Medhetethi 20:2 - ጌሻ ማፃፋ

² ያን ደእሸ አብራሃመይ ባ ማችዉ ሳሮ፥ “እያ ታ ምችዉ” ያግዳ ግሾ፥ ገራራ ካዎይ አብመለከይ ኪትድ ሳሮ ባኮ ኤፍስ።

Geeshsha Maxaafa

² Yan de7ishe Abrahaamey ba machiw Saaro, “Iya ta michiw” yaagida gisho, Geraara kawoy Abimelekey kiittidi Saaro baako efis.

Medhetethi 20:2 Referans Kwoze

Medhetethi 12:15

ግብፀ ፓሮና ሞርናት እዮ በእድ ዳሮ ናሽድ ካዋ ፋሮናስ ኦድዶሶና፥ እዮካ ካዋ ስን ኤፍዶሶና።

Medhetethi 26:7

ሄ ቢታ አሳይ እርብቃባ ደንድ፥ “ሀና ነዉ አይቤ?” ግድ ይሳቃ ኦይችዶሶና። እ፥ “ሀና ታዉ ምቾ” ያግስ። ሄሳ እ ግዳይ፥ እርብቃ ዳሮ ማላ ሎኦ ግድያ ግሾ፥ “እያ ታ ማቾ ጊኮ፥ ሀ አሳይ እ ጋሶን ታና ዎና” ያግ ቆፕድ ባብስ።

Qolaasiyasa 3:9

ጬጋ አሳተ እያ ኦሱዋራ ህንተፈ ቃርዳ ግሾ፥ እሶይ እሱዋስ ዎርዶቶፕተ።

Efesoona 4:25

ህዛ፥ ዎርዶ ኦደቶፍተ። ኑኒ ኡባይ ክርስቶሳ አሳተ ብልተታ ግድያ ግሾ አሳ ኡባራ ቱማ ኦደትተ።

Erata 7:20

ፅሎባ ፃላላ ኦድ ናጋራ ኦና ደእያ አስ ሀ ሳኣ ቦላ ባዋ።

Leemiso 24:16

ፅሎ አስ ላፑን ቶሆ ኩንድኮካ ደንዴስ፤ ሽን ኢታት ጋዶን ያና።

2 Taarike 32:31

ሽን ይሁዳ ቢታን ሀንዳ ማላልስያ ኦሶታባ ኦይቻናዉ ባብሎነፐ ኪተትዳ አሳት ህዝቅያሳኮ ይዳ ዎደ ጎዳይ እያ ፓጫናዉነ እያ ዎዛናን ደእያባ ኤራናዉ እያ የድ በስስ።

2 Taarike 19:2

ቆንጨ በእያ፥ አናና ናአይ እዩይ ካዋ እዮሳፈፃራ ጋሄታናዉ ከይድ፥ “ኔኒ ኢታታ ማዳናዉ ዎይኮ ጎዳ እፀይሳታ ዶሳናው በሲ? ሄሳ ግሾ፥ ጎዳ ሀንቆይ ነ ቦላ ይስ።

Medhetethi 26:16

ሄ ዎደ አብመለከይ ይሳቃኮ፥ “ኔኒ ኑፐ አዳ ምንዳ ግሾ ኑ ማታፐ ባ” ያግስ።

Medhetethi 26:1

ሄ ቢታን ካሰ አብራሃመ ዎደ ከይዳ ኮሻፐ ሀራ ኮሽ ከይስ። ያንን፥ ይሳቅ ፍልስፄመ ካዋ አብመለከኮ ገራራ ብስ።

Medhetethi 20:12

ሄሳ ቦላ እያ ቱማካ ታ ምቾ፤ እያ ታ አዋ ናአፐ አትሽን ታ አየ ናአ ግዱኩ፥ ያንያ ግሾ፥ እያ ታ ማቾ ግዳሱ።

2 Taarike 20:37

ግዶሽን ማሬሳ አደይ ዶዳ ናአይ አላዛር፥ “ኔኒ አካዝያሳራ እስፈተ መዳ ግሾ ነ ኦዳባ ጎዳይ ይሳና” ያግድ እዮሳፈፃ ቦላ ትንብተ ኦድስ። ሄሳ ግሾ፥ ማርካበት መቅዶሶና፤ ኤንቲ ዛልኤ ኦሱዋ ኦናዉ ዳንዳእቦኮና።

Medhetethi 21:22

ሄ ዎደ፥ አብመለከይ፥ ባ ቶራ ሞጮና ፍኮላራ አብራሃመኮ ብድ፥ “ኔኒ ኦያባ ኡባን ፆሳይ ኔራ ደኤስ።

Leemiso 29:25

አሳስ ያሽ ሄ ኡራስ ፅሄ ግዴስ፤ ሽን ጎዳን አማነትያ አስ ሳሮ ደኤስ።

Leemiso 6:29

አሳ ማቾ ላገያ ኡራይ ሄሳ መላ፤ እዮ ቦችያ ኡባይ ሴረቶና አተና።