Medhetethi 8:21 - ጌሻ ማፃፋ

²¹ ያትን፥ ጎዳይ ሄ ያርሹዋ ፔኑዋ ስንግድ፥ ባ ዎዛናን ሀይሳዳ ያግስ፤ “ናአተፈ ዶምድ አስ ዎዛናን ቆፕያባ ኡባይ ኢታ ግድኮካ ታኒ አሳ ቆሆ ግሾ ጋዳ ናምአን ሀ ሳኣ ባድከ። ቃስ ታኒ ሀእ ኦዳይሳዳ ደኦይ ደእያ መተ ኡባ ናምአን ይስከ።

Geeshsha Maxaafa

²¹ Yaatin, Goday he yarshuwa peenuwa singidi, ba wozanan haysada yaagis; “Na7atethafe doomidi asi wozanan qopiyaba ubbay iita gidikoka taani asa qoho gisho gada nam7antho ha sa7aa baaddike. Qassi taani ha7i oothidaysada de7oy de7iya medhetetha ubbaa nam7antho dhaysike.

Medhetethi 8:21 Referans Kwoze

2 ቆሮንቶሳ 2:15

ኑኒ አትያ አሳ ግዶንነ ይያ አሳ ግዶን ክርስቶሳ ባጋራ ፆሳስ እመትዳ ሳውያ ሽቶ መላ።

Efesoona 5:2

ክርስቶስ ኑና ዶስድ ባና ኑ ግሾ ፆሳስ ሳውያ እሞነ ያርሾ ኦድ እምዳይሳዳ ህንተካ ሲቆን ደእተ።

Ermiyaasa 17:9

“አሳ ዎዛን ኡባፈ አድ ጭሜስነ ኢታ፤ እያ ጋ ቆፋ ኦን ኤራናዉ ዳንዳኢ?

Medhetethi 6:5

ጎዳይ ሄ ዎደ ሳአ ቦላ ደእያ አሳ ኢታተ ዳርዳይሳነ ኤንታ ዎዛናይ ኡባ ዎደ ቆፕያባይ ኢታ ፃላላ ግድዳይሳ

ፍልጵስዩሳ 4:18

ታኒ፥ ህንተ እምዳ ኡባነ ግድድ ፓላሄይሳ ኤካስ። ህንተ የድዳ ኡባ ኤጳፍራድቱሳፐ ኤካስ፤ ኮሽያባ ኡባይ ታዉ ደኤስ። ህንተ ታዉ የድዳ እሞይ ፆሳስ ሳዎ ቶንኩ ግያ፥ እ ዶስያ፥ እ ኡፋይትያ ያርሾ መላ።

Roome 3:23

አሳ ኡባይ ናጋራ ኦዶሶና፤ ፆሳይ ኤንታዉ እምዳ ቦንቹዋፈ ሃክድ አትዶሶና።

Hizqeela 20:41

ህንተ ላለትዳ ካዎተታ ግዶፈ ታኒ ህንተና ኤህያ ዎደነ ሀራ ቢታታፐ ታ ህንተና ሺሽያ ዎደ ሳዎ ቶንኩ ግያ ያርሾዳ ታ ህንተና ኤካና። ካዎተት ፄልሽን፥ ህንተ ግዶን ታ ጌሻተ ቆንጭሳና።

Maatosa 15:19

ኤንትካ፦ አሳ ዎዛና ግዶፈ ከይያ ኢታ ቆፋ፥ ዎ፥ ላይማተ፥ ኢታ ኦሶ፥ ካይሶ፥ ዎርዶ ማርካተ፥ ጫሸ።

Leeweta 1:13

ሽን ሄ ኡራይ ኡሎ አሹዋነ ገዳታ ሃን ሜጮ፤ ካህነይ ሄ ኡባ ያርሾ በሳን ፁጎ፤ ሄስ ጎዳስ ታማን ፁገትያ ሳዎ ቶንኩ ግያ ያርሾ ግዳና።

Erata 7:20

ፅሎባ ፃላላ ኦድ ናጋራ ኦና ደእያ አስ ሀ ሳኣ ቦላ ባዋ።

Leeweta 1:9

ሽን ሄ ኡራይ ኡሎ አሹዋነ ገዳታ ሃን ሜጮ። ካህነይ ሄ ኡባ ያርሾ በሳን ፁጎ፤ ሄስ ጎዳስ ታማን ፁገትያ ሳዎ ቶንኩ ግያ ያርሾ ግዳና።

Medhetethi 3:17

ጎዳ ፆሳይ አዳመኮ፥ “ኔኒ ነ ማቸ ኦዳ ስእዳ ግሾነ ታኒ ነና ሞፓ ግዳ ም አይፍያፐ ኔኒ ምዳ ግሾ፥ ቢታይ ነ ጋሶን ባደትዳይሳ ግዶ። ኔኒ ነ ደኦ ላይ ኡባን ግታ ዳቡርሳን ቢታ ኦዳ ማና።

Yohaanisa 3:6

አሾ ናአተ አዉፐነ አይፐ ዬስ፤ ፆሳ ናአተ ጌሻ አያናፐ እመቴስ።

Isayaasa 53:6

ኑኒ ኡባይ ኦገ ባልዳ ዶርሳዳ ዎራ ብዳ፤ ኑ ኡባይ ኑ ኦግያ ኦግያ ብዳ። ሽን ጎዳይ ኑ ኡባ ናቁዋ እያ ቦላ ዎስ።

Mazmure 58:3

ኢታ አስ አየ ኡሎፐ ዶምድ ሀሌስ፤ የለትዳ ጋላሳፐ ዶምድ፥ ባሌስነ ዎርዶ ኦደቴስ።

Mazmure 51:5

ሄኮ ታ የለትያ ዎደ ናጋራንቾ፤ ታ አየ ኡሎን ቡሮ አትያ፥ ዎደፐ ዶማዳ ታኒ ናጋራንቾ።

1 ዮሃንሳ 5:19

ኑኒ ፆሳሳ ግደይሳነ ሀ ኩመ አላመይ ፃላሄን ሃረተይሳ ኤሮስ።

Roome 1:21

ኤንቲ ፆሳ ኤርሸ፥ እያ ቦንችቦኮናነ ጋላትቦኮና። ኤንታ ቆፋይ ማዶናባ ግድስ፤ ኤንታ አኬኮና ዎዛናይ ምስ።

Ermiyaasa 18:12

ሽን ኤንቲ፥ ‘ሀይስ አይኮካ ማደና! ኑኒ ኑ ቆፋዳ ሀናና፤ ኑ እሶይ እሶይ ኑ ኢታ ዎዛና ካላና’ ያጋና” ያግስ።

Leemiso 20:9

“ታ ዎዛናይ ጌሽ፤ ታናን ናጋር ባዋ” ጋናዉ ዳንዳእያ አስ ዳነሻ?

Iyyoba 14:4

ቱናባፐ ጌሻባ ከሳናዉ ዳንዳኤይ ኦኔ? ኦንካ ባዋ።

Leeweta 1:17

እ ሄ ካፉዋ ቀፈታ ኦይክድ ሻኮ፥ ሽን ኩመ ሻኮፎ። ካህነይ ያርሾ በሳ ቦላ ደእያ ታማን ዎድ ፁጎ፤ ሄስ ጎዳስ ታማን ፁገትያ ሳዎ ቶንኩ ግያ ያርሾ ግዳና።

Kessa 29:25

ሄሳፈ ጉየ፥ ኤንታ ኩሸፐ ኤካዳ ያርሾ በሳ ቦላ ዎ፤ ፁሳ ያርሹዋራ ጋዳ፥ ጎዳ ሳዋና መላ ያርሾ በሳ ቦላ ታማን ፁጋ።

Kessa 29:18

ሄሳፈ ጉየ፥ ኩመ አሹዋ ያርሾ በሳን ፁጋ። ሄስካ ጎዳስ ፁሳ ያርሾ። ሄ ያርሹዋ ሳዎይ ጎዳ ኡፋይሴስ።

Medhetethi 6:17

“ታኒ ሳሎፐ ጋርሳን ሸምፖራ ደእያ መተ ኡባ ይሳናዉ ዮ ሃ የዳዳ ሀ ሳኣ ቦላ ደእያባ ኡባ ይሳና።

Ermiyaasa 8:6

ታ ምንዳ ሀይዛስ፤ ሽን ኤንቲ ቱማ ሃሳዮኮና። ‘ታ አይ ኦድና?’ ግድ ባ ኢታ ናጋራ ፓፀይ እሶይካ ባዋ። ኡባይ ኦላስ ጋላብያ ፓራዳ ባዉ ባዉ ዎፄስ።

Isayaasa 65:6

“ሄኮ፥ ታ ስንን ፃፈት ኡትስ፤ ታኒ ኤንታዉ ዛራና ስእ ጊከ፤ ኤንታ ሴራናዉ ደንዳስ።

Isayaasa 48:8

ኔኒ ስአባካ፤ ኤራባካ፤ ነ ሀይይ በንፐካ ዶየትቤና። ኔኒ አይ ጭምያ አሴኮ ታኒ ኤራይስ፤ ኔኒ የለቶሳፐ ጌላ ጌተታዳ ፄገተይሳ ኤራይስ።

Isayaasa 47:15

ኔኒ ኤንታራ ዳቡርዳይሳት፥ ናአተፈ ዶምድ ኔራ ዛልእዳይሳት ነዉ ሄሳ መላ። ኤንቲ እሶይ እሶይ ባ ባላን ባላን ኦይከታና፤ ነና አሽያ ኦንካ ባዋ።”

Isayaasa 47:12

“አነ ኔኒ ነ ናአተፈ ዶማዳ ኦሸ ደእዳ ነ ብታነ ነ ሙሩኑዋ ሀእካ ኦ። ኦን ኤር ነ ቆፕዳይሳ መላ ሀናኔኮ ዎይኮ ኔኒ እያራ ዳጋንኔኮ።

Leeweta 26:31

ታኒ ህንተ ካታማታ ባይሳ ኦና፤ ህንተ ጎይኖ በሳታ ይሳና፤ ህንተ ሳውያ ያርሹዋ ስንግከ።

Medhetethi 5:29

ያትድ፥ “ሀ ናአይ ጎዳይ ባድዳ ቢታ ቦላ ሀ ዳቡራ ኦሶ ኡባፈ ኑና ሸምፕሳና” ግድ እያ ኖሄ ግድ ሱንስ።

Medhetethi 4:12

ኔኒ ኦንካ ቢታይ ነዉ አይፈና፤ በተ አሳዳ ኔኒ ሳአ ቦላ ቶይላታዳ ዳቡራና” ያግስ።

Medhetethi 6:7

ታኒ አሰ አይስ መድና ጋዳ ቂሮታስ። ሄሳ ግሾ፥ ጎዳይ፥ “ታኒ መዳ አሰ፥ መሄ፥ ዶአ፥ ሳአራ ጎሸትያ መተታነ ሳሎ ካፎታ ሳአ ቦላፈ ይሳና” ያግስ።

Medhetethi 6:13

ሄሳ ግሾ፥ ፆሳይ ኖሄ ሀይሳዳ ያግድ ኪትስ፤ “ታኒ አሳ ኡባ ይሳና ሀናይስ። ኤንታ ጋሶን ቢታይ ጌላተን ኩምዳ ግሾ፥ አሰ ቢታፈ ይሳና።

Leeweta 4:31

እስፈተ ያርሾስ ሹከትዳ መህያፐ ሞዋ ከስዳይሳ መላ ሄ ዴሸ ሞዋ ቃር ከስድ፥ ያርሾ በሳን ጎዳስ ሳዎ ቶንኩ ግያ ያርሾ ኦድ ፁጎ። ሄሳዳ ኦድ፥ ካህነይ ሄ ኡራ ናጋራ ቁሽሴስ፤ እያ ናጋራይ አቶ ጌተታና።

Leeweta 8:28

ሙሰይ ሄ ካ ኤንታ ኩሸፐ ኤክድ፥ ፁሳ ያርሹዋራ ጋድ፥ ካህነታ ሹምያ ዎደ ጎዳስ ሳዎ ቶንኩ ግያ ያርሾ ኦድ ያርሾ በሳን ፁግስ።

Taybo 15:3

ፁሳ ያርሾ ግድን ዎይኮ ጋሶ ያርሾ ግድን ዎይኮ ዶሳን ያርሽያ ያርሾ ግድን ዎይኮ ባኣለ ጋላሳ ያርሾ ግድን፥ መሄፐ ዎይኮ ዶርሳፈ ጎዳስ ታማን ፁገትያ ሳውያ ያርሾ ያርሽተ።

1 Sameela 26:19

ታ ጎዳዉ፥ ካዋዉ፥ ኔኒ ነ አይልያ ቃላ ስአና መላ ታ ነና ዎሳይስ። ጎዳይ ነና ታ ቦላ ደንዳባ ግድኮ፥ እ ያርሾ ኤኮ። ሽን አስ ነና ደንዳባ ግድኮ፥ ‘ባዳ ሀራ ፆሳታ ጎይና’ ያግዶሶና። ጎዳ ቢታን ታዉ ደእያ ላታፐ ኤንቲ ታና ጎድዳ ግሾ ኤንቲ ጎዳ ስንን ባደትዳባ ግዶ!

Mazmure 58:4

ኤንቲ ሾሻዳ ዪሻራ ደኦሶና፤ ኤንቲ ቱለ ጎፐዳ ስኦኮና።