Nahime 1:3 - ጌሻ ማፃፋ

³ ኤንቲ ዛሪድ፥ “ባብሎነ ድኤቶና አትዳ አሳይነ ድኤትድ ስምዳ አይሁደት ግታ መቶንነ ካዉሻን ደኦሶና። የሩሳላመ ግምበ ድርሳይ ላለትስ ቃስ ግምብያ ፐንገት ታማን ፁገትዶሶና” ያግዶሶና።

Geeshsha Maxaafa

³ Enti zaaridi, “Babiloone di7etonna attida asaynne di7etidi simmida Ayhudeti gita metoninne kawushan de7oosona. Yerusalaame gimbe dirsay laaletis qassi gimbiya pengeti taman xuugetidosona” yaagidosona.

Nahime 1:3 Referans Kwoze

Nahime 2:17

ሄሰፈ ጉየ፥ ኤንታኮ፥ “ኑኒ አይ መላ መቶን ደእያኮ በኤታ፤ የሩሳላመ ካታማይ ላለትስ፤ ግምበ ፐንገት ታማን ፁገትዶሶና። ሀ ዪተ፥ የሩሳላመ ግምብያ ዛሪድ ግምቦስ፤ ኑና ጋክዳ ዬላ አነ ድጎስ” ያጋስ።

2 Kawota 25:10

ባብሎነ ኦላንቾት ኡባይ ካዋ ናገይሳታ ሀላቃ ኪታን የሩሳላመ ካታማ ዩሹዋን ደእያ ድርሳ ግምብያ ኡባ ላልዶሶና።

Nahime 7:6

ባብሎነ ካዎይ ናቡካዳናፆር ድእድ፥ ባ ቢታ ኤፍዳ አሳፐ ጉየ ባንታ ካታማ የሩሳላመነ ይሁዳን ደእያ ባንታ ካታማታ ስምዳ አሳይ ሀይሳፈ ካልድ ደኤይሳታ።

Nahime 2:13

ታኒ ብላሄ ደንዳዳ ዛንጋራ ፐንግያራ ካንዳ፥ ዳወ ፑልቶ ጌተትያ በሳራ አዳ፥ ፕቶ ፐንገ ጌተትያ በሳ ጋካናዉ ባስ። ያራ አሸ ላለትዳ የሩሳላመ ግምብያነ ታማን ፁገትዳ ግምበ ፐንገታ በአስ።

Nahime 2:3

“ካዎይ መርናዉ ካዎቶ! ታ ማይዛት ሞገትዳ ካታማይ ላለትድ ይን፥ ቃስ ሄ ካታማ ድርሳ ፐንገት ታማን ፁገትን አይስ አዛንክና?” ያጋስ።

Izira 5:8

ኑኒ ይሁዳ ቢታን ደእያ ግታ ፆሳ ኬ ብድ በእዳይሳ ካዎይ ኤሮ። ሄ ፆሳ ኬይ ግታ ሹቻን ኬፀትስ፤ ግምበ ቱሳት ከይዶሶና፤ ኦሶይካ ግታ አኬካንነ ኤሶን ኦሰትሸ ደኤስ።

Milalsa 5:1

አቤት ጎዳዉ፥ ኑና ጋክዳባ ኡባ ቆፓ፤ ኑ ካዉሻተ በአ!

Milalsa 3:61

አቤት ጎዳዉ፥ ኤንቲ ታና ጫይያ ጫሻነ ታ ቦላ ማቀትያ ማቁዋ ኡባ ስአዳሳ።

Milalsa 1:7

የሩሳላመይ ባ መቱዋነ ባ ኡንአ ጋላሳን፥ በን ባ ቦንቾ ሻሉዋ ሀሳያዉሱ። እ፥ አሳይ ሞርከታ ኩሸን አድ እመትዳ ዎደ፥ እዮ ማድያ እሶይካ በንትቤና። እ ሞርከት እዮ ፄልድ፥ እ ዩዋን ሚጭዶሶና።

Ermiyaasa 52:14

ባብሎነ ኦላንቾት ኡባይ ካዋ ናገይሳታ ሀላቃ ኪታን፥ የሩሳላመ ካታማ ዩሹዋን ደእያ ድርሳ ግምብያ ኡባ ላልዶሶና።

Ermiyaasa 42:18

“ኡባፈ ዎልቃማ ጎዳይ፥ እስራኤለ ፆሳይ፥ ‘የሩሳላመን ደኤይሳታ ቦላ ታ ሀንቆይነ ታ ይሎይ ጉክዳይሳዳ፥ ህንተ ግብፀ ገልያ ዎደ ህንተ ቦላ ታ ሀንቆይ ሄሳዳ ጉካና። ህንተ ዳጋማስ፥ ጫሻስ፥ ባደስነ ሚቻስ አታና፤ ሀ በሳ ዛሪድ በኤከታ’ ያጌስ።

Ermiyaasa 39:8

ባብሎነ ኦላንቾት ካዎ ጋነ አሳይ ደእያ ኬ ኡባ ታማን ፁግዶሶና፤ የሩሳላመ ግምብያካ ላልዶሶና።

Ermiyaasa 29:18

ታኒ ኤንታ ማሻን፥ ኮሻንነ ጋዶን የደዳ፥ ኤንታ ሳአን ደእያ ካዎተ ኡባስ ዳጋማ ኦና። ቃስ ታ ኤንታ ከሳዳ የድዳ ቢታ ኡባን ባደስ፥ ዳጋማስ፥ ቦረስነ ጫሻስ ኦና።

Ermiyaasa 24:9

ታኒ ኤንታ ጎዳዳ የድያ ቢታ ኡባን፥ ሀ ሳአ ካዎተት ኤንታ በእድ ዳጋማና። ታኒ ኤንታ እፀትዳይሳታ፥ ጫየትዳይሳታ፥ ቦረትዳይሳታ፥ ሌምሰተይሳታ፥ ቀልቅሰተይሳታ፥ ባደትዳይሳታ ኦና።

Ermiyaasa 5:10

“እ ዎይነ ጋድያ ግዶ ገልድ ኢስተ፥ ሽን ኩመ ይሶፍተ። ኤንቲ ጎዳባ ግዶና ግሾ እ ታሸታ ካርድ የግተ።

Isayaasa 43:28

ሄሳ ግሾ፥ ታኒ ታ ኬ ሀላቃታ ካዉሻስ፤ ያይቆባ ጋዶስ፥ እስራኤለ ጫሻስ አዳ እማስ።”

Isayaasa 5:5

ሀእ ታኒ ታ ዎይነ ጋድያ ቦላ ኦናባ ህንተዉ ኦዳና። ታኒ እያ ድርሳ ድጋና፤ ዎይነይ ያናዳ ኦና። ታኒ ግምብያ ላላና፤ ዎይነ ጋደይ የታና።

Mazmure 79:4

ኑ ሾሮታስ ኑኒ ሚቻስ፥ ኑ ሄራን ደእያ አሳስ ቀልቅሰስ አትዳ።

Astiro 1:1

ካዎይ አርፀክስስ ህንደ ቢታፈ ቶጰ ቢታ ጋካናዉ ደእያ፥ ፄታነ ላታማነ ላፑን ቢታ አይስያ ዎደ ሀንዳባ።

Nahime 11:3

ሀራ ካታማታን ደእያ እስራኤለ አሳይ፥ ካህነት፥ ሌወት፥ ፆሳ ኬ ኦሳንቾት፥ ሶሎሞነ አይለታ ሼሻት ኡባይ ባንታ ካታማን ካታማን ደእያ ጋድያ ኦይክድ ደእዶሶና። ሀይሳፈ ካልድ ፃፈትዳይሳት፥ የሩሳላመን ደአናዉ ይዳ ቢታ ሹማታ፤

Izira 2:1

ባብሎነ ካዎይ ናቡካዳናፆር ድእድ፥ ባ ቢታ ኤፍዳ አሳፐ ጉየ፥ የሩሳላመነ ይሁዳ ባንታ ካታማ ካታማ ስምዳ አሳይ ሀይሳፈ ካልድ ፃፈትዳይሳታ።

1 Kawota 9:7

እስራኤለ አሳ ታኒ ካሰ ኤንታዉ እምዳ ቢታፈ ሾዳና፤ ታኒ ታ ሱንስ ጌሽዳ ሀ ኬ አጋና። እስራኤለት አሳ ኡባ ግዶን ካስነ ሚቻስ አታና።

Leemiso 25:28

ባና ሃሮና አስ ድርስ ላለትዳ ካታማ መላ።

Milalsa 2:9

የሩሳላመ ፐንገ ሳንቃት ቢታን ሞገትዶሶና፤ ኤንታ ጎርደ ምታ መንረድ ይስስ። ካዎይነ ሞርናት ድኤትድ ካዎተታ ግዶ ብዶሶና፤ ህገ ታማርሰይ ባዋ፤ ናበትካ ህዛፐ ጉየ ቆንጨ በኦኮና።

Leeweta 26:31

ታኒ ህንተ ካታማታ ባይሳ ኦና፤ ህንተ ጎይኖ በሳታ ይሳና፤ ህንተ ሳውያ ያርሹዋ ስንግከ።

Leeweta 26:33

ታኒ ህንተና ካዎተታ ግዶን ላላና፤ ህንተ ቦላ ታ ማሻ ሾዳና። ህንተ ቢታይ ባይሳታና፤ ህንተ ካታማት ላለታና።

2 Taarike 36:19

ኤንቲ ፆሳ ኬ ታማን ፁግድ፥ የሩሳላመ ግምበ ድርሳ ላልዶሶና። ካዎ ጋዋ ታማን ፁግድ፥ ያን ደእያ አልኦ ሚሸ ኡባ ይስዶሶና።