፥ ነ ዱረታናዉ ታማን ጌይዳ ዎርቃ፥ ነ ዬላ ካሉዋ ካማናዉ ቦ ማኦነ ሎይ ፄላናዉ ዳንዳእስያ አይፈ ለ ታፐ ሻማና መላ ነና ታ ዞራይስ።

ዮሃኒሳ ቆንጬ 4:6

አራታ ስንን ብርለ ዳንያ ጶልያ ቡርጩኮ አባይ ደኤስ። ስንራነ ጉየራ አይፈይ ደእያ ኦይዱ ደኦራ ደእያ መተት አራታ ዩሹዋንነ አራታ ግዶን ደኦሶና።

ዮሃኒሳ ቆንጬ 5:6

ሄሳፈ ጉየ፥ ሹከትዳ ዶርሳይ አራታስ፥ ኦይዱ ደኦን ደእያ መተታስነ ጭማታስ ግዶን፥ ኤቅዳይሳ በአስ። እያዉ ላፑን ካጨትነ ላፑን አይፈት ደኦሶና። ሄሳት ሳአ ኡባ ኪተትዳ ፆሳ ላፑን አያናታ።

ዮሃኒሳ ቆንጬ 5:11

ታ በእያ ዎደ ሙኩሉ ቶሆ ሙኩሉነ ታሙ ሙኩሉ ቶሆ ታሙ ሙኩሉ ግድያ ኪታንቾታ ግርሳ ስአስ። ኤንትካ አራታ፥ ኦይዱ ደኦን ደእያ መተታነ፥ ጭማታ ዩሹዋን ኤቅዶሶና።

ዮሃኒሳ ቆንጬ 14:3

144,000 አሳይ አራታ ስንን፥ ኦይዱ ደኦን ደእያ መተታ ስንንነ ጭማታ ስንን ኤቅድ ኤንታፈ ሀራ ኦንካ ታማራናዉ ዳንዳኦና ኦራ ማዝሙረ የፅዶሶና።