Milalsa 2:9 - ጌሻ ማፃፋ

⁹ የሩሳላመ ፐንገ ሳንቃት ቢታን ሞገትዶሶና፤ ኤንታ ጎርደ ምታ መንረድ ይስስ። ካዎይነ ሞርናት ድኤትድ ካዎተታ ግዶ ብዶሶና፤ ህገ ታማርሰይ ባዋ፤ ናበትካ ህዛፐ ጉየ ቆንጨ በኦኮና።

Geeshsha Maxaafa

⁹ Yerusalaame penge sanqati biittan moogetidosona; enta gorde mithata mentherethidi dhaysis. Kawoynne moorinnati di7etidi kawotethata giddo bidosona; higge tamaarsey baawa; nabetika hizape guye qoncethi be7okona.

Milalsa 2:9 Referans Kwoze

Hizqeela 7:26

እስ ጋዶይ ሀራ ጋዶ ካለና፤ እስ ዎረይ ሀራ ዎረ ካልድ ያና። ኤንቲ ናበታፐ ቆንጨ ኮያና፤ ካህነታስ ታማርስያባይ ያና፤ ጭማታስ ዞርያባይ ያና።

Hose 3:4

እስራኤለ አሳይ ካዎይ ዎይኮ ሀላቅ ባይና፥ ያርሾይ ዎይኮ ኤቃ ቱስ ባይና፥ ኤፉደ ማኦይ ዎይኮ ኤቃ ምስለይ ባይና ዳሮ ዎደ ዳና።

Nahime 1:3

ኤንቲ ዛሪድ፥ “ባብሎነ ድኤቶና አትዳ አሳይነ ድኤትድ ስምዳ አይሁደት ግታ መቶንነ ካዉሻን ደኦሶና። የሩሳላመ ግምበ ድርሳይ ላለትስ ቃስ ግምብያ ፐንገት ታማን ፁገትዶሶና” ያግዶሶና።

2 Taarike 15:3

እስራኤለ አሳይ ቱማ ፆሲ ባይና፥ ታማርስያ ካህነይነ ህገይ ባይና ዳሮ ዎደ ደእዶሶና።

Ermiyaasa 51:30

ባብሎነ ኦላንቾት ኦላ አግድ፥ ባንታ ሚፃን ኡትዶሶና። ኤንታ ዎልቃይ ላፍን፥ ማጫሳ መላ ግድዶሶና። ኤንታ ኬት ፁገትዶሶና፤ ካታማ ፐንግያ ኮበ ምት መቅዶሶና።

Mazmure 74:9

ሄ ዎደ ማላት ኑስ እመተና፤ ናበይካ ዴና። ሄስ አዉደ ጋካናዉ ጋምአነኮ፥ ኤርያ አስ ኑ ግዶን ባዋ።

Zaaretho 28:36

ጎዳይ ነናነ ነ ካዋ፥ ነናነ ነ ማይዛታ ኤሮና አሳ ቢታ ኤፋና። ሄሳን ኔኒ ምፈነ ሹቻፈ ኦሰትዳ ሀራ ፆሳታ ጎይናና።

Hizqeela 17:20

ታኒ ታ ግትያ እያ ቦላ ምጭን፥ እ ታ ፅህያን ኦይከታና። እ ታዉ አማነቶና እፅዳ ግሾ ታ እያ ባብሎነ ኤፋዳ፥ ያን እያ ቦላ ፕርዳና።

Hizqeela 12:13

ታ ግተ እያ ስንን የጋዳ ኦይካና። ታኒ እያ ካልዳወታ ቢታ ባብሎነ ካታማ ኤሀና፤ ሽን እ ሄ ካታማ በኦና ሀይቃና።

Milalsa 4:20

ጎዳይ ትይዳ ካዎይ፥ ኑ ደኡዋስ ሸምፖይ፥ ኤንታ ፅህያን ኦይከትስ። ኑ እያ ኩያ ጋርሳን ኡትድ፥ ካዎተታ ግዶን ዳና ግድ ቆፕዳ።

Milalsa 4:15

ሄሳ ግሾ፥ አሳይ፥ “ክችተ! ህንተ ቱና ግድያ ግሾ፥ ኑና ቦቾፍተ!” ያግድ ኤንታ ቦላ ዋስዶሶና። ኤንቲ ባቃትድ ቶይላትያ ዎደ፥ ካዎተታን ደእያ አሳይ፥ “ህንተ ኑራ ሀይሳን ዳናዉ ዳንዳኤከታ” ያግዶሶና።

Milalsa 1:3

ይሁድ ናቀታዳ፤ አይለታዳ ድኤታሱ፤ ሀእ ካዎተታ ግዶን ደአዉሱ፤ ሽን ሸምፖ በሲ ደማቡኩ። እያ መቶታዳ ደእሽን፥ የደይሳት እዮ ደምዶሶና።

Ermiyaasa 52:14

ባብሎነ ኦላንቾት ኡባይ ካዋ ናገይሳታ ሀላቃ ኪታን፥ የሩሳላመ ካታማ ዩሹዋን ደእያ ድርሳ ግምብያ ኡባ ላልዶሶና።

Ermiyaasa 39:8

ባብሎነ ኦላንቾት ካዎ ጋነ አሳይ ደእያ ኬ ኡባ ታማን ፁግዶሶና፤ የሩሳላመ ግምብያካ ላልዶሶና።

Ermiyaasa 39:2

ሰደቅያስ ካዎትዳ ታማነ እስን ላይን፥ ኦይዳን አጌናን፥ ኡዱፉን ጋላሳን ባብሎነ ኦላንቾት ካታማ ግምብያ መንዶሶና።

Ermiyaasa 14:14

ጎዳይ ዛሪድ፥ “ናበት ታ ሱንን ዎርዶ ኦዶሶና፤ ታ ኤንታ ኪታብከ ዎይኮ ኤንታዉ ኦዳብከ። ኤንቲ ህንተዉ ኦደይ ዎርዶ ቆንጨ፥ ፓና ካዮነ ባንታዉ መ ከስዳ ዎርዶ ሃሳዮሶና።

2 Kawota 25:7

ሰደቅያሳ ናይታ፥ ሰደቅያስ ፄልሽን ዎዶሶና። እያ አይፈታ ዎጭ ከስድ፥ ሳንላታን ቃችድ፥ ባብሎነ ቢታ ኤፍዶሶና።

Ermiyaasa 23:16

“ናበት ኦድያባ ስኦፕተ፤ ኤንቲ ሀኖና ኡፋይሳን ኩንሶና። ጎዳይ ኦዶናሽን ኤንቲ ባንታፈ መ ከስድ ቆንጨ ኦዶሶና።

Hose 11:6

ኤንታ ካታማን ማሽ ደንዳና፤ ኤንታ ካታማታ ፐንገታ መንረና፤ ኤንታ ዞረታይ ላለታና።

Amoxe 1:5

ታኒ ዳማስቆ ካታማ ፐንግያ መንና፤ አዌና ዛንጋራን ደእያ አሳ የደናነ ካዎታ ፃምኣ ኦይክዳይሳታ ቤት-ኤደናፐ ይሳና፤ ሶረ አሳይ ደኤትድ፥ ቂራ ባና” ያጌስ።

Zaaretho 28:63

ጎዳይ፥ ህንተዉ ሎኦባ ኦያ ዎደነ ህንተ ታይቦይ ዳርያ ዎደ ኡፋይትዳይሳዳ ሀእ ህንተ ቦላ ጋዶ ኤህያ ዎደነ ህንተና ይስያ ዎደ ኡፋይታና፤ ህንተ ላታናዉ ብያ ቢታፈ ሾደትድ ያና።

1 Sameela 28:6

ሄሳ ግሾ፥ አይ ኦነኮ ጎዳ ኦይችስ፤ ሽን ጎዳይ አሙሆን ዎይኮ ኡሪመን ዎይኮ ናበታ ባጋራ እያዉ ኦድቤና።

Isayaasa 24:12

ካታማይ ላለትስ፤ ካታማ ፐንገት መቀረትዶሶና።