Medhetethi 22:1 - ጌሻ ማፃፋ

¹ ሄሳፈ ጉየ፥ ፆሳይ አብራሃመ ፓጭስ፤ እ እያ፥ “አብራሃመ” ያግድ ፄግስ። እ፥ “ዬ” ግድ ኮይስ።

Geeshsha Maxaafa

¹ Hessafe guye, Xoossay Abrahaame paacis; iya, “Abrahaame” yaagidi xeegis. I, “Yee” gidi koyis.

Medhetethi 22:1 Referans Kwoze

Ibraawe 11:17

አብራሃመይ ፓጨትዳ ዎደ ይሳቃ ያርሽዳይ አማኖና። ሄ ኡፋይሳ ቃላ ኤክዳ አብራሃመይ ባ እስ ናኣ ያርሻናዉ ጊግስ።

Zaaretho 8:2

ጎዳይ፥ ነ ፆሳይ ነዉ እምዳ ኪታ ነ ናግያኮነ ናጎናኮ፥ ነ ዎዛና ቆፋ ኤራናዉ ነና ፓጫናዉነ ነና አዳ ኦናዉ ኦይታሙ ላይ ኩመ ነና መላ ቢታን ዋት ካለዳኮ አኬካ።

1 ጰፅሮሳ 1:7

ሄ ፓጨይ ህንተና ጋክዳይ፥ ታማን የግን ይያ ዎርቃፈ ህንተ አማኖይ አነ ቱማ ግደይሳ በሳናሳ። ሄ ፓጨትዳ አማኑዋን የሱስ ክርስቶሲ ቆንጭያ ዎደ ጋላታ፥ ቦንቾነ ሳባ ህንተ ኤካና።

Yayqooba 2:21

ኑ አዋ አብራሃመይ፥ ባ ናኣ ይሳቃ ያርሾ በሳ ቦላ ዎዳ ዎደ ባ ኦሱዋን ፅልቤኔ?

1 ቆሮንቶሳ 10:13

አሰ ኡባ ጋክያ ፓጨፐ አትሽን፥ ዱማ ፓጨይ ህንተና ጋክቤና። ህንተ ዎልቃይ ዳንዳኤይሳፈ አያ ፓጨን ህንተ ፓጨቶና መላ አድ እሞና ፆሳይ አማነትዳይሳ። ህንተና ፓጨይ ጋክያ ዎደ ሄ ፓጭያ እ ህንተና ዳንዳእሳና። ቃስ ሄ ፓጭያፐ ህንተ ከያና ኦግያ እ ጊግሳና።

Leemiso 17:3

ዎርቅነ ብር ታማን ፓጨተይሳዳ፤ ጎዳይ አሳ ዎዛና ፓጬስ።

Zaaretho 8:16

ነ ማይዛት ኤሮና ማና እ ነና መላ ቢታን ሙዝስ። ዉርሰን ነዉ ኡባባይ እንጀታና መላ ነና አዳ ኦናዉነ ፓጫናዉ ሄሳ ኦስ።

Kessa 3:4

እ በአናዉ ሺቅዳይሳ ጎዳይ በእድ፥ ቱሽያ ግዶፈ፥ “ሙሰ! ሙሰ!” ግድ ፄግስ። ሙሰይ፥ “ሄኮ፥ አበ ጎዳዉ” ግድ ኮይስ።

Medhetethi 22:11

ሽን ጎዳ ኪታንቾይ ሳሎፐ፥ “አብራሃመ፥ አብራሃመ” ያግድ ፄግስ። እ፥ “ዬ” ያግድ ኮይስ።

Medhetethi 22:7

ይሳቅ ባ አዋ አብራሃመ፥ “ታ አዋዉ” ያግስ። አብራሃመይ፥ “ዬ፥ ታ ናአዉ” ያግስ። ይሳቅ፥ “ታማይነ ምይ ሀይስሽ፤ ሽን ፁሳ ያርሾ ኡርገ ዶርሳይ አዉኔ?” ያግስ።

Isayaasa 6:8

ሄሳፈ ጉየ ጎዳይ፥ “ኦና ኪቶ? ኑስ ኦነ ባናይ?” ያግሽን ስአስ። ታኒ፥ “ሄኮ፥ ታና ኪታ፥ ታኒ ባና” ያጋስ።

2 Taarike 32:31

ሽን ይሁዳ ቢታን ሀንዳ ማላልስያ ኦሶታባ ኦይቻናዉ ባብሎነፐ ኪተትዳ አሳት ህዝቅያሳኮ ይዳ ዎደ ጎዳይ እያ ፓጫናዉነ እያ ዎዛናን ደእያባ ኤራናዉ እያ የድ በስስ።

Kessa 16:4

ጎዳይ ሙሰኮ፥ “ታኒ ህንተዉ ሳሎፐ ካ ቡክሳና። አሳይ ጋላስ ጋላስ ከይድ፥ ሀችስ ግድያባ ማፃናዉ ኮሼስ። አሳይ ታው ኪተትያኮነ ኪተቶናኮ ታኒ ኤንታ ሄሳን ፓጫና።

Zaaretho 13:3

ነ እያ ኡባራካ ስኦፓ። ህንተ ኩመ ዎዛናፐነ ኩመ ሸምፑዋፈ ጎዳ ህንተ ፆሳ ዶስያኮነ ዶሶናኮ ፓጫናዉ ሄሳ ኦስ።

አይሰይሳታ 2:22

እስራኤለ አሳይ ካሰ ባንታ ማይዛታዳ ታ ኦግያ ካልያኮነ ካሎናኮ ፓጫናዉ ታኒ ሀ አትዳ ካዎተታ ጎኤታና” ያግስ።

2 Sameela 24:1

ጎዳ ሀንቆይ ቃስካ እስራኤለ ቦላ ኤፅስ፤ ጎዳይ ዳዊታ ኤንታ ቦላ ደንድ፥ “ባዳ እስራኤለነ ይሁዳ አሳ ታይባ” ያግስ።

Mazmure 11:5

ጎዳይ ፅሉዋነ ዎርዱዋ ፕልጌስ፤ ኢታተ ዶሰይሳታ እፄስ።

Medhetethi 15:1

ሄሳፈ ጉየ፥ ጎዳይ አብራመስ አሙሆን ቆንጭድ፥ “አብራመ ባቦፋ፥ ታኒ ነዉ ጎንዳለ፥ ነ ዎይቶይ ግታ” ያግስ።

Medhetethi 21:11

ሄ ኦዳይ ባ ናአ ቦችያ ግሾ፥ አብራሃመይ ዳሮ መቶትስ።

Medhetethi 37:13

እስራኤለይ ዮሰፋ፥ “ነ እሻት ሴከማን መሄታ ሄመይሳ ኤራሳ። ሃያ፥ ታኒ ነና ኤንታኮ ኪታና” ያግስ። ዮሰፍካ፥ “ኤሮ” ያግስ።

Medhetethi 46:2

ፆሳይ ቃማ እስራኤለስ ቆንጭድ፥ “ያይቆባ፥ ያይቆባ” ያግስ። እካ፥ “ሄኮ፥ አበ ጎዳዉ” ግድ ኮይስ።

1 Sameela 3:4

ጎዳይ ሳሜላ ፄግስ፤ ሳሜል፥ “ዬ” ግድ ኮይስ።