Medhetethi 24:3 - ጌሻ ማፃፋ

³ ታኒ ኤንታ ግዶን ደእዳ ካናነታ ማጫ ናይታፐ ታ ናኣስ ማቾ ኦይቾና መላ፥ ጎዳን፥ ሳሎነ ሳአ ፆሳ ሱንን ታኒ ነና ጫቅሳይስ፤

Geeshsha Maxaafa

³ taani enta giddon de7ida Kanaaneta macca naytape ta na7aas macho oychonna mela, Godan, salonne sa7a Xoossa sunthan taani nena caaqisayis;

Medhetethi 24:3 Referans Kwoze

1 ቆሮንቶሳ 7:39

ማችያ ባ አዝናይ ፓፃ ደእያ ዎደ ኡባን እያራ ቃሸታሱ። ሽን እ አዝናይ ሀይቅኮ፥ ባ ዶስዳ አዝና ገላናዉ ዳንዳአዉሱ። ግዶሽን፥ እያ ገልያ አደይ አማንያ አስ ግዳናዉ በሴስ።

Nahime 13:25

ታኒ ኤንታራ ኦየታስ፤ ኤንታ ባዳስ፤ ኤንታፈ እሶታ እሶታ ደቻዳ፥ ኤንታ ሁጵያ ብናና ሾዳስ። ሄሳ ፃላላ ግዶናሽን፥ ኤንቲ ባንታ ማጫ ናይታ ኤንታ አደ ናይታስ እሞናዳ፥ ኤንታ ማጫ ናይታ ባንታዉነ ባንታ አደ ናይታስ ኤኮናዳ ፆሳ ሱንን ጫቅሳስ።

Medhetethi 28:8

ኤሳዌይ ሄሳን ካናነ ቢታ ማጫስ ባ አዋ ይሳቅ አይ መላ እፅያኮ ኤርስ።

Ermiyaasa 10:11

“ሀይሳቲ ሳሎነ ሳአ መቦና ፆሳት ሳአፐነ ሳሎፐ ያና” ያጋዳ ኔኒ ኤንታዉ ኦዳ።

2 Kawota 19:15

ያትድ፥ ጎዳ ሀይሳዳ ያግድ ዎስስ፤ “አቤት ጎዳዉ፥ ክሩበታፐ ግዶን ኡትያ እስራኤለ ፆሳዉ፥ ሳኣ ካዎተታ ኡባ ቦላ ነ ፃላል ፆሰ፤ ሳሉዋነ ሳኣ ኔኒ መዳሳ።

Kessa 34:16

ቃስ ህንተ ኤንታ ማጫ ናይታፐ ህንተ አደ ናይታስ እምኮ፥ ሄ ዎደ ሄ ማጫ ናይት ባንታ ፆሳታ ጎይንድ፥ ህንተ አደ ናይትካ ታዉ አማነቶና እፅድ፥ ባንታ ፆሳታ ጎይናና መላ ኦና።

Nahime 9:6

ፆሳዉ፥ ነ ፃላል ጎዳ! ኔኒ ሳሎታነ ቃ ሳሎታን ደእያ መተታ፥ ሳኣነ እያ ቦላ ደእያ መተታ፥ አባታነ ኤንታ ግዶን ደእያ መተታ ኡባ መዳሳ። ኡባስ ደኦ እማዳሳ፤ ሳሎ መተት ነዉ ጎይኖሶና።

2 Taarike 2:12

ክራም ጉጅድ፥ “ፆሳ ኬነ ባዉ ጋ ኬፃና መላ ጭንጫ፥ አኬካነ ሂላ ናኣ ካዋ ዳዊታስ እምዳ፥ ሳሎ ሳኣ መዳ ጎዳይ፥ እስራኤለ ፆሳይ ጋላተቶ።

Iyyasu 2:12

ሄሳ ግሾ፥ ታ ህንተዉ ኬህዳይሳዳ ህንተ ታ አዋ ሶ አሳስ ኬሀናዳ ጎዳ ሱንን ጫቅተ። ሄሳስ አማንያ ማላ ታዉ እምተ።

Zaaretho 10:20

ጎዳ፥ ነ ፆሳ ያያ፤ እያዉ ኦ፤ እያራ ኦይከታ፤ እያ ሱንን ጫቃ።

Zaaretho 6:13

ጎዳ፥ ነ ፆሳ ያያ፤ እያ ፃላላ ጎይና፤ እያ ሱንን ጫቃ።

Taybo 5:21

ጎዳይ ነ የሎ ኬ ጉንድስድ፥ ነ ኡሉዋ ጋቢስድ ነ አሳ ስንን ነና ባደትዳባ ኦ።

Kessa 23:13

ታኒ ህንተዉ ኦድዳባ ኡባ ምንድ ኦተ። ሀራ ፆሳታ ሱን ፄግድ ዎሶፍተ፤ ኤንታ ሱን ደንፍተ።

Kessa 20:7

“ፆሳ ነ ጎዳ ሱን ሀዳን ደንፋ። ጎዳይ ባ ሱን ሀዳን ደንይሳታ ሴሮና አገና።

Medhetethi 50:25

ዮሰፍ እስራኤለ ናይታ፥ “ፆሳይ ህንተና ማዳናዉ ፆሞስያ ዎደ፥ ህንተ ታ መቀ ሀ ቢታፈ ኤክድ ቢተ” ያግድ ጫቅስስ።

Medhetethi 27:46

ሄሳፈ ጉየ፥ እርብቃ ይሳቃኮ፥ “ኤሳዌይ ኤክዳ ህተታ ማጫ ናይታ ጋሶን ታኒ ታ ደኡዋ ሻተታስ። ቃስ ያይቆብካ ሀይሳ ህተታ ማጫ ናይታፐ ማቾ ኤክኮ፥ ታዉ ሀይቆይ ሎኦ” ያጋሱ።

Medhetethi 21:23

ኔኒ ታ ቦላ ዎይኮ ታ ናይታ ቦላ ዎይኮ ታ ዘረ ቦላ ጭማዳ ገነ ኦና መላ፥ ሀእ ሀይሳን፥ ፆሳ ስንን ታዉ ጫቃ። ታኒ ነዉ ኬህዳይሳዳ፥ ኔንካ ታስነ ኔኒ በተተን ደእዳ ሀ ቢቴስ ኬሀ” ያግስ።

Medhetethi 14:19

እ ሀይሳዳ አብራመ አንጅስ፤ “ሳሎነ ሳአ መዳ፥ ኡባፈ ቃ ፆሳይ ነና አንጆ።

Medhetethi 6:4

ሄ ዎደነ ሄሳፈ ጉየ፥ ፆሳ ናይት አሳ ማጫ ናይታ ኤክን፥ ናይት የለትዳ ዎደ፥ ዎጋ አዱሳ አሳት ሳአ ቦላ ደእዶሶና። ኤንቲ በን ዎደ ኦላስ ምኖነ ኤረትዳ አሳታ።

Medhetethi 6:2

“ፆሳ ናይታ” ጌተትያ መተት ሄ ማጫ ናይት ማላ ሎኦ ግደይሳ በእድ ኤንታፈ ባንታዉ ዶርዳይሳታ ማችዶሶና።

Ibraawe 6:16

አስ ጫቅሸ ባፐ ግታትያ ኡራን ጫቄስ፤ ሄ ጫቆይ ጌተትዳባ ምንድ፥ ፓላማ ኡባ ተቄስ።

Sofonaasa 1:5

ኬ ቦላ ከይድ አዋስ፥ አጌናስነ ፆልንቶታስ ጎይነይሳታ ታኒ ይሳና። ጎዳ ጎይንሸነ እያ ሱንን ጫቅሸ ሞሎካ ጌተትያ ኤቃ ሱንን ጫቀይሳታ ታኒ ይሳና።

Ermiyaasa 12:16

ካሰ ታ አሳ ባኣለ ሱንን ጫቃና መላ ታማርስዳይሳዳ ኤንቲ ታ አሳ ኦግያ ታማርኮነ ታ ሱንን ጫቅኮ ኤንቲ ታ አሳ ግዶን ምንድ ዳና።

Ermiyaasa 4:2

ቱማን፥ ሱረተንነ ፅሎተን፥ ‘ደኦ ፆሳይ ኤርያ መላ’ ግድ ጫቅኮ፥ ሄ ዎደ ካዎተት እያን አንጀታናነ እያን ጬቃና።”

Isayaasa 65:16

ካሰ መቶት ዶገትዳ ግሾነ ታ አይፍያ ስንፈ ጌምዳ ግሾ ሄ ቢታን አንጆ ኮይያ ኡባይ ቱማ ፆሳ ሱንን ዎሳና። ሄ ቢታን ጫቆ ጫቅያ ኡባይ ቱማ ፆሳ ሱንን ጫቃና።

Isayaasa 48:1

“ህንተኖ፥ ያይቆባ ሶ አሳዉ፥ እስራኤለ ሱንን ፄገትዳይሳቶ፥ ይሁዳ ኮቻፈ ይዳይሳቶ፥ ሀይሳ ስእተ። ህንተ ጎዳ ሱንን ጫቀታ፤ እስራኤለ ፆሳ ፄገታ፤ ሽን ቱማተንነ ፅሎተን ግደና።

Isayaasa 45:23

ታኒ ታናን ጫቃስ፤ ጉየ ስሞና ቃል ታ ዶናፐ ፅሎተን ከይስ። ጉልባት ኡባይ ታዉ ጉልባታና፤ እንፃርስ ኡባይ ታናን ጫቃና።

Mazmure 115:15

ሳሉዋነ ሳኣ መዳ ጎዳይ ህንተና አንጆ።

1 Sameela 20:17

ዮናታን ዳዊታ ባ ሁጰዳ ዶስያ ግሾ፥ “ኔኒ ታና ቱማ ዶሰይሳ ቆንጭሳናዉ ታዉ አነ ናምአን ጫቃ” ያግስ።

Leeweta 19:12

“ታ ሱንን ዎርዶ ጫቆፍተ፤ ህንተ ፆሳ ሱን ቱንሶፕተ። ታኒ ህንተ ጎዳ።

Kessa 22:11

ሀዳራ ኤክዳይስ ባ ላግያ መህያ ካይሶቶናይሳ ጎዳ ስንን ጫቆ። ሄ መህያ ጎዳይ ጫቁዋ ኤኮ፤ መሄይ እያፐ ይዳ ኡራይ ጭጋናዉ ኮሸና።

Medhetethi 14:22

ሽን አብራመይ ሶዶመ ካዋኮ፥ “ታኒ ጎዳስ፥ ሳሉዋነ ሳአ መዳ ኡባፈ ቃ ፆሳስ ታ ኩሽያ ደንስ።

Medhetethi 24:7

ጎዳይ፥ ሳሉዋ ፆሳይ፥ ታና ታ አዋ ሶፐነ ታ የለትዳ ቢታፈ ከስዳይስ ታዉ፥ ‘ነ ዘረስ ታኒ ሀ ቢታ እማና’ ያግድ ጫቅዳይስ፥ ኔኒ ታ ናኣስ ያፐ ማቾ ደማና መላ፥ እ ባ ኪታንቹዋ ኔፐ ስን ኪታና።

Medhetethi 28:1

ሄሳ ግሾ፥ ይሳቅ ያይቆባ ፄግድ፥ “ካናነ ቢታ ማጫ ናይታፐ ማቾ ኤኮፋ።

Medhetethi 47:31

ያይቆብ እያኮ፥ “አነ ታዉ ጫቃ” ያግስ። ዮሰፍ እያዉ ጫቅስ። ሄሳፈ ጉየ፥ እስራኤለይ ባ ጉፍያ ቦላ ካትድ ፆሳ ጎይንስ።

አይሰይሳታ 14:3

ሽን እያ አዋነ አይያ፥ “ማቾ ኦይቻናዉ ሀ ቃፃረትቦና ፍልስፄመታኮ ባናዉ ነና አይ ኮሽዴ? ኑ ኮቻ ግዶን ዎይኮ ኑ አሳ ኡባ ግዶን ነዉ ሀንያ ማጫ ናአ ደማናዉ ዳንዳአብኪ?” ያግድ ኦይችዶሶና። ሽን ሳምሶን ባ አዋኮ፥ “ታኒ እዮ ዶስዳ ግሾ፥ እዮ ኦይቻዳ ታዉ እማ” ያግስ።

Mazmure 136:26

ሳሎ ፆሳ ጋላትተ! እያ ሲቆይ መርናሳ።

Medhetethi 34:9

ኑራ ኤከትተነ ገለትተ፥ ህንተ ማጫ ናይታ ኑስ እምተ፥ ኑ ማጫ ናይታካ ህንተዉ ኤክተ።

Medhetethi 38:2

ያን ይሁድ ሹአ ጌተትያ ካናነ ኡራ ናእዉ ማችስ።

1 Sameela 30:15

ዳዊቲ፥ “ኔኒ ታና ሄ ኦልዳ ጩጋታኮ ካለናዉ ዳንዳአይ?” ያግድ ኦይችስ። እ ዛሪድ፥ “ኔኒ ታና ዎና መላነ ታ ጎዳስ አዳ እምከ ጋዳ ታዉ ፆሳን ጫቃ፤ ታኒ ነና ኤንታኮ ካለና” ያግስ።

Izira 5:11

ኤንቲ ሀይሳዳ ያግድ ዛርዶሶና፦ “ኑኒ ሳሎነ ሳአ ፆሳ አይለታ፤ ኑኒ ዳሮ ላይፈ ካሰ ግታ እስራኤለ ካዎይ ኬፅድ ፖልዳ ኬ ዛሪድ ኬፆስ።

Ermiyaasa 29:6

ማቾ ኤክድ ማጫ ናአነ አደ ናአ የልተ። ህንተ አደ ናይታስ ማቾ ኦይችድ እምተ፤ ህንተ ማጫ ናይታ አዝናስ እምተ። ኤንቲ ማጫ አደ የሎ፤ ያን ታይቦን ዳርተ፤ ጉፆፍተ።