Medhetethi 41:8 - ጌሻ ማፃፋ

⁸ ሳአይ ዎንትን ስኮፈ እ ደንድያ ዎደ እያ ዎዛናይ ያርክስ። ሄሳ ግሾ፥ ግብፀን ደእያ ብታንቾታነ ኤራንቾታ ኡባ ካዎይ ፄግስድ ኤንታዉ ባ አሙሁዋ ኦድስ። ሽን እያዉ ሄ አሙሁዋ ብርሽያ አስ ይስ።

Geeshsha Maxaafa

⁸ Sa7ay wontin dhiskofe I dendiya wode iya wozanay yarkis. Hessa gisho, Gibxen de7iya bitanchotanne eranchota ubbaa kawoy xeegisidi entaw ba amuhuwa odis. Shin iyaw he amuhuwa birshiya asi dhayis.

Medhetethi 41:8 Referans Kwoze

Daanela 4:7

ሄ ዎደ ማሮት፥ ሙራንቾት፥ ፆልንቶ ታይበይሳትነ ብታንቾት ታኮ ይን፥ ታ አሙሁዋ ኤንታዉ ኦዳስ፤ ሽን ኤንቲ ብርሸ ታና ኤርሳናዉ ዳንዳእቦኮና።

Kessa 7:22

ሽን ግብፀ ብታንቾት ባንታ ብታን ሄሳዳ ኦዶሶና። ጎዳይ ግዳይሳዳ ካዉዋ ዎዛናይ ሙምን፥ ሙሰይነ አሮን ኦድዳይሳ ስኦና እፅስ።

Maatosa 2:1

ካዋ ሄሮዲሳ ዎደን የሱሲ ይሁዳ ቢታን ቤተለመ ካታማን የለትዳፐ ጉየ ፆልንቶ ታይብያ አሳት ዶሎሀፐ የሩሳላመ ይድ፥

Daanela 4:5

እስ ጋላስ ታኒ ያሽያ አሙሆ በአስ። ታኒ ታ አርሳን ዝንአዳ፥ በእዳ አሙሆይነ ቆንጨይ ታና ዳጋንስ።

Daanela 1:20

ካዎይ ኤንታ ኦይችዳ አይ ጭንጫተነ አኬካ ኦይሻን፥ እያ ካዎተን ደእያ ማሮታፐነ ብታንቾታፐ ኤንቲ ታሙ ኩሸ አድ በንትዶሶና።

Isayaasa 29:14

ሄሳ ግሾ፥ ታኒ ሀ አሳ ቦላ ዛራ ዛራ ማላልስያባ ኦና። ጭንጫታ ጭንጫተ ኤያ ከሳና፤ ኤራንቾታ ኤራ ዶግሳና” ያግስ።

Kessa 7:11

ሄሳፈ ጉየ ካዎይ ማሮታነ ብታንቾታ ፄግስስ። ኤንትካ ባንታ ብታን ሄሳዳ ኦዶሶና።

Daanela 4:19

ሄ ዎደ ብልፃሶራ ጌተትያ ዳነል ዳጋምድ፥ ሀንያባ ይስ። እ ዳጋምዳ ግሾ ጉ ዎደ ስእ ግድ ጋምእስ። ያትን፥ ካዎይ፥ “ብልፃሶራ፥ ሀ አሙሆይነ እያ ብርሸይ ነና ዳጋንፎ” ያግስ። ብልፃሶር ዛሪድ፥ “ታ ጎዳዉ፥ ሀ አሙሆይ ነና እፀይሳታስ፥ እያ ብርሸይ ነ ሞርከታስ ግዶ።

Isayaasa 8:19

“ሱይቅሸነ ካልካሽሸ ኦድያ ማሮታነ ሞይትለታ ኦይችተ” ያግድ ህንተና ዞርያ አሳይ ደኦሶና። ደኦን ደኤይሳታስ ሀይቅዳይሳታ ኦይቸይሳፈ አሳይ ባንታ ፆሳ ኦይቻናዉ በሰኔ?

Leeweta 19:31

“ሞይትለ ኦድስያ አሳኮ ዎይኮ ማሮታኮ ቦፕተ፤ ህንተ ቱኖና መላ ኤንታ ኮዮፕተ። ታኒ ጎዳ፥ ህንተ ፆሳ።

Kessa 8:7

ሽን ማሮትካ ባንታ ብታን ሄሳዳ ኦድ ግብፀ ቢታን ሾ ከስዶሶና።

Medhetethi 40:8

ኤንቲ፥ “ኑ ናምአይካ አሙሆ አሙህዳ፥ ሽን ኑስ ብርሽያ አስ ይስ” ያግዶሶና። ዮሰፍ ኤንታኮ፥ “አሙሆ ብርሽያ ኤራተይ ፆሳባ ግደነዬ? አነ ህንተ አሙሁዋ ታዉ ኦድተ” ያግስ።

Medhetethi 40:6

ዮሰፍ ዎንታ ኤንታኮ ገልያ ዎደ ኤንቲ አዛንድ ኡትዳሽን በእስ።

1 ቆሮንቶሳ 1:19

ጌሻ ማፃፋን፥ “ታኒ ጭንጫታ ጭንጫተ ይሳና፤ አኬካንቾታ አኬካ ባለና” ያጌስ።

ሃዋሬታ ኦሱዋ 17:18

ኤፕቆሮሰነ እስቶይከ ጌተትያ ጩጋታፐ እስ እስ ኤራንቾት ጳዉሎሳራ ፓላምዶሶና። ኤንታፈ እሶት እሶት፥ “ሀ ዮያማይ አይ ኦዳናዉ ኮዪ?” ያግዶሶና። ሀራት ጳዉሎስ የሱሳባነ ሀይቆፐ እ ደንድዳይሳ ባንታዉ ኦድዳ ግሾ፥ “ኦራ ፆሳታባ ኦድያ ዳኔስ” ያግዶሶና።

ሃዋሬታ ኦሱዋ 7:22

ሙሰይ ግብፀታ ጭንጫተ ኡባ ታማርድ ኦዳንነ ኦሶን ምኖ አስ ግድስ።

Inbaqoome 3:16

ታኒ ሄሳ ኡባ ስእን ታ ዎዛናይ ዳጋምስ፤ ታ መተርሻይ ኮኮርስ። ታ መቀይ ዳጋምስ፤ ታ ቶሆይ ጉንድስ። ኑ ሞርከታ ጎዳይ ሴራና ጋካናዉ፥ ታኒ መቱዋ ጋላሳ ዳንዳአን ናጋና።

Daanela 8:27

ታኒ ዳነል፥ ዳሮ ዳቡርዳ ግሾ፥ ሳከታዳ ዳሮ ጋላስ ዝንአስ። ሄሳፈ ጉየ ደንዳዳ፥ ካዋ ኦሶስ ባስ። ሀ ቆንጨን ታኒ ዳሮ ዳጋማስ፤ አኬካናዉ ዳንዳአብከ።

Daanela 7:28

ታ ቆንጨባይ ሀይሳን ዉርስ። ታኒ፥ ዳነል፥ ታ ቆፋን ዳሮ ዳጋማስ፤ ታ ሶምኦይ ብዶ ግድስ። ሽን ኡባባ ታኒ ታ ዎዛናን ዎስ።

Daanela 5:11

ጌሻ ፆሳታ አያን እያ ቦላ ደእያ፥ እስ አስ ነ ካዎተ ግዶን ደኤስ። እያዉ ኤራተ፥ አኬክነ ጭንጫተ ደኤስ። ካሰ ነ አዋይ፥ ካዎይ ናቡካዳናፆር እያ፥ ማሮታ፥ ሙራንቾታ፥ ብታንቾታነ ፆልንቶ ፓይደይሳታ ሀላቃ ኦድ ሹምስ።

Isayaasa 19:3

ግብፀ አሳይ ኤሾ ያና፤ ታኒ ኤንታ ሀልቹዋ ሀዳ ኦና። ኤንቲ ባንታ ኤቃታ፥ ሞይትለራ ኦደተይሳታ፥ ብታንቾታነ ማሮታ ዞረ ኦይቻና።

Mazmure 25:14

ጎዳይ ያየይሳታስ ባ ፁራ ገንና፤ እ ኤንታዉ ባ ጫቁዋ ኤርሴስ።

Leeweta 20:6

“ኦንካ ታና አማነቶና እፅድ ሞይትለ ፄግኮነ ማሮ ሶ ቢኮ፥ ታኒ እያዉ ሞርከ ግዳና፤ አሳ ግዶፈ እያ ይሳና።

Kessa 9:11

ግብፀ አሳ ቦላ ዎዳ ክፃይ ማሮታ ቦላካ ዎዳ ግሾ ሙሰ ስንን ኤቃናዉ ዳንዳእቦኮና።

Medhetethi 41:7

ሄ ሌእዳ ሞርኤት ሎኦነ ሙሩታ ሞርኤታ ምትዶሶና። ሄሳፈ ጉየ፥ ካዎይ ባርክድ አሙሆ ግደይሳ ኤርስ።

Medhetethi 41:15

ካዎይ ዮሰፋ፥ “ታኒ አሙሆ አሙሀስ፥ ሽን ታዉ እስ አስካ ብላናዉ ዳንዳእቤና። ታኒ፥ ነ አሙሆ ብላናዉ ዳንዳኤይሳ ስአስ” ያግስ።

1 Sameela 6:2

ሄ ዎደ ፍልስፄመ አሳይ ባንታ ካህነታነ ማሮታ ፄግድ፥ “ጎዳ ታቦትያ ኑኒ ዋትኖ? ኑኒ ጉየ እያ በሳ እያ ዋት የዳኔኮ ኑስ ኦድተ” ያግዶሶና።

Daanela 4:6

ሄሳ ግሾ፥ አሙሁዋ ብርሸ ታና ኤርሳና መላ ባብሎነን ደእያ ጭንጫታ ኡባ ታኮ ኤሀና መላ ኪታስ።

Daanela 4:18

“ታኒ፥ ካዎይ ናቡካዳናፆር በእዳ አሙሆይ ሀይሳ፦ ሀእ፥ ብልፃሶራ፥ ታዉ እያ ብርሸ ኦዳ። ታ ካዎተን ደእያ ጭንጫታፐ እሶይካ ታና ብርሸ ኤርሳናዉ ዳንዳእቤና። ሽን ጌሻ ፆሳታ አያን ነናን ደእያ ግሾ፥ ኔኒ ዳንዳኣሳ” ያጋስ።

Medhetethi 41:24

ሄ ሌእዳ ሞርኤት ላፑን ሎኦ ሞርኤታ ምዶሶና። ታኒ ሀ አሙሁዋ ብታንቾታስ ኦዳስ፥ ሽን ታዉ አሙሁዋ ብርሽያ አስ በንትቤና” ያግስ።