Medhetethi 3:16 - ጌሻ ማፃፋ

¹⁶ ማጫስዉ ጎዳ ፆሳይ፥ “ነ ቃንትዳ አጌናን ዳሮ ኡንኤታና። ኔኒ ዎልቃማ ዋየን ናአ የላና። ግዶሽን፥ ኔኒ ነ አዝናራ ዳናዉ አሞታና፤ እ ነና ሃራና” ያግስ።

Geeshsha Maxaafa

¹⁶ Maccasiw Godaa Xoossay, “Ne qanthatida ageenan daro un7etana. Neeni wolqaama waayen na7a yelana. Gidoshin, neeni ne azinaara daanaw amottana; I nena haarana” yaagis.

Medhetethi 3:16 Referans Kwoze

Tito 2:5

ፆሳ ቃላይ ቦረቶና መላ ባንታና ሃረይሳታ፥ ጌሻታ፥ ባንታ ሶን ኦይሳታ፥ ኬሀታነ ባንታ አዝናታስ ኪተተይሳታ ግዳና መላ ያላጋ ማጫሳ ታማርሶና።

Qolaasiyasa 3:18

ማቸቶ፥ አማንያ አሳስ በሲያባ ግድያ ግሾ፥ ህንተ አዝናታስ ሃረትተ።

1 ቆሮንቶሳ 11:3

ሽን ክርስቶስ አደ ኡባስ ሁጰ፥ አደይ ማጫሳስ ሁጰ፥ ቃስ ፆሲ ክርስቶሳስ ሁጰ ግደይሳ ህንተ ኤራና መላ ኮያይስ።

1 ፅሞትዮሳ 2:15

ሽን ማጫስ አማኖን፥ ሲቆንነ ጌሻተን ባንታና ሃርድ ደእኮ ናይታ የሎን አታና።

1 ቆሮንቶሳ 14:34

ማጫስ ዎሳ ኬን ስእ ጎ። ሙሰ ህገይ ገይሳዳ ኤንቲ ሃረቶፈ አትሽን፥ ዎሳ ኬን ኦዳናዉ ኤንታዉ ማት ባዋ።

1 ቆሮንቶሳ 7:4

ማቼስ ባ አሳተ ቦላ ማት ባዋ፥ ሽን ማት እ አዝናሳ። ሄሳዳካ፥ አዝናስ ባ አሳተ ቦላ ማት ባዋ፥ ሽን ማት ማቸሳ።

Yohaanisa 16:21

እስ ማጫስያ ናአ የላና ሀንያ ዎደ ባ የሎ ዎደይ ጋክዳ ግሾ ህርጋዉሱ። ሽን ናአ የልዳፐ ጉየ ናእ ሀ አላምያን የለትዳ ኡፋይሳ ግሾ ባ ኡንኣ ዶጋዉሱ።

Medhetethi 4:7

ኔኒ ሎኦ ኦዳባ ግድያኮ፥ ነ ሶምኦይ ፓሽካ ግደኔ? ሽን ኔኒ ሎኦ ኦና እፅኮ፥ ናጋር ዶአዳ ነ ፐንገን ናጌስ። እ ነና ሃራናዉ ኮዬስ፥ ሽን ኔኒ እያ ፆናናዉ በሴስ” ያግስ።

Ermiyaasa 6:24

ኑኒ ሄ ኦዳ ስእን፥ ኑ ኩሸይ አርጋጭስ፤ ማጫስ እቀ ኦይከይሳዳ ኑና መቶይነ ኡንእ ኦይክስ።

Taybo 30:13

እ አዝናይ እያ ጫቅዳ ጫቁዋ ዎይኮ እያ ባና ካዉሻናዉ ቃንገትዳ ቃንገ ላላናዉ ዎይኮ ምንናዉ ዳንዳኤስ።

1 ተሰሎንቀ 5:3

አሳይ፥ “ሳእ ሳሮ፥ አይኮይካ ሀነና” ያግሽን፥ ማጫስ እቀ ኦይከይሳዳ ዮይ ኤንቲ ቆፖና ኤንታ ቦላ ያና። ኤንቲ አይ ኦገንካ ከስ ኤኮኮና።

Astiro 1:20

ሀ ኔኒ አዳ አዋጆይ ሀ ግታ ካዎተ ኡባን ኦደትያ ዎደ እስ እስ ማጫስ ዱረ ግድን ማንቆ ግድን፥ ሻኮና ባ አዝና ቦንቻና” ያግስ።

Ermiyaasa 22:23

ህንተኖ፥ ልባኖሰ ዝጋን ኬፀትዳ ኬን ደኤይሳቶ፥ እቀ ኦይክዳ ማጫሳዳ ኡንእ ህንተ ቦላ ፑቱ ጊኮ ህንተ ዋናኔ?” ያጌስ።

Ermiyaasa 13:21

ኔኒ፥ ነዉ ላገ ግዳና መላ ኮይዳይሳት ነና ፆንድ ሃርያ ዎደ ዎይጋይ? የሎስ ከይዳ ማጫሳዳ እቀ ነና ኦይከኔ?

Isayaasa 21:3

ሄሳ ግሾ ታ አሳተይ ሳከትስ፤ ማጫስ ኤቀተይሳዳ ታኒ ኡንኤታስ። ታኒ ስእያባይ ታና ኮኮርስስ፤ ታኒ በእያባይ ታና ዳጋንስ።

Isayaasa 13:8

ኤንቲ ዳጋማና፤ እቀነ ኡንኤተ ኤንታ ኦይካና። የሎ ከይዳ ማጫሳዳ ኤንቲ እንፃፃና። ኤንቲ ዳጋምድ እሶይ እሱዋ ፄላና፤ ኤንታ ሶምኦይ ብዶ ግድስ።

Ermiyaasa 49:24

ዳማስቆይ ዳቡርስ፤ ኤንቲ ዳጋማን ኮኮርድ ባቃትዶሶና፤ ማጫስ እቀ ኦይከይሳዳ መቶይነ ኡንእ ኤንታ ኦይክስ።

Ermiyaasa 4:31

ታኒ እቀ ኦይክዳ ማጫስ ዋስያ ዋሱዋ መላ ስአስ። እ ዋሶይ ኮይሮ ናአ የልያ ማጫሳ ዋሶ መላ። ሄ ዋሶይ፥ የሩሳላመይ ሸምፖ ያዳ፥ ባ ኩሽያ ምጫዳ፥ “ታና አየ! ታ ያስ! ታና ዎናዉ ሀኖሶና!” ያጋዳ ዋስያ ዋሱዋ።

Isayaasa 53:11

ባ ሸምፑዋ ዋያፐ ጉየ፥ እ ደኦ ፖኦ በአና፤ ኡፋይታና። ታ ፅሎ አይለይ ባ ኤራተን ዳሮታ ፅልሳና፤ ኤንታ ቆሁዋካ ቶካና።

Mazmure 48:6

ኤንቲ ያን ደእሸ ያሻን ኮኮርዶሶና፤ እቀ ኦይክዳ ማጫሳዳ እንፃፅዶሶና።

1 ፅሞትዮሳ 2:13

አዳመይ ኮይሮ መትስ፤ ጉየፐ ሄዋና መታሱ።

1 Taarike 4:9

ያበፅ ባ እሻታፐ አድ ቦንቸትዳ አስ። እያ አይያ፥ “ታኒ እያ ኢታ እቀን የልዳ ግሾ፥ እያ ሱንይ ያበፃ” ጋዳ ፄጋሱ።