Nahime 2:7 - ጌሻ ማፃፋ

⁷ ቃስ፥ “ካዋ፥ ነና ኡፋይስያባ ግድኮ፥ ታ ይሁዳ ጋካናዉ ሄ ቢታራ ካንዳ አና መላ ኤፍራፂሳ ሻፋፐ ዉሎሀ ባጋራ ደእያ ቢታ ሃረይሳታስ ዳብዳበይ ፃፈቶ” ያጋዳ ካዋ ዎሳስ።

Geeshsha Maxaafa

⁷ Qassi, “Kawa, nena ufaysiyabaa gidiko, ta Yihuda gakanaw he biittara kanthada aadhana mela Efraxiisa shaafape wuloha baggara de7iya biitta haareysatas dabdaabey xaafeto” yaagada kawa woossas.

Nahime 2:7 Referans Kwoze

Izira 7:21

“ታኒ ካዎይ አርፀክስስ ኤፍራፂሳ ሻፋፐ ሄፍንን ቢታን ደእያ ሚሸ ኬን አዋተይ ደእያ ኡባታስ ሀ ኪታ እማስ። ካህነነ ሳሎ ፆሳ ህግያ ሎይ ኤርያ እዝር ህንተና ኦይችያባይ አይባ ግድኮካ እያዉ እምተ።

Nahime 2:9

ካዎይ ታራ ጉ ቶራ ሞጮናታነ ፓራ ቶገይሳታ የድስ። ታኒ ኤንታራ እስፈ ኤፍራፂሳ ሻፋፐ ዉሎሀ ባጋ ቢታ ጋካዳ ካዎይ የድዳ ዳብዳብያ ሄ ቢታ ሃረይሳታስ እማስ።

Izira 8:36

ካዎይ ኪትዳ ኪታካ ካዉዋፐ ጋርሳራ ቢታ አይሰይሳታስነ ኤፍራፂሳ ሻፋፐ ሄፍን ቢታ አይሰይሳታስ እምዶሶና፤ ኤንቲ እስራኤለ አሳነ ፆሳ ኬ ኦሱዋ ማድዶሶና።

Izira 6:6

ሄሳፈ ጉየ፥ ዳርዮስ ፃፍዳ ዳብዳበይ ሀይሳዳ ያጌስ። “ህንተኖ ኤፍራፂሳ ሻፋፐ ሄፍን ቢታ አይስያ ታታናያ፥ ሳታርቦዝንያነ ኤንታራ ኦይሳቶ፥ ሀ ፆሳ ኬኮ ሺቆፕተ።

Izira 8:22

ካሰ ኑኒ ካዋስ፥ “ኑ ፆሳ ሎኦ ኩሸይ እያ ኮየይሳታ ቦላ ደኤስ፤ ሽን እያ ዎልቃማ ሀንቆይ እያ አገይሳታ ቦላ ደኤስ” ያግድ ኦድዳ ግሾ፥ ኑኒ ብያ ኦግያን ደእያ ሞርከታፐ ኑና ናጋና መላ ዎታዳረነ ፓራታ እማናዳ ካዋ ኦይቻናዉ ዬላታስ።

Nahime 3:7

ኤንታ ላንቀን ደእያ በሳ ጋባኦና ካታማ አስ ግድዳ ማላፅነ መሮኖታ ካታማ አስ ግድዳ ያዶን ግምብዶሶና። ጋባኦናነ ምፅጳ ካታማ አሳይ ኤንታራ እስፈ ግድድ፥ ኤፍራፂሳ ሻፋፐ ዉሎሀ ባጋ ቢታ ሃረይስ ደእያ ኬ ጋካናዉ ደእያ በሳ ግምብዶሶና።